Hiziqeeli 30:9 - Kafa Linguistics Project

⁹ “ ‘Ebiyooba amoonolla keqqaanoon koteꞌi beeti Topphiyeenaꞌon keqqichoyich wocheyechinaꞌo markaboona ta waanee hammemminaꞌone; Gibitsi aalloona xuuxo boonoshi toommooch tunemmone; illa ebiyoche, ebi tunemmone.

Hiziqeeli 30:9 ပူးပေါင်းရင်းမြစ်များ

Isiyaasi 19:17

Yihudee showoo Gibitseenaꞌon keqqichemmone; Beshe Mawe Doono Yeeri Gibitseenaꞌo toommooch tuniiya bi gabitoochee tiyitona Yihudichon waayemmo bulli shattemmone.

Isiyaasi 20:3

Aroochee Doono Yeeri ishichiye: “Ta guuno Isiyaasi Gibitsinaa Topphiyoonoyich malletoonaa worganikkiti mooyona bi tunemmoyich, keejje naton shokke qeddoonaa shokke baatoona bi shaꞌoommon,

Isiyaasi 20:5

Topphiyoon gibenetinaꞌo, Gibitsina yebenetinaꞌoo keqqemminaꞌone; yeelleshoo getteminaꞌone.

Isiyaasi 23:5

Xiroosichi aallee woroo Gibitseenaꞌo waan shagiyooba, Gibitseenaꞌo maaceremminaꞌone.

Isiyaasi 47:8

“Hini cunnenniti, carahaanoo koteti, ne mulloonoo ‘Taane; tayee baroo ikkolla aalloone; xuumechoommon koteyaachemmi taane; bushoon wuxii ciichitin tuneyaachemmi taane’ itine; and ebin waayebe:

Erimiyaasi 49:21

Boonoshi dihee qaaroochee tiyitona showoo shuuremmone; boonoshi eeppi qaaro Ceelle baharooch beddaahaa waayeyemmone.

Erimiyaasi 49:31

“Tibote, keqqaalloon diggoona beeti ashoon koyote” iye Doono Yeeri. “Kelloonaa tuggoona aalloon bi ikkeeto koteꞌi beeton koyote.

Hiziqeeli 24:14

“Doono Yeeri ta getteto taane; ta tuniyemmi aabo katinnitone; gubb wotteyaachemmo taane; ariqqeyaachemmo taane; axireyaachemmo taane; ne gommoommona, ne shuunoommonoo ne toommooch nallemmo taane” iye Nuggishoo Doono Yeeri.

Hiziqeeli 26:16

Baharee gasheexi taateenaꞌo boonoshi taatee qeenoochee kindemminaꞌone; toommeexi boonoshi tahoonoo shoottemminaꞌone; shashechi boonoshi tahoon kichemminaꞌone; boonoshi qellich keqqoon taheree showooch kotemminaꞌone; kuxaanoon qewebee ne toommooch shaggitona geewemminaꞌone.

Hiziqeeli 27:35

Baharee gashooch beeti asheenaꞌo bulli, ne naboona keqqitinaꞌone; boonoshi taateenaꞌo oogichii shattitinaꞌone; shatona boonoshi aafo niretone.

Hiziqeeli 33:33

Iberoochaa ebi bulli tunemmone; ebi tunehooba, boonoshi daggooch keemecho beemon ariyemminaꞌone” iye.

Hiziqeeli 38:11

newoo ishichemmo neene: “Gayaalli gafeenaꞌooch damba kechemmo taane; uxeraalli, kelloonaa tuggoona aalli katemeenaꞌooch keqqaalloon diggoona beetinaꞌochi toommooch dihemmo taane.

Hiziqeeli 39:6

Magooginaa baharee gasheexi showooch keqqaalloon kotetinaꞌonochi toommooch qaaqqoon kindiyemmo taane; ebina Doono Yeeri ta tunoon ariyemminaꞌone.

Amootsi 4:2

Nuggishoo Doono Yeeri bi yaafittinoona ishichiꞌi wogetone: “Qamaaxiroona yeshaa ittoshi hammemmi aabo shaggitone; ittoshi daggoochee koniyoona echeyaanoon haashe yeshe qamaaxiroona yeshaa hammemmo ittoshine.

Imbaaqoomi 2:3

kooriree ne kotiyemmo, yaaꞌoo ceennemmo and tuno bi qajjitoyichiye; tunebaani ebi yaaꞌoo ceennemmi aabo afaafinoona waa beetone; ebi iberoone. Yagemmo bi shaahitaanona haaꞌiiree quyebe. Iberoon ceennemmone; ciroona yagaachemmone.

Sofoniyaasi 2:12

Doono Yeeri, Topphiyee asheenaꞌo goraadoona qitemmoyich tuniyemmone.

Sofoniyaasi 2:15

Are katemee asheenaꞌo geecechinaꞌo boonoshi tunetoyich, “No achooch amolla shagaachemmone” ii beetinaꞌone. Boonoshiyoo “Showee toommooch aricheti katemoo, no katemoo baachiye” iꞌi gabii beetinaꞌone. Tunebaani are katemoo happaa aallemmone; kubbi coochi beeyi xaaꞌoo tunemmone. Aroona beshemmi asheenaꞌo bulli boonoshi qelloon qeeqqerebee coonemminaꞌone.

1 Tasaloonqi 5:2

Doonochi aabo bi woyemmo, gaayo xumoona bi womoommon tunoon manjiiꞌi ariibeeto ittoshine.

Woraaferasheenaꞌo 18:7

Ebina ebi uuche asheenaꞌo aroochee kechii, Layishi katemooch hammiyeete. Sidoonee asheenaꞌochoommon are katemeexi asheenaꞌo keqqaalloon diqqoona beemon beeggiyeete. Ebi asheenaꞌo diggoona beeti asheenaꞌo, diqqeenaꞌonaa koninolla kaaraalli asheenaꞌonane. Qaawiibeeti mooyo bulli boonoshich beetone. Boonoshiyoo Sidooneenaꞌo waanee wokkiꞌi, asho bulliyeenoo bariꞌiniye boonoshi beeto.