Hiziqeeli 29:5 - Kafa Linguistics Project

⁵ Neennaa ne aaceexi haasheenaꞌo bullinon barahooch yugemmo taane; ne meeshoo gaddoochani bi echemmo duukkeyaachemmo neene; shimaajji gaceenaꞌonaa kubbi cooxinaꞌonoyich maayoon tuniiree neen immemmo taane.

Hiziqeeli 29:5 ပူးပေါင်းရင်းမြစ်များ

Shoddo 74:14

Lewataanichi qelloon pharixxehine; baraheexi cooxinaꞌoyich maayo tuniyaꞌa immehine.

Erimiyaasi 16:4

Gonde biiyoona qitemminaꞌone. Boonoshich eeppeyaachemmone; dukkeyaachemminaꞌone; showee toommooch guudoochoommon qixeyemminaꞌone; goraadoona, shaacoonoo aallemminaꞌone; boonoshi dubeno shimaajji gaceenaꞌonaa kubbi cooxinaꞌonoyich maayo tunemmone.

Erimiyaasi 25:33

Ebiyooba Doono Yeeri wuxitinaꞌo showee tuggoochee showee tuggooch beddaahaa yacheyemminaꞌone. Boonoshich eeppeyaachemmone; ikkooch kiceyaachemminaꞌone; dukkeyaachemminaꞌone; showee toommooch guudoochoommon qixeyemminaꞌone.

Erimiyaasi 34:20

boonoshi etteenaꞌo kishoonaa boonoshi kashoon qaawii beetinaꞌo kishoonooch beshiiree immemmo taane. Boonoshi dubeno shimaajji gaceenaꞌonaa kubbi cooxinaꞌonoyich maayoon tunemmone.

Erimiyaasi 7:33

Hini asheenaꞌochi dubeno shimaajji gaceenaꞌonaa kubbi cooxinaꞌonoyich maayoon tunemmone; boonoshin shatii yookkemmo aalloone.

Erimiyaasi 8:2

Boonoshi shunnii maddeti, boonoshi qaawii dabbiti, goyinneenoo iti aabeenaa ageneenochi, wotta shimaajji xojjeneenaꞌo aafooch boonoshin yachemminaꞌone; boonoshi shaawusho ikkooch kicaa duukkeyaachemmone; showee toommooch guudoochoommon qixeyemminaꞌone.

Hiziqeeli 31:13

Ebi dihiti michi toommooch shimaajji kafeenaꞌo kotetinaꞌone; bi qaakkeenaꞌonoo kubbi cooxinaꞌo neexxitinaꞌone.

Hiziqeeli 31:18

“ ‘Faroono, ebi shaahiyoo bi bekkiibeeto neennaa dofee ne asheenaꞌononiye. Oogee yiiroonaa oogoona Edeni mixinaꞌoochee koni neen shaahehe? Tunebaani newoo wotta Edenee mixinaꞌona tookki deshi showooch kindemmo neene; goraadoona qititi dokireyaaneenaꞌochi daggooch qeyemmo neene’ iye Nuggishoo Doono Yeeri, gete” iye.

Yaaꞌoo 6:8

Beeggaanoo iyo; areegaata daashe hareshoon beeggeho; aroon yebbetochi shigo Qitoo getteehe; Siꞌooloo biin dabbiye. Showee toommooch beeti asheenaꞌo daggoochee awudde beeroochee ikke beeroon ginoona, shaacoona, naxoonaa ashoon maabeeti kubbi cooxinaꞌona boonoshi wuxemmoyich hakkoo boonoshich ichehe.

1 Saameeli 17:44

Biyoo daakkiꞌi, “Eke ta waan wobe; ne meenon shimaajji gacoonaa kubbi cooxonoyich tuniyemmo taane” iye.