Hiziqeeli 3:14 - Kafa Linguistics Project

¹⁴ Ayaano taan kaama tiijjiꞌi daammiye; tawoo caammeyoona, ippee gaameyoonoo hammo; Doono Yeerichi giidoo ta toommooch kupphehe.

Hiziqeeli 3:14 ပူးပေါင်းရင်းမြစ်များ

1 Taateenaꞌo 18:12

Neyee giishechoon ta wokkemmona, Doono Yeerichi Ayaano ta ariyaani xaaꞌooch neen daammemmone. Ebina hammaa Akaabich ta getaa, neen bi muccegaata, taan wuxemmone. Ne guuno ta, ta bushittinoochee tiijjaꞌa Doono Yeerin shattaabeeto taane.

1 Taateenaꞌo 18:46

Doono Yeerichi giidoo Eliyaasi toommooch waahe. Bi tahoon bi shimetooch cuchiichii, Yezireel beddaahaa, Akaabi aafooch shiichii wocciye.

2 Taateenaꞌo 2:16

Boonoshiyoo biich, “Ebiyoche, aache kupphe asho ne guuno noonna tookkii hiniich beetone. Diqqich Doono Yeerichi Ayaano ne doonon daammii, guudi toommooch woyee bambooch dufi beeyemmone. Eke hamiree boonoshi qaawemmoyich ne daaggemmoyich neen qollehone” iyeete. Biyoo boonoshich, “Daachiyaahote” iye.

2 Taateenaꞌo 3:15

Andoo ooge ximboon yexxii beeton taach deebote” iye. Ooge ximboon yexxiibeeto bi yexximmona, Doono Yeerichi giidoo Elisayi toommooch kindiye.

Isiyaasi 8:11

Doono Yeeri giidechi bi kishoon ta toommooch geddiꞌi, ebi asheenaꞌochi gommon ta dabbaachemmoyich taach gettiye; ishichiinoo iye:

Erimiyaasi 6:11

Ebich Doono Yeeri ippoommon ippeto taane; haaꞌii maac yeshon womiito taane. Aroochee Doono Yeeri taach ishichiye “Gommooch beeti bushiisheenaꞌo toommooch, wottoo kiceeꞌi beeti gurimaasheenaꞌo toommooch, ebi kaaroon kindiibe; kenoonaa mecheena, geenetinaꞌonaa baayetinaꞌona yeshaa hammemminaꞌone.

Hiziqeeli 1:3

Doono Yeerichi qaaro Kalideenaꞌochi showoochaa, Kebaari aachi gashoochaa, Buuzichi bushoo tuneti qeeshoo Hiziqeeli ta waan waahe; Doono Yeerichi giidoo aroochaanoo ta toommooch waatone.

Hiziqeeli 11:1

Ayaano kaama taan tiijjiye; aroochee Doono Yeerichi yaafee kechi aabi-keyo waani kellooch taan deebiye; tawoo uxeree kellooch beeti hiyaa uuche asheenaꞌon beeggeho; boonoshi daggoochoo macceenaꞌochi ukkireenaꞌo tuneti Azuurichi bushoo Yazaniyinaa Beenayichi bushoo Felaaxiyina beemon beeggeho.

Hiziqeeli 3:12

Aroochee Yeerichi Ayaano kaama taan tiijjiye; ta gubbaanoo “Doono Yeerichi oogo bi xaaꞌoochaa diireebe” iibee gigeebeeti qaaroon waayeho.

Hiziqeeli 37:1

Doono Yeerichi giidoo ta toommooch waahe; bi Ayaano daammiꞌi shaawushoona ceennit bambee daggooch taan kotiihe.

Hiziqeeli 40:1

Kecaa no hammeti hiyaa uuchinnee natooba, ikkinnee agenee aashirinnee qemooba, Yerusaalemi katemoon etto yexxiti aaraa awuddinnee natooba, ebi arooba Doono Yeerichi giidoo ta toommooch waahe; taanoo tiijjii Yerusaalemi deebiye.

Hiziqeeli 43:5

Areegaata Ayaano taan tiijjii maaci addibaabooch daammiye; Doono Yeerichi oogee yiiroo yaafee kexooch ceennitone.

Hiziqeeli 8:1

Kecaa no hammeti shirittinnee natooba, shirittinnee agenee uuchinnee qemooba, ta kexooch kotaꞌa ta beetaa, Yihudee geeneenaꞌo ta aafooch koteꞌi boonoshi beetaa Nuggishoo Doono Yeerichi giidoo ta toommooch kindiye.

Hiziqeeli 8:3

Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Yowannisi 4:1

Arooba Yesuusi Yowannisiyee beshoon dofee asheenaꞌon bi dabbiyoonaa aacona bi afaalloonon Fariseenaꞌo waayeheete.

Yowannisi 4:3

Yesuusi ebin ariiꞌi, Yihudee showoochee tiyii Galiilee showooch wottee hammiye.

Yowannisi 4:9

Shamaarechi ure wochaꞌa, “Ne Ayihudee asho tunaachaa, Shamaarechi ta waanee aabichaꞌa aacon ucha qollenne?” iyan. Bi ishichito, Ayihudeenaꞌoyich Shamaareenaꞌona tookkii yesho aallo bi tunetoyichiye.

Mishiraachechinaꞌo 8:39

Aacoochee boonoshi kechimmona, Doonochi Ayaano Filipphoosin diqqoona tiijjiꞌi daammiye. Uroo guttinnoon biin beegaanoone; emiriibee bi gommon yechiye.

Yaaꞌoo 10:10

Maraakoo kishoochee ebi giisheche macaafeen daammaꞌa maaho; ta kookkoochaa eeyochoommon nooccahan; tunebaani ta maatoyee gubb ta maacee daggoochaa caammahan.