Hiziqeeli 3:18 - Kafa Linguistics Project

¹⁸ Gonde ashoon ‘Iberoochaa qitemmo neene’ ta getaa, ne biin meeqqeqqiyoo ne qayigaata, bi gondoochee wotteree bi kashoon bi wodiyemmoyich meeqqeqqiyoo ne qayigaata, ebi axaaxechi uro bi axaaxoona qitemmone; tunebaani bi damoon ne kishoochee qaawemmo taane.

Hiziqeeli 3:18 ပူးပေါင်းရင်းမြစ်များ

Halloo 2:17

tunebaani gondoonaa deꞌoonon arichiibeeti michi aafoochee maayaahine. Ebi michi aafoochee ne maahooba, iberoon qitemmo neene” iye.

Halloo 42:22

Roobeeli wochii boonoshich ishichiye: “Arooba ‘Ebi bushoo toommooch gondoon shuuneyaahote’ iyaa ittoshich getaano taane? Tunebaani ittoshi ta getteton waayeyaano ittoshine. And ebeegote, bi damoo no kishoochee qaawee beetone” iye.

2 Saameeli 4:11

Bi hajjee kexooch, bi qeenooch qeyiꞌi beeti, xalle ashoon wuxiti gonde asheenaꞌo toommooch ebiyee beshe mooyo tunemmone. Bi damoon ittoshi kishoochee qaawemmo, ittoshinoo showee toommoochee aalliyemmo taane” iye.

2 Taateenaꞌo 1:4

Ebich Doono Yeeri ishichiye: “Ne qeyeti qeenoochee tiyaachemmo neene. Iberoochaa qitemmo neene” itone’ gete” iye. Ebina Eliyaasi hammii gettiye.

Shaahiyoo 14:32

Gondeenaꞌo boonoshi gonde shuunoona dihiyeete; tunebaani cadiqeenaꞌo boonoshi gibeneyoona deeboon daneheete.

Isiyaasi 3:11

Boonoshi shuunetoommo boonoshich shuuneyemmo bi tunetoyich xuꞌechinaꞌoyich woowo! Aallo boonoshich woyemmone.

Hiziqeeli 18:13

bi koyitiigaata, shimon bi deꞌigaata, iberoochaa kashoona beeyehe? Kashoona beetaachemmone. Ebi bulli ciigiiti mooyon bi tuniitoyich iberoochaa qitemmone; bi damoo bi toommooch tunemmone.

Hiziqeeli 18:20

Axaaxoon shuuneto aroo qitemmone; bushoo bi nihoochi axaaxoyich naxeyaachemmone; nihoo bi bushoochi axaaxoyich naxeyaachemmone; cadiqo bi cadiqittinee gaacoon danemmone; axaaxechoo bi axaaxoyich naxeyemmone.

Hiziqeeli 18:4

Kasho bulli taachone; nihoochi kasho taacho bi tunoommon bushoochi kasho taachone; axaaxoon shuuneti asho aroo qitemmone.

Hiziqeeli 3:20

“Cadiqe asho bi cadiqittinoochee wotteꞌi gondoon bi shuunegaata, tawoo bi aafooch xugoon ta kotiigaata, aroo qitemmone; ebiyoo ne biin meeqqeqqiyaano ne tunetoyich bi axaaxoona qitemmone; bi shuuneti cadiqittinoo gabeyaachemmone; bi damoon ne kishoochee qaawemmo taane.

Hiziqeeli 33:12

“Andoo ashi bushoocho, ne macceenaꞌoyich ishichi gete: ‘Cadiqe asho axaaxooch bi wottegaata, wonnee bi cadiqitino biin wodiyaachemmone; gonde asho bi gondoochee bi wottegaata wonnee bi gondo bi aafooch xugo tuneyaachemmone; cadiqe asho axaaxoon bi shuunegaata wonnee bi cadiqittino biin wodiyoon hakkaache’ gete.

Hiziqeeli 33:6

Tunebaani qayecho goraado womon beeggiichii shametoon hugo bi qayigaata, asheenaꞌonoo meeqqeqqiyoo bi qayigaata, goraado waaꞌi ashoon bi wuxigaata, are asho bi axaaxoona qitemmone; tunebaani uroochi damoon are qayecho kishoochee qaawemmo taane’ gete.

Hiziqeeli 34:10

Nuggishoo Doono Yeeri ta ishichiyoye: Ebiyoche ta qiddeenaꞌo toommooch tiyeto taane. Ta bageenaꞌon boonoshi kishoochee qaawemmo taane; wochinnoon boonoshi shiimemmoyich tuniyaachemmo taane; qiddeenaꞌo boonoshi qelloon wochi boonoshi shiimeyaachemmoyich tuniyemmo taane; boonoshich maayoon boonoshi tuneyaachemmoyich, ta bageenaꞌon boonoshi kookkoochee wodiyemmo taane.

Haddoo 26:65

Ebiyoo Doono Yeeri “Barahoochaa qitemminaꞌone” bi itoyich, Yefuuni bushoo Kaaleebinaa Nuuni bushoo Yaasinoyee besh, boonoshi daggoochee ikke asholla echeyaanoone.

Luqaasi 13:3

Ittoshich gettoye: Ebi toonoone! Tunebaani axaaxee gommoochee Yeer waan wottoo ittoshi qayigaata, ittoshi bulli ebiyoommon aallemmo ittoshine.

Luqaasi 13:5

Ittoshich gettoye: Ebi toonoone! Tunebaani axaaxee gommoochee Yeer waan ittoshi wottoo qayigaata, ittoshi bulli ebiyoommon aallemmo ittoshine” iye.

Yowannisi 8:21

Yesuusi wochinnoon boonoshich “Ta hammemmo taane. Taanoo qaawemmo ittoshine; tunetaa ittoshi axaaxoona qitemmo ittoshine; ta hammaa beetooch hamon hakkaachemmo ittoshine” iye.

Yowannisi 8:24

Ittoshich ‘Ittoshi axaaxoona qitemmo ittoshine’ iyoye. Ebiyo, ta koni ta gaata ta tunoon ariiꞌi iberiyoo ittoshi qayigaata, ittoshi axaaxoona qitemmo ittoshi tunetoyichiye” iye.

Mishiraachechinaꞌo 2:40

Meeti bare qaaroona boonoshich miixeebee, “Hini xumme shiijjeree toommooch woyemmi naxoochee ittoshi qelloon wodiibote” iꞌi ciicciye.

Mishiraachechinaꞌo 3:19

Illa Yeeri ittoshi axaaxoon hidiree bi wokkiyemmoyich, ittoshi axaaxee gommoochee Yeer waan wottebote.

1 Ximootiyoosi 4:16

Ne kittinnittinee qocoyich, ne dojjaabeeti doyoyichoo ne qelloon ariibe. Eboshi bullin tuniyoyich kupphebe. Ebin ne tuniigaata, neennaa ne waanee waayee beetinaꞌonon wodiyemmo neene.

1 Ximootiyoosi 5:22

Ne kishoon ashi toommooch kotiiree koninolla afaafinoona ukkiriyaahine. Bareenaꞌo shuuneebeeti axaaxooch giyiree guuphiyaahine; kiinaalli xallittinoona ne qelloon quyebe.

1 Saameeli 8:9

Ebich boonoshi gettii beeton waayebe; tunebaani boonoshi toommooch taatemmi taatoo bi tuniyemmi mooyon getiree, boonoshin meeqqeqqiibe” iye.