Hiziqeeli 31:3 - Kafa Linguistics Project

³ Ne, bi waamo waarwaariibeeti, hubbimiꞌi yiireebeeti, bi neexoo genjoo, bi cilloo gumooch shaggiti, Libanoosi yigee mixoommi Asoorin eke ciine.

Hiziqeeli 31:3 ပူးပေါင်းရင်းမြစ်များ

Shoddo 92:12

Cadiqeenaꞌo yeebbee mixochoommon waarwaariyemminaꞌone; Libanoosee yigoochoommon diccemminaꞌone.

Isiyaasi 37:24

Ne wocheyechinaꞌona Doono taan cooneto neene. Newoo “Wodde ta gaarinaꞌona genje guudinaꞌooch, Libanoosichi cullullooch kecheto taane; genji genje ciideenaꞌon, macecikkiti yigeenaꞌon dichito taane; are showee daareenaꞌooch, gaawe shaareenaꞌooch shaggeto taane;

Erimiyaasi 17:8

Aroo aachi gocooch becheeti, bi cammon aacooch awureebeeti, gaamoo waataa shataani, showoo shuuꞌiyooba keqqaani, bi waamoo waarwaariibeeti, kuxaanoon aafaabeeti mixoommone.

Erimiyaasi 50:18

Ebich Israꞌeelee Nuggishoo Beshe Mawe Doono Yeeri ishichiye: “Asooree taatoon ta naxoommon Baabloonee taatoonaa bi showoonon naxemmo taane.

Hiziqeeli 17:22

“Nuggishoo Doono Yeeri ishichiye: ‘Genje yigee michi toommoochee, ta qelloona cilloon daami kotiyemmo taane. Aree cilloochee ikke nolloon haxxemmo taane; genje, ooge guudi toommooch bechemmo taane.

Hiziqeeli 19:11

Bi ato kuppho bi tunetoyich, taatee gumbo aroochee danee beetone. Woyinee qomboo dunjunje kubboyee beshoon dicciye; bi neexo mixinaꞌochi daggooch genjee bekkehe; bi genjittino wodde ateenaꞌona tookkii hubbimii bekkehe.

Hiziqeeli 31:10

“ ‘Ebich Nuggishoo Doono Yeeri ishichiye: Bi neexo bi genjetoyich, bi cilloonoo gumee daggooch bi gedditoyich,

Hiziqeeli 31:16

Maash hammii beetinaꞌona tookkii oppooch biin ta dufiyooba, bi dihee qaaroochee tiyitona, aageteenaꞌon qewiito taane; Eden beeti mixinaꞌo bulli, aachi gashooch dicciti mixinaꞌo bulli, phixxaashe Libanoosee mixinaꞌo bulliyoo, bi dihoona dechi showoochaa goggemminaꞌone.

Hiziqeeli 31:17

Aageteenaꞌoochee biinna guuphitinaꞌo, bi yiirooch beebee echetinaꞌo, goraadoona qititinaꞌo waan biinna tookkii maash kinditinaꞌone.

Hiziqeeli 31:5

Ebich bi neexo kubbeexi mixo bulliyee beshiye; bi qaakkeenaꞌoo woddeheete; aachi woddoochee tiyitona genjeheete.

Hiziqeeli 31:6

Shimaajji kafeenaꞌo bulli boonoshi kexinaꞌon arooch haggiyeete; kubbi cooxinaꞌo bulli bi yiiroochaa bushiishoon shiyiheete; bi yiiroochoo ogooge aageteenaꞌo bulli kotee beeheete.

Hiziqeeli 31:8

Yeerichi bechee mixinaꞌooch beeti yigoo biinna toyeyoon hakkaanoone. Ciideenaꞌo bi ati bedaaneenaꞌone. Asiitee mixinaꞌo bi ateenaꞌona tateyaaneenaꞌone; Yeerichi bechee mixinaꞌoochee malletoona biinna tatemmo aalloone.

Hiziqeeli 32:22

“Asooree showee bi ginee naayinaꞌona tookkii are maashooch beetine; guureetinaꞌo bulli, goraadoona qititinaꞌoo maashooch bi guudoona beetinaꞌone.

Daaneeli 4:10

Ta qeenooch tokketaabee yaaꞌoona showee gutte daggooch beeti, ikke ooge genje mixon beeggoye.

Daaneeli 4:12

Ebi mixo gaawe waajjechone; meeti aafoonoo aafetone; bullich bede maayoonoo immii beetone. Kubbi cooxo bi yiirooch kashee beetone; bi qaakkoochoo shimaajji kafoo bi kexon haggitone; kashecho taane ito bulli bi aafoochee maa beehe.

Daaneeli 4:7

Aroochee kaayechinaꞌo, allaameenaꞌo, xojjenee hiddechinaꞌonaa mareccee maaccechinaꞌona waataa, boonoshich ta gumon maaccehoye. Tunebaani ebi gumon biichiꞌi geton mawiiheete.

Sofoniyaasi 2:13

Doono Yeeri dambi-waan bi mochoon yaggiree Asooree showoon aalliyemmone. Nanawinoo ashaalli xafo, aachaalli barahoo tuniyemmone.

Zakaariyaasi 11:1

Libanoose! Qaaqqoo ne yigee mixinaꞌon bi maayemmoyich ne kelleenaꞌon qechibe!

Zakaariyaasi 11:2

Ciidoocho, yigoo dihitoyich eefe! Ogooge mixinaꞌo aalletinaꞌone. Bashaanee showee meelleenaꞌote, dunjunje shaareenaꞌo dappetoyich woowo, geti eefote!

Woraaferasheenaꞌo 9:15

“Angichi tusho mixinaꞌoyich wochiꞌi, ‘Iberoon ittoshi toommooch taan taatiyoyich qaawiibeeto ittoshi tunegaata, waaree ta yiirooch kotebote. Ebi tuno qayigaata, qaaqqoo angichi tushoochee keyiree Libanoosi geppooch beeti yigoon michi aalliibe’ iꞌi gettiye” iye.