Hiziqeeli 33:25 - Kafa Linguistics Project

²⁵ Ebich Nuggishoo Doono Yeeri ta gettaa beeton ishichi boonoshich gete: ‘Meenon damoona tookkii maahote; ittoshi aafoon shahalleenaꞌo waan wochiyote; damoon ukkiyote; ebi ittoshine showoon woraashemmo?

Hiziqeeli 33:25 ပူးပေါင်းရင်းမြစ်များ

Halloo 9:4

“Tunebaani damoo quupphiti meenon maayaahote. Ebiyoo damee daggooch kasho beetoyichiye.

Shoddo 24:4

Bi kishoo, bi mulloo xalloo tuneto, shahalloyich goyinneyaanoonaa kootoon wogeyaanoonane.

Erimiyaasi 7:15

Ittoshi maneenaꞌo tuneti Efreemichi asheenaꞌo bullin ta dufoommon ta aafoochee ittoshin duppemmo taane’ gete.

Erimiyaasi 7:21

Israꞌeelee Nuggishoo Beshe Mawe Doono Yeeri ishichiye: “Micciibeeti ittoshi deejjoon bare ittoshi deejjee toommooch daakkibote; meenonoo mamote.

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Hiziqeeli 18:15

guudi toommoochaa deejjeeton mamo bi qayigaata, Israꞌeelee macceenaꞌochi shahalleenaꞌoyich goyinno bi qayigaata, bi nuuchoochi mecheen eeꞌiyoo bi qayigaata,

Hiziqeeli 18:6

guudinaꞌo toommoochaa deejjeeton maataano bi tunegaata, Israꞌeelee macceenaꞌochi shahalleenaꞌoyich goyinno bi qayigaata, bi nuuchoochi mecheen eeꞌiyoo bi qayigaata, qechee goorooch maacheena dano bi qayigaata,

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Hiziqeeli 22:3

Ishichiree gete: ‘Nuggishoo Doono Yeeri ishichiye: Ne aabo shaggemmoyich ne daggoochaa damoo ufeebeeti, shahalloon shuunoona ne qelloon eeꞌiiti katemeene!

Hiziqeeli 22:6

“ ‘Ebiyoche, ne daggooch beeti Israꞌeelee iraasheenaꞌo, boono ikkikkoona, damoon ukkoyich boonoshi giidoon gaachee beetinaꞌone.

Hiziqeeli 22:9

Ashi damoon ukkiyoyich koottii beetinaꞌo ne daggooch beetinaꞌone; guudi toommoochaa deejjeeton maa beetinaꞌonaa yahechinaꞌona ne daggooch beetinaꞌone.

Hiziqeeli 36:18

Showee toommooch damoon boonoshi ukkitonaa shahalloona showoon boonoshi eeꞌiitonoyich ta neboon boonoshi toommooch kindiihoye.

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Leweenaꞌo 19:26

“ ‘Damoon quupphiti meenon ciroona maayaahote. “ ‘Kaayeyaahote. Iicishoo gettaahote.

Leweenaꞌo 3:17

“ ‘Ittoshi kotemmi xaaꞌoo aabiichaanona, awuyon woyee damoon maayaahote. Ebiyoo gubbi ittoshi shiijjeroo bulliich beddaahaa, kuxeyaanoon beeyemmi qociyoone’ gete” iye.

Leweenaꞌo 7:20

Tunebaani xalloo tuneyaani asho koniyoona Doono Yeeri taach giddeti ikkittinee deejjee meenon bi maagaata, bi asheenaꞌo daggoochee kichaa yookkebe.

Leweenaꞌo 7:21

Asho koniyoona ashi achoochee ufeebeeti eeꞌe mooyon woyee eeꞌe gijjoon woyee eeꞌe mooyo amoonolla yechiichii, Doono Yeeri taach giddeti ikkittinee deejjee meenoochee bi maagaata, bi asheenaꞌo daggoochee kichaa yookkebe’ gete” iye.

Mishiraachechinaꞌo 15:29

Ebiyoo shahalloyich deejjeeton, damoon, guureyaanoon taaqqee qititon ittoshi maataachemmoyichiye; wotta shunee mamoochee ittoshi wokkemmoyichiye. Eboshi bulliichee ittoshi qelloon ittoshi quyegaata, gaawiye. Diggoona beebote” ii beetone.

Mishiraachechinaꞌo 21:25

Wotta Ayihudo tuneyaani kittinneenaꞌoyich ‘Shahalloyich deejjeetonaa damoonon, taaqqee qititonoo maayaahote; shunee mamoochee wohote’ iyaꞌa no maacceti mooyon koorichoona koorito noone” iyeete.

Yibbaatoo 12:16

Tunebaani damoon aacochoommon showooch tibibani, maayaahine.

Yibbaatoo 12:23

Tunebaani damoon maayaahine. Kasho beeto damee daggooch bi tunetoyich, meenon kashoona tookki maayaahine.

Yibbaatoo 15:23

Tunebaani damoon aacochoommon showooch tibibani, maayaahine” iye.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.