Hiziqeeli 33:24 - Kafa Linguistics Project

²⁴ “Ashi bushoocho, Israꞌeelee showooch, happeeti xaaꞌooch koteti asheenaꞌo ishichii beetinaꞌone: ‘Abrahami ikke asho tuneebee showoon woraashiye; tunebaani no meeto no tunetoyich showoo no iristo bi tuno xiisheetone’ ii beetinaꞌone.

Hiziqeeli 33:24 ပူးပေါင်းရင်းမြစ်များ

Halloo 17:8

Ebi and dallaawoo tunaꞌa ne beeti Kanaanee showoo bullin, bulli yemeenoon ittoshi hajjoo bi tunemmoyich, neennaa neyee gubbi ne shiijjereenaꞌonoyich immemmo taane; boonoshichoo Nuggishoo tunemmo taane” iye.

Nehimi 9:8

Neech gibeneeto bi tunoon beeggehine; Kanaaneenaꞌo showoon, Hiteenaꞌo showoon, Amooreenaꞌo showoon, Ferizeenaꞌo showoon, Yebuseenaꞌo showoonaa Girigaasheenaꞌo showoonon biinnaa bi shiijjereenaꞌonoyich imoyich, biinna tookkaa wogoon giyehine; cadiqo ne tunetoyich, ne qaaroon ceechihine.

Isiyaasi 51:2

Ittoshi nihoo Abrahamin, ittoshin shiyeti Saarinoo ciinote. Abrahamin ta ceeggiyooba bi ikkeetone; biin diiriyoye; bi yaroonoo meechiyoye.

Erimiyaasi 39:10

Tunebaani hucigumbe girechinaꞌon, Yihudee showooch echiihe; woyinee budonaa goyoonon ebiyooba boonoshich immiye.

Erimiyaasi 40:7

Kishoo imaani ginee iraasheenaꞌonaa ginee naayinaꞌo bullina, Ahiqaamichi bushoo Gedaliyin Baabloonee taatoo showee toommooch, Baabloonee showooch kecaa hamaani showee toommeexi girechi anaaminaꞌochi, maacheenaꞌonaa bushiisheenaꞌonochi toommoochoo bi ukkiriyoon waayeꞌi,

Erimiyaasi 41:7

Katemee maac boonoshi waahaa; Netaani bushoo Ishmaꞌeelinaa biinna tookkii beeti asheenaꞌona boonoshin wuxiyeete; oppoochoo duppiyeete.

Hiziqeeli 11:15

“Ashi bushoocho, Yerusaalem beeti asheenaꞌo bulla, ne maneenaꞌo, ne xibeenaꞌo, ne asheenaꞌonaa Israꞌeelee macceenaꞌo bullina, ‘Doono Yeer waanee wokkitinaꞌone; hini showoo iristo tuniitaa nooch ichetone’ itinaꞌone.

Hiziqeeli 33:23

Doono Yeeri taach ishichiye:

Hiziqeeli 33:27

“Boonoshich, Nuggishoo Doono Yeeri ishichiye: ‘Beeyecho ta tunoona wogehoye: Happeeti xaaꞌooch beetinaꞌo goraadoona dihemminaꞌone; bakkooch beeton kubbi cooxoyich maayo tuniiree immemmo taane; mishigoonaa gofoonooch beetinaꞌo biiyoona qitemminaꞌone.

Hiziqeeli 34:2

“Ashi bushoocho, keemoon keembe; Israꞌeelee qiddeenaꞌochi toommooch keemoon keembe; boonoshichoo ishichibe: ‘Nuggishoo Doono Yeeri ishichiye: Bageenaꞌon shiimee yeshon qajjiichii boonoshi qelloon shiimeebeeti qiddeenaꞌoyich woowo! Qiddeenaꞌo bagoon shiim bedaacheete?

Hiziqeeli 36:4

Israꞌeelee guudinaꞌote, Nuggishoo Doono Yeerichi qaaroon waayebote: Nuggishoo Doono Yeeri guudinaꞌonaa geppeenaꞌonoyich, woce aacinaꞌonaa bambeenaꞌonoyich, amolla aalli shokkaache xaaꞌeenaꞌoyich, ittoshi guudoona beeti eche aageteenaꞌo boggii cooneti, shokkaachoo tuneti katemeenaꞌoyichoo ishichii beetone.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Maatiyoosi 3:9

Wotta ittoshinaa ittoshina ‘Abrahamichi bushiishoo noone’ getiree yebeneyaahote. Ittoshich gettoye: Hini xaqqeenaꞌoochee Yeeri Abrahamich bushiishoon halloon hakkiye.

Luqaasi 3:8

Illa ittoshi axaaxee gommoochee Yeer waan ittoshi wottoon bekkiibeeti shuunoon shuunebote. Wotta ittoshi mulloona ‘Abrahamichi bushiishoo noone’ getiree yebeneyaahote. Ittoshich gettoye: Hini xaqqeenaꞌoochee Yeeri Abrahamich bushiishoon halloon hakkiye.

Yowannisi 8:33

Boonoshiyoo wochiꞌi, “Abrahamichi yaroo noone; konichona cir guuno tuneyaano noone. ‘Guuchittinoochee kechemmo ittoshine’ iyaꞌa aabichaꞌa noon gettenne?” iyeete.

Yowannisi 8:39

Boonoshiyoo wochiꞌi, “No nihoo Abrahamine” iyeete. Yesuusiyoo “Abrahamichi bushiishoo ittoshi tuneto gaata, Abrahami shuunetoommon shuunesho ittoshine.

Mishiraachechinaꞌo 7:5

Hiniichoo ikke ciix bede iristoonolla biich imaanoone. Tunebaani Abrahamich bushoo shiijjeyaan beetaa, ‘Hini showoon neennaa ne hillooch shiijjemmi ne yaroonoyich immemmo taane’ iꞌi gibenikkiye.

Roomi 4:12

Dokireetinaꞌoyichoo nihoone. Ebiyoo boonoshi dokireetoyich tuneyaanoon, no nihoo tuneti Abrahami dokireyaan beebee, mulloon Yeeri toommooch bi tooꞌiitoommon, mulloon boonoshi tooꞌitoyichiye.

Roomi 9:7

Wottoo Abrahamichi yareenaꞌo boonoshi tunetoyich, boonoshi bulli ibere bi bushiisheenaꞌo tooneenaꞌone; tunebaani Yeeri Abrahamich “Yisaaqichi yaroone ne yaroo getaa ceekkemmo” itone.

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.