Hiziqeeli 28:26 - Kafa Linguistics Project

²⁶ Keqqaalloon kotemminaꞌone; kexinaꞌon haggemminaꞌone; woyinoonoo bechemminaꞌone. Boonoshin hoxeebeeti giyeenaꞌo bulli toommooch ta nalliyooba, keqqaalloon kotemminaꞌone; ebina boonoshi Nuggishoo Doono Yeeri ta tunoon ariyemminaꞌone” iye.

Hiziqeeli 28:26 ပူးပေါင်းရင်းမြစ်များ

1 Taateenaꞌo 4:25

Solomooni kashoona bi beeti yemeeno bulliich, Daanee tiijjiꞌi Beershaab beddaahaa beeti Yihudee ashoonaa Israꞌeelee ashoona bi ikkikkoona bi woyinee yiiroonaa bi balaasee yiiroonooch diggoona kotee beehe.

Shoddo 149:9

boonoshi toommooch kooreeti nalloon ceechemminaꞌone. Ebina Yeer asheenaꞌo oogoon danemminaꞌone. Haleluya!

Keyo 29:46

Boonoshi daggooch beemoyich, Gibitsee boonoshin kichiti boonoshi Nuggishoo Doono Yeeri ta tunoon ariyemminaꞌone. Ta, boonoshi Nuggishoo Doono Yeeri taane.

Shaahiyoo 14:26

Doono Yeerin shattii beetoyich kupphe gibeno beetone; bi bushiishoyichoo deebo beetone.

Isiyaasi 17:14

Xum ebiyoche keqqoo tunehe; tunebaani showoo haroyee shiichiree aallemminaꞌone; noon kochii, boggii beetinaꞌo toommooch tunemmi mooyo ebine.

Isiyaasi 33:1

Koniyoona neen aalliyaanoon aalliyaa beetocho, koniyoona neen dawushaanoon dawushaa beetocho, neech woowo! Aalliyoon ne neechiyooba aallemmo neene; dawushoon ne neechiyooba dawusheyemmo neene.

Erimiyaasi 12:14

Doono Yeeri ishichiye: “Ta maccoo tuneti Israꞌeeleenaꞌoyich ta immeti showoon yechiibeeti boonoshi gonde giyeenaꞌo bullin boonoshi showoochee waaxxemmo taane; Yihudee kechi asheenaꞌonoo boonoshi daggoochee shiwemmo taane.

Erimiyaasi 29:28

Biyoo “Keco wottemmo batt yagoo bi tunetoyich, kexon hagiree arooch kotebote; bechoon bechiree bi aafoon mamote” iꞌi no waan Baabloonee showooch wochetone,’ ito neene gete” iye.

Erimiyaasi 30:16

“Ebich neen qooxxito bulli qoochemmone; ne etteenaꞌo bulla boonoshi ikkikkoona kecaa hammemminaꞌone; neen boshetinaꞌo bosheyemminaꞌone; neen boggitinaꞌo bokkemminaꞌone.

Erimiyaasi 32:15

Ebich Israꞌeelee Nuggishoo Beshe Mawe Doono Yeeri, asheenaꞌo hini showoochee kexonaa goyoonon, woyinee budonoo wochinnoon kememminaꞌone’ itone” iyo.

Erimiyaasi 32:37

Ta kaaroonaa ta ippoona, ooge ta naxoonoo boonoshin ta yookketi showoo bulliichee boonoshin kicemmo taane; hini xaaꞌoochoo wochi deebemmo taane; keqqaalloon boonoshi beeyemmoyich tuniyemmo taane.

Erimiyaasi 32:43

Ittoshiyoo ‘Ashaalli, gijjaalli shokkoone; Baabloonee asheenaꞌo kishooch ichetone’ ittoshi ii beeti hini showoochee goyee budo kechemmone.

Erimiyaasi 33:16

Ebiyoobee yemeenooch Yihudee showeexi maccoo wodemmone; Yerusaalemi katemeexi asho diggoona beeyemmone; katemoo ceekkemmo ‘Doono Yeeri No Cadiqoone’ getenane” iye.

Shoosho 1:8

Yerusaalemi ooge axaaxoon shuunetine; ebich eeꞌetine. Shokkaachee bi tunoon boonoshi beeggitoyich, biin oogii beetinaꞌo bulli hoxeheete; biyoo gaashillahan; qillifoon dichiyan.

