Hiziqeeli 3:20 - Kafa Linguistics Project

²⁰ “Cadiqe asho bi cadiqittinoochee wotteꞌi gondoon bi shuunegaata, tawoo bi aafooch xugoon ta kotiigaata, aroo qitemmone; ebiyoo ne biin meeqqeqqiyaano ne tunetoyich bi axaaxoona qitemmone; bi shuuneti cadiqittinoo gabeyaachemmone; bi damoon ne kishoochee qaawemmo taane.

Hiziqeeli 3:20 ပူးပေါင်းရင်းမြစ်များ

2 Kiinoo 24:2

Yoꞌaashi qeeshoo Yoyaadi kashoona beeti yemeeno bulliich Doono Yeeri aafooch kaame mooyon tuniihe.

2 Kiinoo 25:15

Ebich Doono Yeeri kaaro Amasiyaasi toommooch aaxxehe. Biyoo Amasiyaas waan keemechon deejjiye; keemechoo waaꞌi, “Boonoshi asheenaꞌon ne kishoochee wodiyoon hakkaani aageteenaꞌochi nuggisheenaꞌoyich ne goyinneto amoyichiye?” iye.

Shoddo 119:165

Ne sheeroon shunnii beetinaꞌoyich ooge diggoo beetone; boonoshin tephemmi amee mooyolla aalloone.

Shoddo 125:5

Tunebaani xumme gommooch wottee beetinaꞌon, gondeenaꞌona tookki Doono Yeeri aalliyemmone. Israꞌeelich diggoo tunebe.

Shoddo 36:3

Bi yibbaatoo maroonaa dawushoonane; shalligoona shuunoonaa deꞌe mooyon tuniyoonon qajjiye.

Shaahiyoo 25:12

Mullechi ashi kaaro, deꞌa ii waayemmi ashich, waajji aachoommo, xalle aachoochee shuuneeti shashoommone.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Isiyaasi 8:14

Tawoo yaafee kexon tunemmo taane; tunebaani Israꞌeelee yareenaꞌoyich tephemmi xaqqoon, yexi dichemmi xaqqee guudon tunemmo taane; Yerusaalemi asheenaꞌoyichoo shaachoonaa olloonon tunemmo taane.

Erimiyaasi 34:16

Tunebaani ittoshi gubb wotteꞌi, ta shigoon hoxiihote; ittoshi ikkikkoona boonoshi daaggoona boonoshi hammemmoyich ittoshi gawukkiti, ittoshi guuninaꞌonaa ittoshi gonneenaꞌonon wochii deebiꞌi, guuninaꞌonaa gonneenaꞌonon tuniihote.

Erimiyaasi 6:21

Ebich Doono Yeeri ishichiye: “Hini macceenaꞌo aafooch xugeenaꞌon geddemmo taane; niheenaꞌonaa bushiisheenaꞌona ikkittinoona tepheyemminaꞌone; giyeenaꞌonaa xibeenaꞌonoo qiti ciiremminaꞌone” iye.

Hiziqeeli 14:3

“Ashi bushoocho, ebi asheenaꞌo boonoshi mulloon shahalloyich hajjiitinaꞌone; ebi boonoshi gonde shuunoon xugoon tuniiꞌi boonoshi aafooch kotiitinaꞌone. Ishigaata ta waanee eche waayeya boonoshi qaawoo tatoone?

Hiziqeeli 18:24

“Tunebaani cadiqe asho bi cadiqittinoochee wotteꞌi gonde asheenaꞌo tuniibeeti gondoonaa ciigiiti mooyonon bi tuniigaata, kashoona beeyehe? Kashoona beetache; halla bi shuuneti cadiqe mooyolla gabeyaachemmone; gibeneyaano bi tunoonaa bi axaaxoonoyich qitemmone.

Hiziqeeli 18:26

Cadiqe asho bi cadiqoochee wotteꞌi axaaxoon bi shuunehooba qitemmone; ebi bi shuuneti axaaxee naboona qitemmone.

Hiziqeeli 3:18

Gonde ashoon ‘Iberoochaa qitemmo neene’ ta getaa, ne biin meeqqeqqiyoo ne qayigaata, bi gondoochee wotteree bi kashoon bi wodiyemmoyich meeqqeqqiyoo ne qayigaata, ebi axaaxechi uro bi axaaxoona qitemmone; tunebaani bi damoon ne kishoochee qaawemmo taane.

