Hiziqeeli 31:14 - Kafa Linguistics Project

¹⁴ Am shaahoon aachi gocooch boonoshi diccitaanona ebi mixochoommon neexi genjoo tunoon, boonoshi cilloonoo qubee daggooch shakkiyoon hakkemmi mixinaꞌo aalleenaꞌone. Ebiyoo boonoshiyoo qititinaꞌo kiceeti oppooch, maash hammiibeeti ashi bushiisheenaꞌo daggooch, qitooch beshiitaa ichetinaꞌo boonoshi tunetoyichiye’ gete” iye.

Hiziqeeli 31:14 ပူးပေါင်းရင်းမြစ်များ

Nehimi 13:18

No Nuggishoo gonde mooyo bullin noonnaa hini katemoonochi toommooch bi deebito, no qaabbechinaꞌo ebiyoommi gonde shuunoon boonoshi shuunetaa toone? Ittoshi wotta shambetoon eeꞌiyoona Israꞌeeleenaꞌo toommooch naxo daakkiree bi kindemmoyich tuniiniye ittoshi beeto” iyo.

Shoddo 82:7

Tunebaani ashi qitoommon qitemmo ittoshine; taatoo dihoommon dihemmo ittoshine” iye.

Isiyaasi 14:15

Tunebaani and Siꞌoolooch, maash kindito neene.

Hiziqeeli 26:20

Wonnee asheenaꞌo beetooch, maash neen daachiyemmo taane; ne daggooch beeyemmo bi daneyaachemmoyich, oppooch kindii beetinaꞌona tookki wonna happeeti xaaꞌooch, deshi showooch ne beeyemmoyich tuniyemmo taane; ebich ashi beeyi xaaꞌoon tuneyaachemmi neene; kashechinaꞌochi showooch neech xaaꞌoo daneyaachemmone.

Hiziqeeli 31:18

“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.

Daaneeli 4:32

Ashi daggoochee kichaa yookkeree, kubbi cooxona tookki gaddooch beeyemmo neene; gattoochoommonoo mocoon maayemmo neene. Beshoo Yeeri ashi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ne ariimmi wottoon, shabaatte nato beshemmone” iye.

Amootsi 9:2

Showoon iijjiꞌi maash boonoshi hami gaatoona, aroochee boonoshin shotte kichemmo taane. Shimaajj boonoshi keyi gaatoona aroochee boonoshin kindiyemmo taane.

Yoonaasi 2:2

Biyoo ishichiye: “Doono Yeero, xuuxee toommooch beechaa, neen ceeggehoye; newoo waayehine. Qititinaꞌo kiceeꞌi beeti hoonooch beechaa, cookiyoye; newoo ta cookoon waayehine.

Yoonaasi 2:6

Guudinaꞌochi dechi duchooch, bi kello bulli yemeenoon hicheti showooch kindiyoye. Ta Nuggishoo Doono Yeero! Ne, ta kasheen oppoochee kichihine.

Haddoo 16:30

Tunebaani Doono Yeeri dallaawe mooyon tuniitaa, showoo haawutteꞌi, boonoshinaa boonoshicho tuneto bullinon bi qooxigaata, kashoona maash boonoshi hamigaata, arooba ebi asheenaꞌo Doono Yeerin hoxetinaꞌo boonoshi tunoon ariyemmo ittoshine” iye.

Haddoo 16:33

Boonoshinaa boonoshich beeto bullina kashoona oppooch giyiyeete. Showoo boonoshi toommooch hiripphimiye; iiteenaꞌo daggoocheenoo aalleheete.

Maatiyoosi 11:23

Hini Qifirinaahe! Shimaayooch beddaahaa ciixenne? Tunebaani kindiiree Siꞌoolooch duppeyemmi neene. Ne daggooch bekketi gaakkechi shuunoo Sodoomi daggooch bi bekketo gaata, hanaach beddaahaa are katemee beeyeshine.

1 Qorontoosi 10:11

Boonoshi toommooch tuneti mooyo bulli nooch malletoo tunetone; ebiyoo hini ciireexi yemeenooch beeti noon cuuꞌiyane bi kooreeto.

Efesooni 4:9

Ebi kechiye getochi, ama getone? Shiichiꞌi showee dechi duchooch kinditone getone.

Yibbaatoo 13:11

Ebina Israꞌeeleenaꞌo bulli ebin waayeree shattemminaꞌone; ittoshi daggoochee koniyoona ebiyoommi gonde shuunoon wochinnoon shuuneyaachemmone.

Yibbaatoo 21:21

Ebina are katemeexi asheenaꞌo biin xaqqoona yexi wuxibeete. Ebin tuniyoona ebiyoommi gonde mooyon ne daggoochee wokkiibe. Ebina Israꞌeeleenaꞌo bulli ebin waayeree shattemminaꞌone” iye.

Hibireena'o 9:27

Ikke wottoon qitemmo bi tuno asho bullich echeyaani mooyone; aroyee gubb Yeeri boonoshi toommooch nallemmone.

2 Pheexiroosi 2:6

axaaxoon shuunoyich gabii beetinaꞌon cuuꞌiya Sodoominaa Gomoorinon tulloo tunii michii aalliiꞌi boonoshi toommooch bi nallitoyee;