Hiziqeeli 34:10 - Kafa Linguistics Project

¹⁰ Nuggishoo Doono Yeeri ta ishichiyoye: Ebiyoche ta qiddeenaꞌo toommooch tiyeto taane. Ta bageenaꞌon boonoshi kishoochee qaawemmo taane; wochinnoon boonoshi shiimemmoyich tuniyaachemmo taane; qiddeenaꞌo boonoshi qelloon wochi boonoshi shiimeyaachemmoyich tuniyemmo taane; boonoshich maayoon boonoshi tuneyaachemmoyich, ta bageenaꞌon boonoshi kookkoochee wodiyemmo taane.

Hiziqeeli 34:10 ပူးပေါင်းရင်းမြစ်များ

Shoddo 23:5

Ta etteenaꞌo aafoochaa taach madoon qanniihine; ta qellooch zayitoon huuttehine; ta xoofoo ceennii aphirehe.

Erimiyaasi 21:13

Bambee tookk koteti Yerusaaleme, gaddee toommeexi shiishe xaqqeene! Ne toommooch tiyeto taane, iye Doono Yeeri. Newoo “Koni waaree taan kindiiyehe? Koni ta gafooch giyehe?” ii beeti neene.

Erimiyaasi 39:6

Baabloonee taatoo Ribilaa Sedeqiyaasichi bushiisheenaꞌon bi aafoochaa wuxiye; wottoo Baabloonee taatoo Yihudee showeexi ogoogeenaꞌon wuxiye.

Erimiyaasi 50:31

“Hini geecechocho, ne toommooch taane” iye Beshe Mawe Nuggishoo Doono Yeeri. “Ebiyoo neen ta sheeremmi aabo bi shaggitoyichiye.

Hiziqeeli 13:23

Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.

Hiziqeeli 13:8

“ ‘Ebich Nuggishoo Doono Yeeri ishichiye: Duube mooyon ittoshi yibbaatetonaa koote yaaꞌoon ittoshi beeggitonoyich, ittoshi toommooch tiyeto taane, iye Nuggishoo Doono Yeeri.

Hiziqeeli 21:3

Israꞌeelee showoyichoo ‘Doono Yeeri ishichiye: Ebiyoche ne toommooch tiyeto taane; ta goraadoon bi gonenoochee kaaciree cadiqoonaa gonde ashoonon ne daggoochee aalliyemmo taane.

Hiziqeeli 3:18

Gonde ashoon ‘Iberoochaa qitemmo neene’ ta getaa, ne biin meeqqeqqiyoo ne qayigaata, bi gondoochee wotteree bi kashoon bi wodiyemmoyich meeqqeqqiyoo ne qayigaata, ebi axaaxechi uro bi axaaxoona qitemmone; tunebaani bi damoon ne kishoochee qaawemmo taane.

Hiziqeeli 3:20

“Cadiqe asho bi cadiqittinoochee wotteꞌi gondoon bi shuunegaata, tawoo bi aafooch xugoon ta kotiigaata, aroo qitemmone; ebiyoo ne biin meeqqeqqiyaano ne tunetoyich bi axaaxoona qitemmone; bi shuuneti cadiqittinoo gabeyaachemmone; bi damoon ne kishoochee qaawemmo taane.

Hiziqeeli 34:2

“Ashi bushoocho, keemoon keembe; Israꞌeelee qiddeenaꞌochi toommooch keemoon keembe; boonoshichoo ishichibe: ‘Nuggishoo Doono Yeeri ishichiye: Bageenaꞌon shiimee yeshon qajjiichii boonoshi qelloon shiimeebeeti qiddeenaꞌoyich woowo! Qiddeenaꞌo bagoon shiim bedaacheete?

Hiziqeeli 34:22

ta bageenaꞌon wodiyemmo taane; ebiyee bekk bokkeyaachemminaꞌone; bageenaꞌonaa bageenaꞌonochi daggooch nallemmo taane.

Hiziqeeli 34:8

Nuggishoo Doono Yeeri ta ishichaabeeto taane; beeyecho ta tunoona wogehoye; ta bageenaꞌoyich qiddoo aalletoyich, ta qiddeenaꞌo ta bageenaꞌon qaawoo boonoshi qajjitoyich, qiddeenaꞌo ta bageenaꞌon shiimee yesho qajjiichii boonoshi qelloon boonoshi shiimetoyich, kubbi cooxona kayeetinaꞌone; boonoshichoo maayo tunetinaꞌone.

Hiziqeeli 34:9

Ebich qiddeenaꞌote, Doono Yeeri ta qaaroon waayebote.

Hiziqeeli 35:3

Nuggishoo Doono Yeeri ta gettaa beeton ishichi gete: ‘Seyiri guudoocho, ne toommooch tiyeto taane; ta mochoon ne toommooch tiijjemmo taane; shokkaachoonaa amaalloonon neen tuniyemmo taane.

Hiziqeeli 5:8

Ebich Nuggishoo Doono Yeeri ishichiye: “Ta, ta qelloona ne toommooch tiyeto taane; aageteenaꞌo aafoochaa ne toommooch nallemmo taane.

Naahoomi 2:13

Beshe Mawe Doono Yeeri ishichiye: “Ittoshi toommooch tiyeto taane; ittoshi gaarinaꞌon michemmo taane. More daaheroommi ittoshi bushiisheenaꞌon goraado maayemmone; wuxi ittoshi maayemmi mooyon showee toommooch echiyaachemmo taane. Ne wocheyechinaꞌochi qaaro ebiyee bekk waayeyaachemmone” iye.

Zakaariyaasi 10:3

Doono Yeeri ishichiye: “Ta kaaro qiddeenaꞌo toommooch aaxxetone; boonoshin sheeremmo taane. Beshe Mawe Doono Yeeri ta, ta bago tuneti Yihudee asheenaꞌon aaxxii ciinnaabeeto taane. Boonoshinoo koyoochaa nagixiibeeti ta hareshoommon tuniyemmo taane.

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.

1 Pheexiroosi 3:12

Doono Yeeri aafo cadiqeenaꞌo waan ciinnii beetone; boonoshi qolloon waayoyich bi waamo qechoone; tunebaani Doonochi aafo gondoon shuunee beetinaꞌoyich maggemmone.”