Hiziqeeli 29:19 - Kafa Linguistics Project

¹⁹ Ebich Nuggishoo Doono Yeeri ishichiye: Gibitsee showoon Baabloonee taatoo Nabukadinatsorich beshii immemmo taane; bi ginee naayinaꞌoyichoo shumaayoo bi tunemmoyich bi gaanno bullin bogi keciree daammemmone.

Hiziqeeli 29:19 ပူးပေါင်းရင်းမြစ်များ

Hiziqeeli 26:5

Asheenaꞌo boonoshi dabboon shuuꞌiibeeti, baharee daggooch beeti xaaꞌoon tunemmine; Nuggishoo Doono Yeeri ta ebin getteto taane. Aageteenaꞌo biin boggemminaꞌone.

Hiziqeeli 30:14

Phaxiroosin tiishaa aalleti katemeen tuniyemmo taane; Tsoꞌaan qaaqqoon geddemmo taane; Tebeesi toommooch nallemmo taane.

Hiziqeeli 30:4

Goraado Gibitsi toommooch woyemmone; xuuxo Topphiyee toommooch tunemmone. Guuraa qititinaꞌo Gibitsi daggooch dihiyooba, bi gaanno qacaa hamiyooba, bi showee heco shekiremmone.

Hiziqeeli 31:2

“Ashi bushoocho, Gibitsee taatoo Farooninaa meeti bi macceenaꞌonoyich ishichibe: ‘Oogoon neenna koni tatehe?

Hiziqeeli 32:11

“ ‘Ebich Nuggishoo Doono Yeeri ishichiye: Baabloonee taatoochi goraado ne toommooch woyemmone.

Hiziqeeli 32:15

Gibitsee showoon shokko ta echiihooba, showoo bi daggooch ceenniton bi muccehooba, arooch beeto bullin ta aalliihooba, ebina Doono Yeeri ta tunoon ariyemminaꞌone’ gete.

Hiziqeeli 38:12

Keccemmo taane; boggemmo taane; aageteenaꞌo daggoochee waati, and asho koteti shokkaache showeexinaꞌochi toommooch, gijjeenaꞌonaa qiiceenaꞌona boonoshich beeti, showee gutte daggooch koteti asheenaꞌochi toommooch ta kishoon yaggemmo taane” gettemmo neene.