Hiziqeeli 31:6 - Kafa Linguistics Project

⁶ Shimaajji kafeenaꞌo bulli boonoshi kexinaꞌon arooch haggiyeete; kubbi cooxinaꞌo bulli bi yiiroochaa bushiishoon shiyiheete; bi yiiroochoo ogooge aageteenaꞌo bulli kotee beeheete.

Hiziqeeli 31:6 ပူးပေါင်းရင်းမြစ်များ

Shoddo 104:17

Kafeenaꞌo arooch boonoshi kexon haggiyeete; maannaakkeenaꞌo ciidee mixinaꞌooch boonoshi beemi xaaꞌoon qanniiheete.

Hiziqeeli 17:23

Ta bechemmo genje, ooge Israꞌeelee guudi toommoochiye; biyoo atemmone; aafemmone; aricheti yigoon tunemmone; bi baatoochoo kafeenaꞌo kashemminaꞌone; bi ateenaꞌochi yiiroochoo qoshoona yoobbiibeeto bulli kexon haggemmone.

Hiziqeeli 31:13

Ebi dihiti michi toommooch shimaajji kafeenaꞌo kotetinaꞌone; bi qaakkeenaꞌonoo kubbi cooxinaꞌo neexxitinaꞌone.

Hiziqeeli 31:17

Aageteenaꞌoochee biinna guuphitinaꞌo, bi yiirooch beebee echetinaꞌo, goraadoona qititinaꞌo waan biinna tookkii maash kinditinaꞌone.

Hiziqeeli 31:7

Bi cammon wodde aacinaꞌooch bi awuretoyich, bi oogoona, bi atoonoo malletechone.

Daaneeli 4:10

Ta qeenooch tokketaabee yaaꞌoona showee gutte daggooch beeti, ikke ooge genje mixon beeggoye.

Daaneeli 4:12

Ebi mixo gaawe waajjechone; meeti aafoonoo aafetone; bullich bede maayoonoo immii beetone. Kubbi cooxo bi yiirooch kashee beetone; bi qaakkoochoo shimaajji kafoo bi kexon haggitone; kashecho taane ito bulli bi aafoochee maa beehe.

Daaneeli 4:21

gaawe waajjechonaa meeti aafechona tuneto, bullich bede maayoon immiibeeto, kubbi cooxinaꞌon bi yiirooch kashiito, bi qaakkoochoo shimaajji kafeenaꞌo boonoshi kexon haggito,

Maatiyoosi 13:32

Hini shanaafee aafe bare maayi yaroo bulliyee giishecheene; tunebaani shookkaꞌa collaa bi diccehooba daaddeexi maayeenaꞌoyee besheene. Shimaajji kafeenaꞌo waaꞌi bi atooch kotoon boonoshi hakkimmi wottoon ooge mixo tunemmine” iye.

Maariqoosi 4:32

Tunebaani shookkaꞌa collaa bi diccehooba daaddeexi maayeenaꞌo bulliyee besheene. Shimaajji kafeenaꞌo waaꞌi bi atooch kotee bi yiirooch kashoon boonoshi hakkimmi wottoon ogooge atoon atahane” iye.