Hiziqeeli 3:8 - Kafa Linguistics Project

⁸ Ebiyoche ta neen boonoshiyoommi yitaanoonaa mulli manjoonon tuniito taane.

Hiziqeeli 3:8 ပူးပေါင်းရင်းမြစ်များ

1 Taateenaꞌo 21:20

Akaabi Eliyaasin beeggiꞌi, “Ta ettoocho, batt taan danenne?” iye. Eliyaasiyoo biich wochiꞌi ishichiye: “Eeha, Doono Yeeri aafooch gonde shuunoon shuunoyich ne qelloon kemmeto ne tunetoyich, neen daneto taane.

Isiyaasi 50:7

Nuggishoo Doono Yeeri taan gaachee bi beetoyich, cooneyaachemmo taane; ebich, ta aafoon xaqqo kupphoommon kupphiyemmo taane; yeelleyaachemmo ta tunoon ariyaabeeto taane.

Erimiyaasi 1:18

Hini showooch beeti asheenaꞌo bulli toommooch, eboshiyoo Yihudee taateenaꞌo, ukkireenaꞌo, qeesheenaꞌonaa macceenaꞌona toommooch, ta hanaach neen manje katemoommon, xuuree giimboommon, gooshee uxeroommonoo tuniito taane.

Erimiyaasi 15:20

Hini maccoyich neen manje gooshee uxeroon tuniyemmo taane; neen kochemminaꞌone; tunebaani neen wodiyoonaa biishonoyich neenna tookkii ta tunetoyich neen koyi wochaachemminaꞌone, iye Doono Yeeri.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Hiziqeeli 3:7

Tunebaani Israꞌeelee macceenaꞌo getaa giyaaneenaꞌonaa babbereenaꞌona boonoshi tunetoyich ta getoon waayoyich daaggaaneenaꞌone; neechonoo waayeyaachemminaꞌone.

Hiziqeeli 3:9

Ta neen shiishe xaqqoyee beshoon kuppho tuniito taane; hukkechinaꞌo boonoshi tunetaanoona boonoshich shattaahine; boonoshi sheexoyichoo keqqiyaahine” iye.

Mikiyaasi 3:8

Tunebaani ta, Israꞌeeleenaꞌoyich boonoshi xuꞌoonaa axaaxoonon ta gettemmoyich, Doono Yeeri bi Ayaanoon, giidoon, dayinnetoonaa hakkoonon taach immitone.

Hibireena'o 11:27

Mulloon Yeeri toommooch bi tooꞌitoyich, Gibitsee taatoochi kaaroon shataanoon Gibitsee showoon qajjii kechii hammiye; bekkeyaani Yeerin bekkee beeton tuniiꞌi, “Gubb wotteyaache” iꞌi qaxiriye.