Hiziqeeli 33:11 - Kafa Linguistics Project

¹¹ ‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Hiziqeeli 33:11 ပူးပေါင်းရင်းမြစ်များ

2 Saameeli 14:14

No bulli qitecho noone; wochii uubon hakkeyaani, showooch ufeti aacoommo noone. Yeeri ashi kasho aallemmoyich qaawaache. Ebiyee aalleti asho bi waanee wohiree bi beetaachemmoyich, biich gommon qaawiye.

Iyoobi 37:23

Beshe Hakkechi Yeeri oogeti giidecho bi tunetoyich, bi waan katinon hakkaachone; kaamoonaa cadiqoona bi tunetoyich, koninolla xuꞌaache.

Shoddo 51:15

Ta Doonocho, ta noonoon gaxxibe; ta noonoo ne galletoon awaajjemmone.

Shaahiyoo 1:23

Ta ciicoon waayebe; ta ayaanoon ittoshich ukkemmi taane; ta qaaroonoo ittoshi ariyemmoyich tuniyemmi taane.

Shaahiyoo 8:36

Tunebaani taan mucceto bi qellich gondiihe; taan shixxiibeeto bulli, qitoon shunniye” iyane.

Isiyaasi 21:12

Tawoo wochaꞌa, “Haroon, hariya ii beetone; tunebaani wochi xumemmone; echoon ittoshi qaawigaata, echebote; wochinnoon wotteree wobote” iyo.

Isiyaasi 49:18

Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Erimiyaasi 22:24

“Ta, beeyecho ta tunetoyich, Yihudee taatoo Yoyaqiimichi bushoo Yoyakiino, ne ta qanne kisheexi axxaamittee malletoo ne tunetaanoona aroochee neen kichi duppemmo taane” iye Doono Yeeri.

Erimiyaasi 3:12

Dambi-waan hamiree ebi qaaroon ishichi awaajjibe: ‘Gibeneyaani Israꞌeele, ta waan wottebe’ iye Doono Yeeri. ‘Ariqqecho ta tunetoyich kaaroona neen ciinaachemmo taane; bulli aabooch kaareyaachemmo taane’ iye Doono Yeeri.

Erimiyaasi 3:22

“Gibeneyaani bushiisheenaꞌote, ta waan wottebote; gibeneyaano tunoochee ittoshin shiwemmo taane” iye. Ebiyoche ne, no Nuggishoo Doono Yeeri ne tunetoyich, ne waan waato noone.

Erimiyaasi 44:7

“Andoo Israꞌeelee Nuggishoo, Beshe Mawe Doono Yeeri ishichiye: Yihudee asheenaꞌoochee curo echeyaachemmoyich, anaamonaa maacheenon, bushiisheenaꞌonaa gaggereenaꞌonon, ittoshi daggoochee aalliyoyich, ebi ooge gonde mooyon ittoshi toommooch ittoshi tuniibeeto amoyichiye?

Erimiyaasi 44:8

Ittoshin aalliyoyich, showee toommeexi aageteenaꞌo daggoochaa wuche, ittoshi getteyemmonaa naaggeyemmonoyich, beeya ittoshi waati Gibitsaa bare nuggisheenaꞌoyich ixaanoon shoohona, ittoshi kishee shuunoona ta kaaremmoyich ittoshi tuniibeeto amoyichiye?

Erimiyaasi 46:18

“Beeyecho ta tunoona wogehoye, iye bi shigo Beshe Mawe Doono Yeeri getteebeeti Taatoo, guudinaꞌo daggooch beeti Taaboori guudoommo, baharee gashooch beeti Qermeloosi guudoommo, woyemmone.

Shoosho 3:33

Mulloochee tiijjiꞌi, ashi bushiishoon xuuxii ayinikkaanoone.

Hiziqeeli 14:6

“Ebich Israꞌeelee macceenaꞌoyich ishichibe: Nuggishoo Doono Yeeri ishichiye: ‘Shahalleenaꞌoyich goyinnoon qayiichi ta waan wottebote; ciigiiti ittoshi mooyinaꞌon qayiichi hach guudote’ gete.