Hiziqeeli 28:22

‘Nuggishoo Doono Yeeri ishichiye: Sidoone, ne toommooch tiyeto taane; ne daggoochaa oogoon danemmo taane; ne toommooch ta nalliyooba, ta yaafittinoonoo ne daggooch ta bekkiihooba asheenaꞌo Doono Yeeri ta tunoon ariyemminaꞌone.

Hiziqeeli 28:24

Doono Yeeri ishichiye: “Ebiyee bekk biin hoxeti bi giyeenaꞌo bulli daggooch Israꞌeelich shooddiibeeti guccinonaa biijjiibeeti angixonon tunemmo daneyaachemmone; ebina ta, Nuggishoo Doono Yeeri ta tunoon ariyemminaꞌone” iye.

Hiziqeeli 34:14

Gaawe mocechi gaddooch boonoshin quyemmo taane; boonoshi mocee gaddo Israꞌeeleenaꞌochi guudinaꞌo toommooch tunemmone; ebi gaawe mocechi Israꞌeelee guudinaꞌoochaa maayemminaꞌone; are gaawe gaddooch miqqemminaꞌone.

Hiziqeeli 34:31

Ittoshi ta gaddooch beeti ta bago ittoshine; ittoshi ta asho ittoshine; tawoo ittoshi Nuggishoo taane, iye Nuggishoo Doono Yeeri’ gete” iye.

Hiziqeeli 36:9

Ittoshi waan katinnemmo taane; ittoshin gaawe aafoona ciinnemmo taane; ittoshi toommooch goyoo goyaa maayo shookkeyemmone.

Hiziqeeli 38:11

newoo ishichemmo neene: “Gayaalli gafeenaꞌooch damba kechemmo taane; uxeraalli, kelloonaa tuggoona aalli katemeenaꞌooch keqqaalloon diggoona beetinaꞌochi toommooch dihemmo taane.

Hiziqeeli 38:8

Meeti yemeenoyee gubb ceekkemmo neene; gubbi natinaꞌooch koyoona tiisheechii batt qaalliibeeti Israꞌeelee showoon kochemmo neene. Ebi showoo, bi asheenaꞌo meeti aageteenaꞌo daggoochee kicaa waa, meeti yemeenoon shokko echeti Israꞌeelee guudinaꞌooch koteti showoone; boonoshiyoo aageteenaꞌo daggoochee waaꞌi, and bulliyona diggoona arooch kotetinaꞌone.

Hiziqeeli 39:10

Ginee qiicoonalli boonoshi shookkemmo kubboochee michi mito woyee shaaroochee mixon kuxo boonoshich qaawiyaachemmone; wonna boonoshin boggitinaꞌonaa keccitinaꞌonon and bogi keccemminaꞌone; Nuggishoo Doono Yeeri ta ebin getteto taane.

Hosee'i 11:11

Qewebee Gibitsee kafoochoommon, Asooree showoocheenoo uggechoommon, woyemminaꞌone. Tawoo boonoshi kexooch boonoshi beeyemmoyich tuniyemmo taane” iye Doono Yeeri.

Hosee'i 2:15

Aroochee bi woyinee goyoon biich immemmo taane; Akoori bamboonoo gibenee kello biich tuniyemmo taane. Aroochaanoo, Gibitsee bi keyiyooba, bi bushittinee aabooba, bi tuniitoommon, taach eekkemmine.

Hosee'i 2:18

“Arooba, boonoshicha geti kubbi cooxona tookki, shimaajji kafoonaa yuummere halleenaꞌona tookki wogoon giyemmo taane. Bulliyona diggoona boonoshi beeyemmoyich, koyee qiico bullin, maꞌoonaa goraadoonon showee toommoochee aalliyemmo taane.

Imbaaqoomi 2:8

Meeti aageteenaꞌo gijjoon ittoshi boggitoyich, boonoshi daggoochee curo tuneꞌi echetinaꞌo ittoshi gijjoon boggemminaꞌone. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Zakaariyaasi 1:15

Tunebaani diggoona koteti aageteenaꞌo toommooch oogichii kaareto taane; giishechoon ta kaaremmona boonoshi ta asheenaꞌon woddoon duꞌiitinaꞌone” gete’ iye.

Yibbaatoo 12:10

Yoordaanoosin ittoshi kimiyooba, ittoshi Nuggishoo Doono Yeeri are showoon woraashi arooch ittoshi beeyemmoyich tuniyemmone. Biyoo ittoshi etteenaꞌo bulli waanee ittoshin bi kashiitaa, diggoona beeyemmo ittoshine.