Hiziqeeli 32:30 - Kafa Linguistics Project

³⁰ “Dambi-waani iraasheenaꞌo bulli, Sidooneenaꞌo bulliyoo arooch beetinaꞌone; giidechinaꞌo tuneꞌi keqqichiibee boonoshi echetaanona qititinaꞌona tookkii cooneeheete; dokireyaaneenaꞌo tuneꞌi, goraadoona qititinaꞌonoo tookkii maash hammiyeete; aroochaa boonoshi yeelloon shaaggiyeete.

Hiziqeeli 32:30 ပူးပေါင်းရင်းမြစ်များ

Erimiyaasi 1:15

Ebiyoche ta, dambi-waan beeti taatee gumbeenaꞌo bullin ceeggemmo taane; bulliyona waaree Yerusaalem giyeebeeti kellooch, uxeree guudo bulliich, Yihudee katemoo bulliich boonoshi taatee qeenon kotiyemminaꞌone.

Erimiyaasi 25:22

Xiroosee taateenaꞌonaa Sidoonee taateenaꞌona bullich, baharoyee bekk beeti showee daareexi taateenaꞌo bullich,

Erimiyaasi 25:26

dambi-waan beeti taateenaꞌo bullich, katinoonaa wohonooch, ikkoochi hillooch baroyich, showee toommooch beeti taatittino bullich uchiyo; boonoshi hillooch wotta Sheshaakee taatoo uchemmone.

Hiziqeeli 26:20

Wonnee asheenaꞌo beetooch, maash neen daachiyemmo taane; ne daggooch beeyemmo bi daneyaachemmoyich, oppooch kindii beetinaꞌona tookki wonna happeeti xaaꞌooch, deshi showooch ne beeyemmoyich tuniyemmo taane; ebich ashi beeyi xaaꞌoon tuneyaachemmi neene; kashechinaꞌochi showooch neech xaaꞌoo daneyaachemmone.

Hiziqeeli 28:10

Ashi showee asheenaꞌochi kishoona dokireyaaneenaꞌo qitoommon qitemmo neene; ta ebin getteto taane, iye Nuggishoo Doono Yeeri’ ” iye.

Hiziqeeli 28:21

“Ashi bushoocho, Sidoon waan ne aafoon wochiichi bi toommooch keemoon keembe.

Hiziqeeli 28:23

Kupphe biiyoon ittoshi toommooch deejjemmo taane; gomminaꞌooch damoo ufemmoyich tuniyemmo taane; ittoshi guudo bulliichee waabeeti goraadoona ittoshi daggoochee asheenaꞌo qitemminaꞌone. Ebina boonoshi Doono Yeeri ta tunoon ariyemminaꞌone’ gete” iye.

Hiziqeeli 38:15

Dambi-waan wokkiꞌi beeti xaaꞌoochee, neenna tookkii beeti, boonoshi bulliyona hareshoon yebbeti, beelloo tuneti, meeti asheenaꞌona tookki woyemmo neene.

Hiziqeeli 38:6

Gomeerinaa bi ginee naayinaꞌo bullina, dambi-waan wohooch beeti Beet Togariminaa bi ginee naayinaꞌo bullina, wottoo meeti asheenaꞌo neenna tookkii beetinaꞌone.

Hiziqeeli 39:2

Neen gubb wochi dambi-waani wohi showoochee gashe deebiree, koyoyich Israꞌeelee guudinaꞌooch daachiyemmo taane.