Hiziqeeli 16:48

Beeyecho ta tunoona wogehoye: Ne manee Sodoominaa bi bushiisheenaꞌona neennaa ne bushiisheenaꞌona tuniitoommon tuniyaaneenaꞌone, iye Nuggishoo Doono Yeeri.

Hiziqeeli 18:23

Axaaxechi ashi qitoona emirehote? Ta emiroo asho bi gondoochee wotteꞌi kashoona bi beemona toone? iye Nuggishoo Doono Yeeri.

Hiziqeeli 5:11

“Ebich beeyecho ta tunoona wogaꞌa Nuggishoo Doono Yeeri ta ishichiyoye: Ciigiiti ne mooyona, ne eeꞌoonoo ta yaafee kexon ne eeꞌitoyich, neen giishiyemmo taane; neech ayini ariqqeyaachemmo taane.

Daaneeli 9:13

Muusichi Sheerooch bi kooreetoommon, ebi bulli naxo no toommooch shaggiye; tunebaani axaaxoon shuunoon qajjaa, iberoo tuneti ne qaaroon waayaꞌa, no Nuggishoo Doono Yeeri ne waanee maaroon qaawaano noone.

Hosee'i 11:8

Efreemo, aabichiree neen duppehote? Israꞌeelo, aabichiree neen beshii immehote? Adiimaa ta tuniitoommon aabichiree ne toommooch tuniyehote? Tseboyimaa ta tuniitoommon aabichiree ne toommooch tuniyehote? Ta mullo ta maacoochaa qewetone; taanoo ariqqichitone.

Hosee'i 14:1

Israꞌeeleenaꞌote, ittoshi axaaxee naboona ittoshi dihitoyich ittoshi Nuggishoo Doono Yeer waan wottebote!

Yoꞌeeli 2:12

Doono Yeeri ishichiye: “Andoo tunetaa coomoona, eefona, muushenoona, ceeni ittoshi mulloona ta waan wottebote” iye.

Sofoniyaasi 2:9

Illa ebich, Israꞌeelee Nuggishoo, beeyechi Doono Yeeri ta tunoona wogehoye! Moꞌabee showoonaa Amoonee showoona Sodoominaa Gomoorina aalloommon aallemmone; ebi showoo, wochinnoon maayo colliyaani, kiikki oppo baach ceenniti, shuyo baach colleebeeti showoo tunemmone. Curo tuneꞌi echeti ta asheenaꞌo boonoshi hajjiton boggemminaꞌone; boonoshi showoonoo hajjemminaꞌone” iye.

Haddoo 14:21

Tunebaani, ta beeyecho ta tunetoyich, iberoon showoo bulli Doono Yeeri ta oogee yiiroona ceennito bi tunetoyich,

Haddoo 14:28

Boonoshichoo ishichibe: ‘Ta, beeyecho ta tunetoyich, ta waayaa beetaa ittoshi yibbaatetoommon, ebiyoommon ittoshi toommooch tuniyemmo taane.

Mishiraachechinaꞌo 26:20

Shiichaꞌa Damaasiqa beetinaꞌoyich, gubb wotta Yerusaaleminaa Yihudee showoo bullinooch beetinaꞌoyich, wotta Aageteenaꞌoyich axaaxee gommoochee Yeer waan boonoshi wottemmonaa boonoshi wottoon bekkiibeeti shuunoon boonoshi shuunemmonoyich gettoye.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

Roomi 14:11

“Doono Yeeri ishichiye: ‘Beeyecho taane; ashi gutenoo bulli taach goyinnemmone; ashi heciyoo bulli Yeeri ta tunoon miixemmone’ itone” getaa Yaafe Macaafooch kooreetone.

2 Pheexiroosi 3:9

Ikkikkeenaꞌoyich bi shaahii beetoommon, Doono bi gibenikkiti qaaroon ceechoyich yagaachemmone; tunebaani koniyoona aalleyaachemmoyich, asho bulli bi axaaxoochee Yeer waan bi wottemmon shunniꞌi, ittoshicha iiniye bi haaꞌiibeeto.