Hiziqeeli 31:16 - Kafa Linguistics Project

¹⁶ Maash hammii beetinaꞌona tookkii oppooch biin ta dufiyooba, bi dihee qaaroochee tiyitona, aageteenaꞌon qewiito taane; Eden beeti mixinaꞌo bulli, aachi gashooch dicciti mixinaꞌo bulli, phixxaashe Libanoosee mixinaꞌo bulliyoo, bi dihoona dechi showoochaa goggemminaꞌone.

Hiziqeeli 31:16 ပူးပေါင်းရင်းမြစ်များ

Isiyaasi 14:15

Tunebaani and Siꞌoolooch, maash kindito neene.

Isiyaasi 14:8

Yigee mixinaꞌonaa Libanoosee ciideenaꞌona, ‘Ne dihitoyich, mixon kuxxecho no waan waataachemmone’ getibee emiremminaꞌone.

Erimiyaasi 50:46

Baablooni yechee cookoochee tiyitona, showoo shuuremmone; bi cookoo aageteenaꞌo daggooch waayeyemmone” iye.

Hiziqeeli 14:22

Tunebaani anaami bushiisheenaꞌonaa maache bushiisheenaꞌonon yaabi deebemminaꞌo murici echemminaꞌone; ittoshi waanoo woyemminaꞌone; ittoshiyoo boonoshi gommonaa boonoshi shuunoonon beeggemmo ittoshine. Yerusaalemi toommooch ta deebeti gonde mooyo bullich goggemmo ittoshine.

Hiziqeeli 14:23

Boonoshi gommonaa shuunoonon ittoshi beegiyooba, ta tuniito bullin nabaalloon tuniyaano ta tunoon ariiree goggemmo ittoshine” iye Nuggishoo Doono Yeeri.

Hiziqeeli 26:10

Bi haresheenaꞌo meetoochee tiyitona boonoshi quttoo neen qeremmone; asho tiisheti xaqqee uxerechi katemooch bi gimoommon, aroo ne uxeree kelloona bi giyiyooba, haresheenaꞌochi, ginee gaarinaꞌonaa bare gaarinaꞌonochi qaaroochee tiyitona ne uxereenaꞌo qewemminaꞌone.

Hiziqeeli 26:15

“Nuggishoo Doono Yeeri Xiroosich ishichii beetone: ‘Mayetinaꞌo maacerehooba, ne daggoochaa asho wuxeehooba, ne dihee qaaroochee tiyitona baharee gasheexi showeenaꞌo shuuraacheheete?

Hiziqeeli 27:28

Markabechinaꞌochi cookoochee tiyitona baharee gashooch beeti showeenaꞌo qewemminaꞌone.

Hiziqeeli 31:14

Am shaahoon aachi gocooch boonoshi diccitaanona ebi mixochoommon neexi genjoo tunoon, boonoshi cilloonoo qubee daggooch shakkiyoon hakkemmi mixinaꞌo aalleenaꞌone. Ebiyoo boonoshiyoo qititinaꞌo kiceeti oppooch, maash hammiibeeti ashi bushiisheenaꞌo daggooch, qitooch beshiitaa ichetinaꞌo boonoshi tunetoyichiye’ gete” iye.

Hiziqeeli 31:18

“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.

Hiziqeeli 31:3

Ne, bi waamo waarwaariibeeti, hubbimiꞌi yiireebeeti, bi neexoo genjoo, bi cilloo gumooch shaggiti, Libanoosi yigee mixoommi Asoorin eke ciine.

Hiziqeeli 31:8

Yeerichi bechee mixinaꞌooch beeti yigoo biinna toyeyoon hakkaanoone. Ciideenaꞌo bi ati bedaaneenaꞌone. Asiitee mixinaꞌo bi ateenaꞌona tateyaaneenaꞌone; Yeerichi bechee mixinaꞌoochee malletoona biinna tatemmo aalloone.

Hiziqeeli 31:9

Bi qaakkeenaꞌochi meetona biin gaawichiyoye; Yeerichi bechee xaaꞌoo Eden beeti mixinaꞌo bulli biin qanaateheete.

Naahoomi 2:3

Ginee anaaminaꞌochi gaachoo ceelloone; ginee naayinaꞌo ceelle tahoon tahetinaꞌone; Nanawin kocha qannii beetinaꞌone; boonoshi gaari qaaqqoo aaxxoommon aaxxee beetone; boonoshi haresheenaꞌo nagixii beetinaꞌone.

Imbaaqoomi 2:17

Libanoosi mixon qeccee ittoshi aalliyoommon qeccetaa aallemmo ittoshine. Arooch beeti cooxinaꞌon wuxii ittoshi aalliitoyich keqqemmo ittoshine. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Haagi 2:7

Aageteenaꞌo bullin ta shuurikkaa, boonoshi gaanno hiniich woyemmone. Hini kexonoo oogee yiiroona ceechemmo taane.

Yaaꞌoo 11:13

Bekkech oogeti showee qewo tunehe; are katemeexi kexinaꞌo daggoochee aashiroochee ikke beeroo dihiye; ebi showee qewoona shabaatte hume asheenaꞌo qitiyeete; echetinaꞌoo keqqoona qeweheete; shimaajj beeti Yeerin oogiiheete.