Hiziqeeli 33:20 - Kafa Linguistics Project

²⁰ Tunebaani ittoshi, ‘Doonochi gommo kaamoo toonoone’ iyote; Israꞌeelee macceenaꞌote, ittoshi shuuni shuunoommon ittoshi toommooch nallemmo taane” iye.

Hiziqeeli 33:20 ပူးပေါင်းရင်းမြစ်များ

Iyoobi 34:11

Ashi toommooch bi shuuneebeeto bi shuunetoommoniye; bi toommooch bi tuniibeeto, tun bedooniye.

Shoddo 62:12

Ta Doonocho, shoodo neechone; newoo ashich bi shuuni shuunoommon qoccehine.

Shaahiyoo 19:3

Asho bi beemon tuushoona duubiichii, bi mulloona Doono Yeerin gondiihe.

Dojjecho 12:14

Ebiyoo, asho shuuneebeeti gonde shuunoo tuneba deꞌe shuunoo bulli toommooch, aasheexonona echiyaanoon Yeeri nallemmo bi tunoone.

Hiziqeeli 18:25

“Tunebaani ittoshi ‘Yeerichi gommo kaamoo toonoone’ iyote. Israꞌeelee macceenaꞌote, waayebote: Iberoochaa ta gommo kaamoo toone? Kaameyaano ittoshi gommo toone?

Hiziqeeli 33:12

“Andoo ashi bushoocho, ne macceenaꞌoyich ishichi gete: ‘Cadiqe asho axaaxooch bi wottegaata, wonnee bi cadiqitino biin wodiyaachemmone; gonde asho bi gondoochee bi wottegaata wonnee bi gondo bi aafooch xugo tuneyaachemmone; cadiqe asho axaaxoon bi shuunegaata wonnee bi cadiqittino biin wodiyoon hakkaache’ gete.

Hiziqeeli 33:17

“Tunebaani ne macceenaꞌo: ‘Doonochi gommo kaamoo toonoone’ ii beetinaꞌone; tunebaani kaamoo tuno qajjito boonoshi gommone.

Hiziqeeli 33:19

Axaaxecho bi axaaxoochee wotteꞌi, dayinnetoonaa cadiqe mooyonon bi tuniigaata, ebichi naboona kashoona beeyemmone.

Hiziqeeli 7:8

And kaateree ta neboon ne toommooch woniyemmo taane; ta kaaroon ne toommooch kindiyemmo taane; ne gommoommona ne toommooch nallemmo taane; ciigiiti ne mooyo bullich neen naxemmo taane.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

2 Qorontoosi 5:10

Asho bi ikkikkoona meenona beebee, gonde mooyon tuneba deꞌe mooyon bi tuniiti shuunoommona qocheeya, no bulli Kiristoosichi nallee gabberee aafooch neexo echeyaani mooyone.

Yaaꞌoo 22:12

Yesuusiyoo ishichiye: “Ebiyoche, kaateree woyemmo taane; ta woyemmo, asho bi ikkikkoyich ta qoccemmi bi shuuni shuunee gatiyoon yeshireeshiye.