Hiziqeeli 33:6 - Kafa Linguistics Project

⁶ Tunebaani qayecho goraado womon beeggiichii shametoon hugo bi qayigaata, asheenaꞌonoo meeqqeqqiyoo bi qayigaata, goraado waaꞌi ashoon bi wuxigaata, are asho bi axaaxoona qitemmone; tunebaani uroochi damoon are qayecho kishoochee qaawemmo taane’ gete.

Hiziqeeli 33:6 ပူးပေါင်းရင်းမြစ်များ

Halloo 42:22

Roobeeli wochii boonoshich ishichiye: “Arooba ‘Ebi bushoo toommooch gondoon shuuneyaahote’ iyaa ittoshich getaano taane? Tunebaani ittoshi ta getteton waayeyaano ittoshine. And ebeegote, bi damoo no kishoochee qaawee beetone” iye.

Halloo 9:5

Iberoochaa ashi kashoon kichimmon echeyaanoon qayaachemmo taane. Gijjoo woyee cooxolla bi tunegaata, ashi kashoon bi kichigaata, biin echemmo taane. Ashi kashoon kichimmi asho koniyoona bi tunegaata, biin echemmo taane.

2 Saameeli 4:11

Bi hajjee kexooch, bi qeenooch qeyiꞌi beeti, xalle ashoon wuxiti gonde asheenaꞌo toommooch ebiyee beshe mooyo tunemmone. Bi damoon ittoshi kishoochee qaawemmo, ittoshinoo showee toommoochee aalliyemmo taane” iye.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Erimiyaasi 14:15

Ebich Doono Yeeri ta, ‘Hini showooch goraadoonaa shaacoona waataachemmone’ iꞌi, ta wocheyaanoon ta shigoona keemoon keemiibeeti keemechinaꞌochon ishichiyoye: Ebi keemechinaꞌo goraadoonaa shaacoona qitemminaꞌone.

Hiziqeeli 18:20

Axaaxoon shuuneto aroo qitemmone; bushoo bi nihoochi axaaxoyich naxeyaachemmone; nihoo bi bushoochi axaaxoyich naxeyaachemmone; cadiqo bi cadiqittinee gaacoon danemmone; axaaxechoo bi axaaxoyich naxeyemmone.

Hiziqeeli 18:24

“Tunebaani cadiqe asho bi cadiqittinoochee wotteꞌi gonde asheenaꞌo tuniibeeti gondoonaa ciigiiti mooyonon bi tuniigaata, kashoona beeyehe? Kashoona beetache; halla bi shuuneti cadiqe mooyolla gabeyaachemmone; gibeneyaano bi tunoonaa bi axaaxoonoyich qitemmone.

Hiziqeeli 34:10

Nuggishoo Doono Yeeri ta ishichiyoye: Ebiyoche ta qiddeenaꞌo toommooch tiyeto taane. Ta bageenaꞌon boonoshi kishoochee qaawemmo taane; wochinnoon boonoshi shiimemmoyich tuniyaachemmo taane; qiddeenaꞌo boonoshi qelloon wochi boonoshi shiimeyaachemmoyich tuniyemmo taane; boonoshich maayoon boonoshi tuneyaachemmoyich, ta bageenaꞌon boonoshi kookkoochee wodiyemmo taane.

Mishiraachechinaꞌo 18:6

Tunebaani asheenaꞌo bi gettii beeton waayeyaachone iꞌi biin boonoshi naaggimmona, bi tahee quttoon tebbeebee, “Ittoshi toommooch mangoo waahooba, ittoshine ciichemmo; ta gettaꞌa ta qelloochee beshiito taane. Illa ebiyee damba Aageteenaꞌo waan hammemmo taane” iye.