Hiziqeeli 30:18 - Kafa Linguistics Project

¹⁸ Gibitsi giidoon ta tiishiyooba, Xafinaasich areddee showoo xumemmone; bi geeciibeeti bi giidoo niremmone; qubo biin guuppemmone; bi asheenaꞌoo kecceyemminaꞌone.

Hiziqeeli 30:18 ပူးပေါင်းရင်းမြစ်များ

Keyo 10:15

Showoo bulli aaqqimmi wottoon, showoon guuppiyeete. Baderoo yexxiichaa echeton, budooch colletonaa mixooch beeti aafo bullinon hidii maa aalliiheete. Gibitsee showoo bulliich, mixooch woyee showeexi collooch, ikke waamona echeyaanoone.

Isiyaasi 10:27

Arooba boonoshi shaago ittoshi gogoochee, boonoshi waanjoo ittoshi qettoochee kindemmone. Ittoshi aangoochee tiyitona bi waanjoo tiishemmone.

Isiyaasi 13:10

Shimaajji xojjeneenaꞌonaa guuphi xojjeneenaꞌona aaxxeyaachemminaꞌone; batt kechaabeeti aabe manderemmine; ageneyoo aaxxe bekkeyaachemmine.

Isiyaasi 14:11

Ne oogoonaa ne ximbee qaaroona maash kinditone; ne qeyi beeroo pilo, ne tahoo hipperoo tunemmone’ getteminaꞌone.

Isiyaasi 14:25

Asoorin ta showee toommoochaa aalliyemmo taane; ta guudi toommoochaanoo neexi kotemmo taane; bi waanjoo ta asheenaꞌo toommoochee tiyemmone; bi shaagoo boonoshi gogoochee kindemmone” iye.

Isiyaasi 19:1

Gibitsee showeechon Doono Yeer waanee getteeti wocho ebine: Doono Yeeri quboon yebberee, afaafinoona Gibitsee showooch woyemmone; Gibitseenaꞌochi shahalleenaꞌo bi aafooch qewemminaꞌone. Gibitseenaꞌo mulloo keqqoona muujjemmone.

Isiyaasi 5:30

Arooba baharee buugoommon ebi aree toommooch buugemminaꞌone; koniyoona showooch bi ciinigaata, manderoonaa xuuxoonon beeggemmone; qubee naboona bekko manderemmone.

Isiyaasi 9:19

Beshe Mawe Doono Yeeri kaaroona showoo miccemmone; ashoo qaaqqooch shookkeebeeti mixoommon tunemmone; koniyoona bi manoyich aaxxiyaachemmone.

Isiyaasi 9:4

Miidiyameenaꞌo koyaa wottehooba bi tunetoommon, boonoshin maggeti waanjoon, boonoshi gogooch kindiibeeti gumboon, boonoshin xuuxiyechochi yaaboon, tiicheto neene.

Erimiyaasi 2:16

Memifisi asheenaꞌonaa Xafinaasi asheenaꞌona ne shimboon caggemminaꞌone.

Erimiyaasi 27:2

“Waanjoon qannii shachoon gedi ne qettooch xandibe.

Erimiyaasi 28:10

Keemechi Hanaaniyi ta qettoochee waanjoon kindiiꞌi tiichiye.

Erimiyaasi 28:13

“Hamiree Hanaaniyich ishichi gete: ‘Doono Yeeri ishichiye: Ne, michi waanjoon tiicheto neene; tunebaani ta, bi keroon xuuree waanjoon shuunemmo taane.

Erimiyaasi 30:8

“Ebiyooba, iye Beshe Mawe Doono Yeeri, boonoshi qetteexi waanjoon tiichemmo taane; boonoshi cuyoon kuxxemmo taane; ebiyee bekk dallaawoo boonoshin hajjaachemmone.

Erimiyaasi 44:1

Gibitsee showooch beeti Migidool, Xafinaasinaa Memifisi katemeenaꞌooch, wotta Phaxiroosee showoochoo beeti Ayihudeenaꞌon ciinnii beetona Erimiyaasich Doono Yeeri ishichiye:

Erimiyaasi 46:14

“Gibitsee showoochaa ebin getote; Migidool tuneechishoo awaajjibote; Memifisi katemoonaa Xafinaasi katemoonoochoo awaajjibote; ishichibote: ‘Ittoshi guudooch beetinaꞌon goraado maayemmo bi tunetoyich, tiyiree qannibote’ getote.

Shoosho 2:1

Doono Tsiyoonin bi kaaroona am shaahoon qubo shiixxoommon shiixxiye! Israꞌeelichi oogoon shimaayoochee showooch ceqqehe; Tsiyooni bi baatee neexi xaaꞌee bi tunoon bi kaaree aabooba gabaanoone.

Hiziqeeli 29:15

Bare taatee showoyee beshoon giishemmone; ebiyee bekk aageteenaꞌo toommooch sharaachemmone; ebiyee bekk aageteenaꞌon boonoshi hajjaachemmoyich boonoshin giishiyemmo taane.

Hiziqeeli 30:23

Gibitsee asheenaꞌon aageteenaꞌo daggooch shaccemmo taane; showee toommoochoo bitinnemmo taane.

Hiziqeeli 30:3

Ebi aabo katinnitone; Doono Yeerichi aabo katinnitone; ebiyoo qubee aaboone; aageteenaꞌoyichoo aallee aaboone.

Hiziqeeli 31:18

“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.

Hiziqeeli 32:7

Neen ta aalliihooba shimaayoon qeremmo taane; xojjeneenaꞌonoo manderiyemmo taane; aabeenoo quboona kaappemmo taane; ageneyoo aaxxe bekkiyaachemmine.

Hiziqeeli 34:27

Gaddeexi mixinaꞌo aafemminaꞌone; showoo maayi colloon uummiyemmone; boonoshi showooch keqqaalloon diggoona beeyemminaꞌone; boonoshi waanjee kayoon ta tiishiyooba, boonoshin hajjii beetinaꞌo kishoochee boonoshin ta kichiyooba Doono Yeeri ta tunoon ariyemminaꞌone.

Hiziqeeli 38:9

Newoo yubee yongoochoommon waaree kochemmo neene; neennaa ne ginee naayinaꞌo bullina, neenna tookkii beeti meeti asheenaꞌoo showoon quboochoommon guuppemmo ittoshine.

Yoꞌeeli 3:15

Aabeenaa ageneena manderemminaꞌone; xojjeneenaꞌoo aaxxeyaache gettemminaꞌone.

Leweenaꞌo 26:13

Gibitseenaꞌoyich guuno ittoshi tuneyaachemmoyich, Gibitsee ittoshin kichaa deebeti ittoshi Nuggishoo Doono Yeeri taane. Guuchittinee waanjoon tiichaꞌa, kaama qaalliree ittoshi hammemmoyich tuniito taane.

Maatiyoosi 24:29

Wotta Yesuusi ishichiye: “Ebiyooba ebi are xuuxoyee gubb, ‘Aabe bekkech manderemmine; ageneyoo aaxxeyaachemmine; xojjeneenaꞌo shimaayoochee hollemminaꞌone; shimaajji giideenaꞌo shuuremminaꞌone.’