Hiziqeeli 30:5 - Kafa Linguistics Project

⁵ “ ‘Topphiyee, Fuuxi, Luudi, Arabee showoo bulli, Liibiyi, wogee showee asheenaꞌooch beddaahaa Gibitsina tookki goraadoona dihemminaꞌone.

Hiziqeeli 30:5 ပူးပေါင်းရင်းမြစ်များ

2 Kiinoo 12:3

Biyoo humaa gutte balle gaarinaa shiche hume hareshechinaꞌonon yechiꞌi waahe. Biinna tookkii Gibitsee waati asheenaꞌo mattiqutteenaꞌone. Eboshiyoo Liibiyeenaꞌo, Sukeenaꞌonaa Topphiyee asheenaꞌonane.

Isiyaasi 18:1

Topphiyee aacinaꞌoyee beqach beeti, bi qoshoo yexo waayeebeeti showoyich woowo!

Isiyaasi 20:4

Asooree taatoo, kecceti Gibitseenaꞌonaa Topphiyeenaꞌonon, gurimaashoonaa geenoonon, shokke qeddoonaa shokke baatoonon tuniiree daammemmone; boonoshi achoon shokko tuniiree, Gibitseenaꞌon yeelliyemmone.

Erimiyaasi 25:20

boonoshi daggooch beeti dallaawe asho bullich, Uutsi showee taateenaꞌo bullich, Filsixeemee showeexi katemeenaꞌo tuneti, Ashiqeloonichi, Gaazichi, Eqiroonichi, Ashidoodi maccee cureenaꞌochi taateenaꞌo bullich,

Erimiyaasi 25:24

Arabee taateenaꞌo bullinaa barahooch beeti baribare yoodeenaꞌochi taateenaꞌo bullich,

Erimiyaasi 44:27

Deꞌoyich tuneyaanoon gondoyich boonoshin ciinnemmo taane; Gibits beeti Yihudee asheenaꞌo bulla aallemmooch beddaahaa goraadoona, shaacoonoo ciiremminaꞌone.

Erimiyaasi 46:9

Haresheenaꞌote, keyote! Gaarinaꞌote, yubibote! Ginee anaaminaꞌo, gaachoon kalleti, Topphiyee asheenaꞌonaa Fuuxee asheenaꞌona, wottoo maꞌoon awureebeeti Luudee asheenaꞌoo, keyeete” iye.

Erimiyaasi 50:37

Goraado bi haresheenaꞌonaa bi gaarinaꞌonochi toommooch, bi daggoochoo beeti baribare macceenaꞌo toommoochiye; boonoshiyoo maacheen tunemminaꞌone! Goraado boonoshi yaaphee toommoochiye; boonoshiyoo boggeyemminaꞌone!

Hiziqeeli 27:10

“ ‘Faariisee, Luudee, wottoo Fuuxee waati ginee naayinaꞌo ne ginee naayinaꞌo daggooch beetinaꞌone; boonoshi gaachoonaa xuuree ukoonon ne gafooch kaqqitinaꞌone; boonoshi neech oogoon daniitinaꞌone.

Hiziqeeli 38:5

Faariisi, Topphiyoonaa Fuuxinochi asheenaꞌona, gaachoon kalletinaꞌonaa xuuree ukoon uketinaꞌo bulli boonoshina tookki tunemminaꞌone;

Daaneeli 11:43

Gibitsee showee gaanno tuneti aachoonaa birewoonon, aaxxe mooyo bullinoo bi kishooch tuniyemmone. Liibiyee showoonaa Topphiyee showoonon hajjemmone.

Sofoniyaasi 2:12

Doono Yeeri, Topphiyee asheenaꞌo goraadoona qitemmoyich tuniyemmone.