Hiziqeeli 32:7 - Kafa Linguistics Project

⁷ Neen ta aalliihooba shimaayoon qeremmo taane; xojjeneenaꞌonoo manderiyemmo taane; aabeenoo quboona kaappemmo taane; ageneyoo aaxxe bekkiyaachemmine.

Hiziqeeli 32:7 ပူးပေါင်းရင်းမြစ်များ

Iyoobi 9:7

Biyoo, aabe keyaachemmoyich, xojjeno aaxxeyaachemmoyichoo, tunii beetone.

Shaahiyoo 13:9

Cadiqeenaꞌochi bekko gaawichii bekkehe; tunebaani gondeenaꞌochi ceechoo tahiye.

Dojjecho 12:2

Aabe, ageneenaa xojjeneenaꞌonochi bekko mandereyaan beetaa, amiyon dichemmi qubo wottee waaꞌi showoon guufaan beetaa,

Isiyaasi 13:10

Shimaajji xojjeneenaꞌonaa guuphi xojjeneenaꞌona aaxxeyaachemminaꞌone; batt kechaabeeti aabe manderemmine; ageneyoo aaxxe bekkeyaachemmine.

Isiyaasi 34:4

Shimaajji halleenaꞌo bulli muuyi aallemminaꞌone; shimaayoo macaafee qodoommon qodemmone; woyinee waamonaa balaasee waamona ooyoommon boonoshi daggeexi halleenaꞌo oojjemminaꞌone.

Erimiyaasi 13:16

Manderoon bi deebaan beetaa, mandereti guudinaꞌo toommoochaa ittoshi baateenaꞌo tepheyaan beetaa, gibenoona ittoshi quyeebeeti bekkoon, manderooch, dunne manderoochoo shaddaani bi beetaa, ittoshi Nuggishoo Doono Yeerin oogiibote.

Hiziqeeli 30:18

Gibitsi giidoon ta tiishiyooba, Xafinaasich areddee showoo xumemmone; bi geeciibeeti bi giidoo niremmone; qubo biin guuppemmone; bi asheenaꞌoo kecceyemminaꞌone.

Hiziqeeli 30:3

Ebi aabo katinnitone; Doono Yeerichi aabo katinnitone; ebiyoo qubee aaboone; aageteenaꞌoyichoo aallee aaboone.

Hiziqeeli 31:15

“ ‘Nuggishoo Doono Yeeri ishichiye: Ebi mixo maash kindiyooba, ogooge aacinaꞌo biich eeppemmoyich, woce aacinaꞌo kuxemmoyich, wodde aacinaꞌo neexemmoyich tuniito taane; biicha iyaꞌa Libanoosich manderoon tajjiyoye; kubbi mixinaꞌo bulla shuuqqiyeete.

Hiziqeeli 34:12

Qiddoo bi bageenaꞌo daggoochee aalletinaꞌon bi qaawoommon ta bageenaꞌon qaawemmo taane; quboobinaa dunne manderoobina boonoshi aalleti xaaꞌoochee boonoshin wodiyemmo taane.

Yoꞌeeli 2:10

Boonoshi aafaa showoo qewehe; shimaayoo shuuriye. Aabeenaa ageneena mandereheete; xojjeneenaꞌoo aaxxemmon qajjiyeete.

Yoꞌeeli 2:2

Ebi aabo shitirippimii mandereti aabo, quboonaa dunne manderoona tuneti aaboone. Maaddee aabo guudinaꞌooch kooyoommon giidechi meeti ginee naayo woyemmone. Wonnee tiijjiꞌi ebiyoommi mooyo bekkee ariyaanoone; ebiyee bekkoo bekkeyaachemmone.

Yoꞌeeli 2:31

Oogoonaa shattiitona tuneti, Doono Yeerichi aabo womoyee shiichi, aabe manderemmine; ageneyoo damoo tunemmine.

Yoꞌeeli 3:15

Aabeenaa ageneena manderemminaꞌone; xojjeneenaꞌoo aaxxeyaache gettemminaꞌone.

Amootsi 8:9

Nuggishoo Doono Yeeri ishichitone: “Ebi arooba, areddee shiritte saatooch aabe giyemmoyich tuniiree, areddoon xumiyemmo taane.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’

Maariqoosi 13:24

Wotta Yesuusi daakkiꞌi ishichiye: “Ebiyooba ebi are xuuxoyee gubb, ‘Aabe manderemmine; ageneyoo aaxxeyaachemmine;

Luqaasi 21:25

Wotta Yesuusi daakkiꞌi ishichiye: “Are yemeeno ciirehooba aabeenaa ageneenochi toommooch, xojjeno toommoochoo malletoo bekkemmone. Showoo bulli toommoochoo baharoonaa aachi aayonochi cookoochee tiyitona aageteenaꞌo gaabbibee xuuxemminaꞌone.

Yaaꞌoo 8:12

Awuddinnee maraakoo tiroon huggiye; aabee keejje beereexi ikke beeroo, agenee keejje beereexi ikke beeroo, xojjeneenaꞌochi keejje beereexi ikke beeroo yexxehe; eboshichi keejje beereexi ikke beeroo manderehe; areddee keejje beereexi ikke beerooch, xumee keejje beereexi ikke beerooch bekko aallehe.