Hiziqeeli 32:2 - Kafa Linguistics Project

² “Ashi bushoocho, Gibitsee taatoo Faroonich shooshebe; biichoo ishichibe: ‘Aageteenaꞌo daggooch neen daaheroo tuniiꞌa ciinnehine; tunebaani baharooch beeti, shattiibeeti cooxoommo neene; aaconoo ne baatoona kobecaꞌa qudiito neene.

Hiziqeeli 32:2 ပူးပေါင်းရင်းမြစ်များ

Halloo 49:9

Haano Yihudo, more daaheroommo neene; ta bushoocho, wuxaa maachaa wotteto neene. Daaheroochoommon quyehine; showoochoo tokketehine; maache daaherechoommonoo ciixehine. Neen shuurikkoyich aafoon kupphemmo konine?

Iyoobi 41:23

Bi meechi biddo ikkooch xaaqqeeto bi tunetoyich, bi ashittino xuuroo manjoommon manjoone.

Iyoobi 7:12

Quyechon ta toommooch ne geddeto, ta, baharo woyee baharee daggeexi cooxo taane?

Shaahiyoo 25:26

Gonde ashich dihiibeeti cadiqe asho, qude aachi xuuphoommo woyee wooreti kote aacoommone.

Shaahiyoo 28:15

Girechinaꞌon hajjiibeeti maaci manje ukkiroo, gigeebeeti daaheroommo, woyee capphi yecha ii beeti diiboommone.

Shaahiyoo 30:30

Eboshiyoo: Cooxinaꞌo daggoochee beshe kuppho tuneti konaakketi aafoochenolla gubb wotteyaani daaheroo,

Isiyaasi 27:1

Arooba Doono Yeeri qingireebee awureebeeti Lewataanin, caaceebeeti dingeroon, manje ooge kupphe bi goraadoona kuxxemmone; baharee daggooch beeti dareboon wuxemmone.

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Erimiyaasi 4:7

Daaheroo dunne shaaroochee kechitone; aageteenaꞌon aalliyemmo tiyitone; Yihudee showoon shokko echiyoyich bi xaaꞌoochee kechitone; ne katemeenaꞌoo tiisheree ashaalleenaꞌo tunemminaꞌone.

Erimiyaasi 46:7

“Abbaayi aacochoommon phicee beeto; ceennii aphireebeeti ooge aacochoommonoo oriheebeeto, konine?

Erimiyaasi 46:8

Gibitsee showoo Abbaayi aacochoommon phiceyemmone; woce aacochoommon orihemmone. Biyoo ishichitone: ‘Damba phiceyemmo taane; showoo bullinoo qeremmo taane; katemeenaꞌonaa arooch beeto bullinon aalliyemmo taane’ itone.

Erimiyaasi 9:18

No aafoo acimoon bi qapphillemmoyich, no aafee qeexxoo acimoon bi shekillemmoyich, kaateree nooch shooshebeete.

Hiziqeeli 26:17

Ishichiree ne toommooch shooshemminaꞌone: “Baharee toommooch giidechi, ne asheenaꞌona ne guudoona beetinaꞌo bullin shatiibeeti, aricheti katemeene, aabichaꞌa baharoochee aallenne!

Hiziqeeli 27:2

“Ashi bushoocho, Xiroosich shooshebe.

Hiziqeeli 27:32

Neech ayini eefibee, ishichi neech shooshemminaꞌone: “Baharee daggooch aallee echeti, Xiroosiyoommo koni beete?” gettemminaꞌone.

Hiziqeeli 28:12

“Ashi bushoocho, Xiroosi taatoyich shooshebe: Nuggishoo Doono Yeeri ta gettaa beeton ishichi biich gete: ‘Ariyoona ceenneto, malleteechi gaawe shaahiyoo neene.

Hiziqeeli 29:15

Bare taatee showoyee beshoon giishemmone; ebiyee bekk aageteenaꞌo toommooch sharaachemmone; ebiyee bekk aageteenaꞌon boonoshi hajjaachemmoyich boonoshin giishiyemmo taane.

Hiziqeeli 29:3

Faroonichoo yibbaateree ishichibe: Nuggishoo Doono Yeeri ishichiye: ‘ “Abbaayi aaco taachone; taane biin shuuneto” ii beeti aachi daggooch qeyiti ooge aachi aayoommi Gibitsee taatoo Faroono, ebiyoche ta ne toommooch tiyeto taane.

Hiziqeeli 32:16

“Boonoshi shooshemmi shoosho ebine; aagetee maache bushiisheenaꞌo shooshemminaꞌone; Gibitsinaa dofee bi asheenaꞌonoyich shooshemminaꞌone, iye Nuggishoo Doono Yeeri” iye.

Hiziqeeli 32:18

“Ashi bushoocho, ebi dofee Gibitsee asheenaꞌoyich eefe; boonoshin giidechi aagetee asheenaꞌona tookki maash deeni daachiibe.

Hiziqeeli 34:18

Eche ittoshi gaddoon baatoona ittoshi neexxito gaawe gaddoochee mamo ittoshich giishetenane? Eche aacon baatoona ittoshi qudiito gaawe aacon uyo ittoshich giishetenane?

Hiziqeeli 38:13

Sheebinaa Dedaanina, Tarisheshee giixechinaꞌonaa bi gafeenaꞌo bullina neech ishichemminaꞌone: “Kecoon daamma waanne? Bogoon ne boggemmoyich, birewoonaa aachoonon daamoyich, gaare gijjoonaa qiicoonon wodde kecoon daamoyich, meeti ne asheenaꞌon kicinne?” gettemminaꞌone, itone’ gete.

Haddoo 24:9

Daaheroochoommon miqqetone; daaherechoommonoo showooch qeyitone; biin shuurikkemmo, konine? “Neen diirimmo bulli diireeto tunebe; neen uppimmo bulli uppeto tunebe” iye.

Maatiyoosi 7:24

“Illa hini ta qaaroon waayeꞌi ceechiibeeto bulli, bi kexon manje xaqqee nashee toommooch haggiti mullechi uroommone.