Hiziqeeli 32:24 - Kafa Linguistics Project

²⁴ “Elaamee showee arooch beetine; dofee bi asheenaꞌoo bi maashee guudoona beetinaꞌone; showoo bullin keqqichitinaꞌo goraadoona dihitinaꞌone; dokireyaanoonoo desh qappooch kinditinaꞌone; boonoshi yeelloon shaaggiꞌi maash kindii beetinaꞌona tookkii kinditinaꞌone.

Hiziqeeli 32:24 ပူးပေါင်းရင်းမြစ်များ

Halloo 10:22

Sheemi bushiishoo: Elaami, Ashuuri, Arifakisaadi, Luudinaa Araaminane.

Halloo 14:1

Elaamee taatoo Kedorilameri beemmi yemeenooba ebi tunehe: Sodoomi taatoo Beeri, Gomoori taatoo Birishi, Adiimi taatoo Shinaabi, Tseboyimi taatoo Shemebeerinaa Tsoꞌari getteebeeti Belaahi taatoona aaraa gutte naton taatoo Kedorilamerich maddee beeheete. Tunebaani aaraa keejjinnee natooba, hukkoon shuuneheete. Elaamee taatoo Kedorilameri, Shinaaree taatoo Amirafeli, Elasaaree taatoo Ariyookinaa Goyimee taatoo Tidaalina ikkotteꞌi Sidiimi bamboochaa boonoshin kocha qanniꞌi, kechii hammiyeete; ebi xaaꞌoo and Kiikki baharo getteebeeti xaaꞌoone.

1 Kiinoo 1:17

Sheemichi anaami bushiisheenaꞌo: Elaami, Ashuuri, Arifakisaadi, Luudi, Araami, Uutsi, Huuli, Geteerinaa Mesheekinane.

Iyoobi 28:13

Bi gatiyoon koniyoona xiishii ariyaache; kashechinaꞌo beeti hini showee toommooch daneyaache.

Shoddo 142:5

Doono Yeero, ne waan cookiyoye; “Ne, ta deebo neene; kashechinaꞌo beeti hini showoochaa ta qoodee iristo neene” iyoye.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 38:11

Tawoo, “Kashechinaꞌo beeti hini showoochaa Doono Yeerin beegaachemmo taane; showee toommooch beetinaꞌona tookki ebiyee bekk ashoon beegaachemmo taane.

Erimiyaasi 11:19

Tunebaani guureyooch hammiibeeti bagee baaddoon shaahiyo; boonoshiyoo “Mixon bi aafoona tookki dichibone; ebiyee bekk bi shigo shalligeyaachemmoyich, kashechinaꞌo beeti showoochee aalliibone” iꞌi ta toommooch boonoshi koceeton ta ariyaano taane.

Erimiyaasi 25:25

Zimirich, Elaaminaa Meedinochi taateenaꞌo bullich,

Hiziqeeli 16:52

Ne maneenaꞌochoyee beshe ciigiiti mooyon tuniyoona ne boonoshi nalloon kettoo ne tuniitoyich, boonoshiyoo neyee beshe cadiqoon boonoshi tunetoyich ne yeelloon shaage; ne maneenaꞌon deꞌoon ne shaahiitoyich, yeellebe; ne yeelloonoo shaage.

Hiziqeeli 16:54

Ebiyoo yeelloon ne shaaggemmonaa ne tuniito bullich ne yeellemmonoyichiye; Sodoominaa Shamaarina gondoona neenominaꞌo tuno boonoshi qajjitoyich goggemminaꞌone.

Hiziqeeli 26:20

Wonnee asheenaꞌo beetooch, maash neen daachiyemmo taane; ne daggooch beeyemmo bi daneyaachemmoyich, oppooch kindii beetinaꞌona tookki wonna happeeti xaaꞌooch, deshi showooch ne beeyemmoyich tuniyemmo taane; ebich ashi beeyi xaaꞌoon tuneyaachemmi neene; kashechinaꞌochi showooch neech xaaꞌoo daneyaachemmone.