Hiziqeeli 33:18

Cadiqe asho bi cadiqee shuunoochee wotteꞌi, axaaxoon bi shuunegaata bi shuuneti axaaxee naboona qitemmone.

Hiziqeeli 33:6

Tunebaani qayecho goraado womon beeggiichii shametoon hugo bi qayigaata, asheenaꞌonoo meeqqeqqiyoo bi qayigaata, goraado waaꞌi ashoon bi wuxigaata, are asho bi axaaxoona qitemmone; tunebaani uroochi damoon are qayecho kishoochee qaawemmo taane’ gete.

Hiziqeeli 7:19

Boonoshi birewoon gommooch duppemminaꞌone; boonoshi aachoo eeꞌe mooyooch haddeyemmone; boonoshi birewoonaa aachoona Doono Yeerichi kaaree aabooba boonoshin wodiyaachemmone. Ebi boonoshich xugo bi tunetoyich boonoshi shaacoon wochaachemmone; woyee boonoshi maacoon michiyaachemmone.

Daaneeli 9:18

Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Leweenaꞌo 19:17

“ ‘Ne manoon mulloochee tiijjiree shixxaahine. Ne toommooch axaaxoo tuneree bi haddeyaachemmoyich, xalla biin ittibatebe.

Sofoniyaasi 1:6

Taach goyinnee maddoon qajjiꞌi bara wottetinaꞌon, boonoshin ta gaachemmoyich, ta waan giddeyaaneenaꞌon aalliyemmo taane” iye.

Maatiyoosi 18:15

“Ne manoo neen bi xuꞌigaata, hamiree bi ikkeeton neennaa biinna guttoo tuneree, ‘Ebi ne shuuneti shuunoo gaawiye?’ getiree ittibatebe. Ne getaa bi waayegaata, ne hajjee manoon tuniyemmo neene.

Luqaasi 2:34

Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine” iye.

Luqaasi 8:15

Wotta qeemi showooch holliti yaroomminaꞌo geto, ibere gaawe mulloona Yeerichi qaaroon waayeꞌi ceechiibeeti asheenaꞌo getone; haaꞌiiꞌi aafoon aafee beetinaꞌone” iye.

Roomi 11:9

Daawitiyoo ishichiꞌi kooritone: “Boonoshi maayi madoo boonoshich shaachoonaa olloonon tunebe; boonoshich xugo tunebe; boonoshi shuunetoommo boonoshi toommooch shuuneebe;

1 Qorontoosi 1:23

Tunebaani no, masqalooch yooddeti Kiristoosin awaajjaabeeto noone. Ebi Ayihudeenaꞌoyich xugo tunehe; Aageteenaꞌoyichoo tuushittinoon shaahiye.

Yibbaatoo 13:3

ebi keemecho woyee gumi gummecho gettii beeton waayeyaahine. Ittoshi Nuggishoo Doono Yeeri ebi are uroona bi shuuneebeeto, ceeni ittoshi mulloonaa ceeni ittoshi kashoona biin ittoshi shunon beegoyicha iꞌiniye.

Hibireena'o 10:38

Tunebaani ta toommooch mulloon tooꞌiyoona cadiqiti ta asho, kashecho tuneree beeyemmone. Tunetaa gubb bi shokigaata biinna emiraache” itone.

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.

1 Pheexiroosi 2:8

wotta, “Asheenaꞌon tephemmi xaqqoon, yexi dichemmi xaqqoon tunehe” getaa bi kooreetoommone. Yeerichi qaaroyich deꞌa geto boonoshi qajjitoyich, tepheeꞌi dihii beetinaꞌone; ebiyoo shiichiꞌi Yeeri boonoshich gabitoommoniye.

1 Yowannisi 2:19

Boonoshiyoo no daggeexinaꞌo tuno boonoshi qajjitoyich, no daggoochee kechiyeete. No magechinaꞌo boonoshi tuneto gaata, noonna tookki manjiree beeyeshinaꞌone. Ebina boonoshi bulli no magechinaꞌo boonoshi tunee qayo arichemmoyich, no waanee bariꞌi kechitinaꞌone.