Hiziqeeli 3:7 - Kafa Linguistics Project

⁷ Tunebaani Israꞌeelee macceenaꞌo getaa giyaaneenaꞌonaa babbereenaꞌona boonoshi tunetoyich ta getoon waayoyich daaggaaneenaꞌone; neechonoo waayeyaachemminaꞌone.

Hiziqeeli 3:7 ပူးပေါင်းရင်းမြစ်များ

Isiyaasi 3:9

Boonoshi aafoochee bekkeebeeti mooyo boonoshi toommooch miixee beetone; boonoshi axaaxoon aachaanoon, Sodoomee asheenaꞌochoommon axaaxoon xalla shuunee beetinaꞌone; boonoshi toommooch gonde mooyon boonoshi deebii beetoyich boonoshich woowo!

Isiyaasi 48:4

Getaa giyaani, xuuroommi gajjechonaa gooshoommi barechona, ittoshi tunoon ariyaabeeto taane.

Erimiyaasi 3:3

Ebich amichi kucho bachehe; naawee amiyoo dihemmon qajjiye; shunimaayeen shaahaꞌa yeellemmon qajjehine.

Erimiyaasi 44:16

“Doono Yeeri shigoona nooch ne getteti qaaroon waayeyaachone.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Erimiyaasi 6:10

Ta getaa waayemmo koni beete? Konich kupphii getote? Boonoshi waamo hichetone; elloon hakkaaneenaꞌone; ebiyoche Doono Yeerichi qaaro cooqqireetone; boonoshinoo emirikkaanoone.

Erimiyaasi 6:17

Tawoo ‘Shametee qaaroon waayebote’ iyaꞌa quyechinaꞌon ittoshi toommooch ukkiriihoye; tunebaani ittoshi waayeyaachone iyote.

Erimiyaasi 7:27

“Ebi qaaro bullin boonoshich gettemmo neene, tunebaani waayeyaachemminaꞌone; ceeggemmo neene, tunebaani neech eekkeyaachemminaꞌone.

Hiziqeeli 2:4

Boonoshi getaa giyaaneenaꞌonaa babbereenaꞌonane; newoo boonoshich, ‘Nuggishoo Doono Yeeri ishichiye’ ne gettemmoyich neen daachiibeeto taane.

Hiziqeeli 24:7

Bi ukkiti damoo and beddaahaa bi daggooch beetone; ebi damoon bi ukkito xalla bekkeebeeti xaqqee toommoochani butto qeremmi showooch toonoone.

Hiziqeeli 3:6

Boonoshi yibbaatoo maggoo, boonoshi noonoo aricheyaano, boonoshi qaaro neech giyaano tuneti aageteenaꞌo waan neen daachiyaano taane; eboshi waan neen ta daachiito gaata, neechon waayeshinaꞌone.

Hiziqeeli 3:8

Ebiyoche ta neen boonoshiyoommi yitaanoonaa mulli manjoonon tuniito taane.

Zakaariyaasi 7:11

“Tunebaani boonoshi taach boonoshi gubboon wochiꞌi waayemmon qajjiyeete; boonoshi waamonoo oppeheete.

Zakaariyaasi 7:12

Boonoshi mulloon xaqqo tuniiꞌi, Beshe Mawe Doono Yeeri ta, ebiyee aafi ta keemechinaꞌona tunaꞌa, ta Ayaanoona ta deejjiti sheeroonaa qaaroonon waayemmon qajjiyeete. Ebich Beshe Mawe Doono Yeeri ta, oogichii kaarehoye.

Luqaasi 10:16

Ebiyee gubb, Yesuusi bi dabbeenaꞌon “Ittoshichon waayeebeeto, taachon waayee beetone; ittoshin qajjiibeeto, taan qajjii beetone; taanoo qajjiibeeto, taan wocheti Yeerin qajjii beetone” iye.

Luqaasi 13:34

“Keemechinaꞌon wuxiibeeti hini Yerusaalemi asheenaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin kicoyich ambiche wottoon shunnetote! Tunetaa ittoshi qaawaano ittoshine.

Luqaasi 19:14

“Tunebaani are showee asheenaꞌo biin boonoshi shixxitoyich, ‘Hini uro no toommooch bi taatoon shunnaachone’ iꞌi bi hillooch biin taatiyemmo waan wochoon daachiiheete.

1 Saameeli 8:7

Doono Yeeriyoo Saameelich ishichiye: “Boonoshi toommooch ta taateyaachemmoyich boonoshi qajjito taanani, neen toonoone. Ebich ebi asheenaꞌo neech gettiibeeti mooyo bullin elle waayebe.