Hiziqeeli 3:17 - Kafa Linguistics Project

¹⁷ “Ebich ashi bushoocho, neen Israꞌeelee macceenaꞌochi qayecho tuniito taane; ebich ta qaaroon waayebe; neech ta gettemmi qaaroona boonoshin meeqqeqqiibe.

Hiziqeeli 3:17 ပူးပေါင်းရင်းမြစ်များ

2 Kiinoo 19:10

Katemi katemooch beeti ittoshi maneenaꞌo waanee ittoshi waan waabeeti amee mooyolla, ebiyoo, damee ukkoo, sheeroon, getoon, qociyoonaa doyoonon shaaddo bi tunegaata, Doono Yeerin boonoshi xuꞌaachemmoyich, bi kaaro ittoshinaa ittoshi maneenaꞌonochi toommooch bi waataachemmoyich kupphii getote. Ebin ittoshi tuniigaata xuꞌecho tuneyaachemmo ittoshine.

Solomooni 3:3

Katemoon guuddii quyeebee, kellechinaꞌo taanna daneheete. Tawoo, “Kashoona ta shunnaa beeton beeggitote?” iyaꞌa boonoshin echeho.

Solomooni 5:7

Kellechinaꞌo katemoon guuddiibee taan daneheete; taan yexxiꞌi mayiiheete; ebi katemee uxeree kellechinaꞌo toommeexi ta tahoon shoottii daammiyeete.

Isiyaasi 21:6

Doono taach ishichiye; “Hamiree qayechon neechibe; biyoo bi beeggii beeggiton gete.

Isiyaasi 21:8

Qayechoo ishichii cookiye “Ta doonocho, areddoo bullin dilaalooch neexaabeeto taane; xumo bullinoo ta quyee xaaꞌooch beeto taane.

Isiyaasi 52:8

Doono Yeeri Tsiyoon wottoon aafoona boonoshi beeggitoyich, ne kellechinaꞌo qaaroon oogichiꞌi ikkittinoona boonoshi shoddeebeeti emiree shoddoon waayebe.

Isiyaasi 56:10

Israꞌeelee qayechinaꞌo aaf doogeenaꞌone; boonoshi bullich ariyoo aalloone; buhaani miime kunaanoomminaꞌone; tokketeechii gummiyeete; tokketoonoo shunniyeete.

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Isiyaasi 62:6

Yerusaaleme, qayechinaꞌon ne uxereenaꞌooch kotiito taane; boonoshiyoo xumoonaa areddoonon ciroona cikkaachemminaꞌone; Doono Yeer waan cookii beetinaꞌote, ciroona kasheyaahote.

Erimiyaasi 1:7

Tunebaani Doono Yeeri taach ishichiye: “Ta wochemmo bulliich hammemmo ne tunetoyich, ta gettemmo bullin gettemmo ne tunetoyich, ‘Batt bushoo taane’ gettaahine.

Erimiyaasi 31:6

Quyechinaꞌo Efreemi geppeenaꞌoochaa, ‘Ittoshi waataa, Tsiyoon, no Nuggishoo Doono Yeer waan keyone’ getiree boonoshi cookemmi aabo woyemmone” iye.

Erimiyaasi 6:10

Ta getaa waayemmo koni beete? Konich kupphii getote? Boonoshi waamo hichetone; elloon hakkaaneenaꞌone; ebiyoche Doono Yeerichi qaaro cooqqireetone; boonoshinoo emirikkaanoone.

Erimiyaasi 6:17

Tawoo ‘Shametee qaaroon waayebote’ iyaꞌa quyechinaꞌon ittoshi toommooch ukkiriihoye; tunebaani ittoshi waayeyaachone iyote.

Hiziqeeli 11:25

Tawoo Doono Yeeri taach bekkiiti mooyo bullin keccetinaꞌoyich getteho.

Hiziqeeli 11:4

Ebich ashi bushoocho, keemoon boonoshi toommooch keembe; keemoon keembe” iye.

Hiziqeeli 2:7

Hukkechi asheenaꞌo boonoshi tunetoyich, boonoshi waayetaa woyee waayo qajjitaa boonoshich ta qaaroon gettemmo neene.

Imbaaqoomi 2:1

Dilaalee toommooch kechehoye; arooch keyiichi Doono Yeeri taach gettimmon, ta cookoyichoo bi wochemmi wochoon waayoyich quya beeyehoye.

Haagi 1:13

Aroochee Doono Yeerichi wocheyechi Haagi asheenaꞌoyich, “ ‘Ta ittoshina tookkaa beeto taane’ itone Doono Yeeri” iye.

Maatiyoosi 3:7

Tunebaani Fariseenaꞌonaa Saduuqeenaꞌonochi daggoochee meeti asheenaꞌo aacona afaalleyoyich bi waan boonoshi womon Yowannisi beeggiꞌi, boonoshich ishichiye: “Hini xekerechi bushiisheenaꞌote! Yeer waanee kindemmi kaaree shiixxoochee ittoshi wokkemmoyich, konine ittoshich gettito?

1 Qorontoosi 12:28

Yeeriyoo kittinnee guuphi daggooch shiichiꞌi mishiraachechinaꞌon, aree hillooch keemechinaꞌon, keejjinnoon dojjechinaꞌon qociitone; daakkiꞌi gaakkechi mooyon shuunechinaꞌon, biiyetinaꞌon wodiibeeti wojjechinaꞌon, iriteetinaꞌoyich deggechinaꞌon, yaabii qeejjechinaꞌon, baribare noonoona yibbaatechinaꞌon qociitone.

1 Qorontoosi 4:14

Hini mooyon ittoshich ta kooraabeeto, aaxxe ta hajjee bushiishoommon ittoshin kaareꞌi ciicoyichalli, yeelliyoyich toonoone.

2 Qorontoosi 5:11

Illa Doono Yeerin shato geto ama geto gaata no arii beetoyich, asheenaꞌo bi waan boonoshi wottemmoyich qollaabeeto noone; no mullooch beeto amo gaata Yeeri arii beetone; ittoshiyoo wotta ittoshi mulloona amoommi asho no gaata ariibeeto ittoshine immi gibeno taach beetone.

2 Qorontoosi 5:20

Illa Yeeri no waanaa bi shoobbii beetoommon, Kiristoosichon getoyich wocheeti yakkirecho noone. “Yeerina tookki shunebote” iyaꞌa Kiristoosichi yakkirecho tunaꞌa ittoshin qollaabeeto noone.

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

1 Tasaloonqi 5:14

Wotta no maneenaꞌote! Ittoshin ciiccaabeeto noone; shuuna biisheenaꞌon kaare ciicote; aafi shateenaꞌon kupphiibote; kuppheyaaneenaꞌon gaachebote; asho bullin haaꞌiibote.

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.