Hiziqeeli 31:14

Am shaahoon aachi gocooch boonoshi diccitaanona ebi mixochoommon neexi genjoo tunoon, boonoshi cilloonoo qubee daggooch shakkiyoon hakkemmi mixinaꞌo aalleenaꞌone. Ebiyoo boonoshiyoo qititinaꞌo kiceeti oppooch, maash hammiibeeti ashi bushiisheenaꞌo daggooch, qitooch beshiitaa ichetinaꞌo boonoshi tunetoyichiye’ gete” iye.

Hiziqeeli 31:18

“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.

Hiziqeeli 32:18

“Ashi bushoocho, ebi dofee Gibitsee asheenaꞌoyich eefe; boonoshin giidechi aagetee asheenaꞌona tookki maash deeni daachiibe.

Hiziqeeli 32:19

Boonoshichoo: ‘Malletoona koniyee beshiyote? Desh kindiree dokireyaaneenaꞌona tookki tokketebote’ gete.

Hiziqeeli 32:21

Giidechi ukkireenaꞌo maashoochaa Gibitsinaa bi naayinaꞌochonon ishichi boonoshi naayinaꞌona tookki yibbaatemminaꞌone: ‘Desh qappooch waatinaꞌone; dokireyaaneenaꞌona tookkii, wottoo goraadoona qititinaꞌona tookkii tokketetinaꞌone’ gettemminaꞌone.

Hiziqeeli 32:25

Boonoshi maasho bi guudoona beeti, guureeti dofee bi asheenaꞌo daggooch bi beeroon heccitinaꞌone; eboshi bulli dokireyaaneenaꞌonaa goraadoona qititinaꞌonane; kashechinaꞌochi showoochaa keqqichiibee echetinaꞌone; boonoshi yeelloon shaaggiꞌi maash kindii beetinaꞌona tookki kinditinaꞌone.

Hiziqeeli 32:30

“Dambi-waani iraasheenaꞌo bulli, Sidooneenaꞌo bulliyoo arooch beetinaꞌone; giidechinaꞌo tuneꞌi keqqichiibee boonoshi echetaanona qititinaꞌona tookkii cooneeheete; dokireyaaneenaꞌo tuneꞌi, goraadoona qititinaꞌonoo tookkii maash hammiyeete; aroochaa boonoshi yeelloon shaaggiyeete.

Hiziqeeli 34:29

Qeemi showoon boonoshich qanniyemmo taane; ebiyee bekk showee toommoochaa shaacoona ciireyaachemminaꞌone; ebiyee bekk aageteenaꞌona naakkeyaachemminaꞌone.

Hiziqeeli 36:15

Ebiyee bekk aageteenaꞌochi diigee qaaroon neech waayiyaachemmo taane; aageteenaꞌochi naagoon shaagaachemmi neene. Ebiyee bekk ne asheenaꞌo tepheyemmoyich tuniyaachemmi neene; Nuggishoo Doono Yeeri ta, ebin getteto taane’ gete” iye.

Hiziqeeli 39:26

Boonoshin shatiyemmo aalloon boonoshi showooch diggoona boonoshi kotehooba, boonoshi cooneyoonaa taach gibeneyaano boonoshi tunoonon battemminaꞌone.

Hiziqeeli 44:13

Qeeshoo tuneree taach maddoyich ta waan katinaachemminaꞌone; yaafeeti ta mooyonaa oogichii yaafeeti ta deejjoonooch katinaachemminaꞌone; boonoshi shuuneti ciigiiti mooyinaꞌoyich boonoshi yeelloon shaaggemminaꞌone.

Daaneeli 8:2

Ebi yaaꞌoona ciinneho; ta ciinneto, Elaami woraafooch beeti inde katemoo Suusa ta beemoniye. Ulayi aachi gashooch beeho.

Imbaaqoomi 2:16

Ittoshiyoo oogoochee kindiree giishemmo ittoshine; uyi ittoshi mashetaa, ittoshi achoo bekkemmone. Doono Yeeri bi qanne kishooch beeti naxee xoofoon ittoshich bi deejjaa uchemmo ittoshine. Ittoshi oogo giishemmone.

Maatiyoosi 11:23

Hini Qifirinaahe! Shimaayooch beddaahaa ciixenne? Tunebaani kindiiree Siꞌoolooch duppeyemmi neene. Ne daggooch bekketi gaakkechi shuunoo Sodoomi daggooch bi bekketo gaata, hanaach beddaahaa are katemee beeyeshine.