Hiziqeeli 31:17 - Kafa Linguistics Project

¹⁷ Aageteenaꞌoochee biinna guuphitinaꞌo, bi yiirooch beebee echetinaꞌo, goraadoona qititinaꞌo waan biinna tookkii maash kinditinaꞌone.

Hiziqeeli 31:17 ပူးပေါင်းရင်းမြစ်များ

Shoddo 9:17

Gondeenaꞌo maash hammemminaꞌone; Yeerin batteebeeti aageteenaꞌo arooch hammemminaꞌone.

Isiyaasi 14:9

“Ne waataa, neenna daneya maasho shuuriye; showee iraasheenaꞌo tuneebee echetinaꞌo bulli neenna daneya shuuriyeete; aagetee taateenaꞌo tuneebee echetinaꞌo bulliyoo boonoshi taatee qeenoochee tiyiyeete.

Shoosho 4:20

“Aageteenaꞌo daggoochaa nooch deebo tunemmone, bi yiirooch beeyemmo noone” no iti no taatoo, Doono Yeerina huutteti no kashee hiinno, boonoshi hiriyooch yechehe.

Hiziqeeli 31:12

Ashi showee asheenaꞌo, oogichii keqqichiibeeti aageteenaꞌoo kuxxiꞌi biin duppitinaꞌone. Bi nolleenaꞌo guudinaꞌochi toommonaa bambeenaꞌonooch hollitinaꞌone; bi qaakkeenaꞌoo aachechi showoo bulliich tiisheꞌi hollitinaꞌone; showee toommeexi asheenaꞌo bulli bi yiiroochee qajjii hammitinaꞌone.

Hiziqeeli 31:3

Ne, bi waamo waarwaariibeeti, hubbimiꞌi yiireebeeti, bi neexoo genjoo, bi cilloo gumooch shaggiti, Libanoosi yigee mixoommi Asoorin eke ciine.

Hiziqeeli 31:6

Shimaajji kafeenaꞌo bulli boonoshi kexinaꞌon arooch haggiyeete; kubbi cooxinaꞌo bulli bi yiiroochaa bushiishoon shiyiheete; bi yiiroochoo ogooge aageteenaꞌo bulli kotee beeheete.

Maariqoosi 4:32

Tunebaani shookkaꞌa collaa bi diccehooba daaddeexi maayeenaꞌo bulliyee besheene. Shimaajji kafeenaꞌo waaꞌi bi atooch kotee bi yiirooch kashoon boonoshi hakkimmi wottoon ogooge atoon atahane” iye.