Hiziqeeli 28:2 - Kafa Linguistics Project

² “Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Hiziqeeli 28:2 ပူးပေါင်းရင်းမြစ်များ

Halloo 3:5

Yeeri bi ishichito, aroochee ittoshi maahooba, biin shaahemmo ittoshi tunoon, ittoshi aafo qecheetaa, gondoonaa deꞌoonon ariyemmo ittoshi tunoonoo bi arii beetoyichiye” iye.

2 Kiinoo 26:16

Tunebaani Uziyaahi kupphe taatoo bi tunetoyee gubb, geeciye. Ebi bi geecoo bi dihoyich naboo tunehe. Biyoo bi Nuggishoo Doono Yeerin xuqqiye. Ixaanee deejjee gudoochaa ixaanoon shookka Doono Yeerichi yaafee kexooch giyiye.

Shoddo 9:20

Doono Yeero, boonoshi shattemmoyich tuniibe; aageteenaꞌo asho boonoshi tunoon ariibeete.

Shaahiyoo 16:18

Geecoo aallooch bechiye; bi qelloon yeephoo dihooch yaabiye.

Shaahiyoo 18:12

Asho bi dihoyee shiichiꞌi bi mulloona geeciye; tunebaani qellee giishiyoo oogoyee shiichoone.

Isiyaasi 2:12

Beshe Mawe Doono Yeeri, geecechinaꞌo bullinaa cooddii beetinaꞌo bullinon, ciixee beetinaꞌo bullinoo bi cooniyemmi aabo beetone.

Isiyaasi 23:8

Gubbichoo ukiibeeti katemee toommooch, giixechi bi asheenaꞌo iraasheenaꞌonaa showee toommooch moogeetinaꞌona tuneti ebi Xiroosi toommooch, ebin tuniiya gabito konine?

Isiyaasi 31:3

Gibitseenaꞌo asheenaꞌoani, nuggisheenaꞌo tooneenaꞌone; boonoshi haresheenaꞌo meenon tahetinaꞌoani, ayaaneenaꞌo tooneenaꞌone; Doono Yeeri bi mochoon bi yaggiyooba, gaacheebeeto tepheyemmone; gaachoon deqqiibeetoo dihemmone; guttiyona aallemminaꞌone.

Isiyaasi 47:8

“Hini cunnenniti, carahaanoo koteti, ne mulloonoo ‘Taane; tayee baroo ikkolla aalloone; xuumechoommon koteyaachemmi taane; bushoon wuxii ciichitin tuneyaachemmi taane’ itine; and ebin waayebe:

Hiziqeeli 16:49

“ ‘Ne manee Sodoomichi xuꞌo ebine: Biinnaa bi bushiisheenaꞌona geecechinaꞌone; wodde maayoonaa mashaamiti beemona boonoshich beetaa girechinaꞌonaa iritechinaꞌonon gaacheyaacheete.

Hiziqeeli 26:17

Ishichiree ne toommooch shooshemminaꞌone: “Baharee toommooch giidechi, ne asheenaꞌona ne guudoona beetinaꞌo bullin shatiibeeti, aricheti katemeene, aabichaꞌa baharoochee aallenne!

Hiziqeeli 28:1

Doono Yeeri taach ishichiye:

Hiziqeeli 28:17

Mallet gaawoo ne tunoona ne mullo geecitone; ne oogoyicha iyaꞌa ne ariyoon eeꞌiihine. Ebich showooch neen duppehoye; neenna boonoshi cuuqqemmoyich taateenaꞌo aafooch neen duppehoye.

Hiziqeeli 28:9

Neen wuxemminaꞌo aafoochaa “Ta, nuggishoo taane” gettenne? Tunebaani neen wuxemminaꞌo kishooch ne dihiyooba asho nealli nuggishoo ne tunee qayo arichemmone.

Hiziqeeli 29:3

Faroonichoo yibbaateree ishichibe: Nuggishoo Doono Yeeri ishichiye: ‘ “Abbaayi aaco taachone; taane biin shuuneto” ii beeti aachi daggooch qeyiti ooge aachi aayoommi Gibitsee taatoo Faroono, ebiyoche ta ne toommooch tiyeto taane.

Hiziqeeli 29:9

Gibitsee showoo shokkaachoonaa amolla aalloona tunemmone; ebiyooba boonoshiyoo Doono Yeeri ta tunoon ariyemminaꞌone. “ ‘Ebiyoo “Abbaayi aaco taachone; ebi aacon shuuneto taane” ne itoyichiye.

Hiziqeeli 31:10

“ ‘Ebich Nuggishoo Doono Yeeri ishichiye: Bi neexo bi genjetoyich, bi cilloonoo gumee daggooch bi gedditoyich,

Daaneeli 11:12

Eboshin kochii bi wochitonaa dofee ginee naayinaꞌon bi wuxitonoyich, oogeton geecemmone. Tunebaani kochii wochoona manjiree beetaachemmone.

Daaneeli 11:36

“Ebi Sooriyee taatoo bi shunniton shuunemmone; nuggisheenaꞌoyee damba bi qelloon oogiyemmone; nuggisheenaꞌochi Nuggishoo toommooch naagee yibbaatoon yibbaatemmone. Yeeri gabito bulli tuno echeyaano bi tunetoyich, Yeerichi kaaree yemeeno tunemmi wottoon ebin tunii beeyemmone.

Daaneeli 11:37

Ebi taatoo bi qaabbechinaꞌo goyinneebee echeti nuggisheenaꞌonaa genneenaꞌo shunniibeeti nuggisheenaꞌonon qallayemmone. Bi qelloon eboshi bulliyee beshoon tuniiꞌi bi ciinnii beetoyich, nuggisheenaꞌo bullin qallayemmone.

Imbaaqoomi 2:4

Ne kooremmo ebiniye: ‘Gonde asheenaꞌo yagaachemminaꞌone; tunebaani cadiqeenaꞌo, ta toommooch mulloon boonoshi tooꞌitoyich, kashoona beeyemminaꞌone’ ii beetoniye” iye.

Sofoniyaasi 2:15

Are katemee asheenaꞌo geecechinaꞌo boonoshi tunetoyich, “No achooch amolla shagaachemmone” ii beetinaꞌone. Boonoshiyoo “Showee toommooch aricheti katemoo, no katemoo baachiye” iꞌi gabii beetinaꞌone. Tunebaani are katemoo happaa aallemmone; kubbi coochi beeyi xaaꞌoo tunemmone. Aroona beshemmi asheenaꞌo bulli boonoshi qelloon qeeqqerebee coonemminaꞌone.

Zakaariyaasi 9:2

Ebi nalloo Hadiraaki danooch beeti Hamaati katemee toommooch, wotta ariyechi asheenaꞌochi katemeenaꞌo tuneti Xiroosinaa Sidooninochi toommoochoo kindemmone.

Luqaasi 14:9

Ittoshi guttin ataallito are kexooch giyiꞌi, ‘Ebi oogee xaaꞌoon hini uroyich gawukkibe’ bi getigaata, arooba yeellebee tiyi desh qach kotemmo neene.

Yibbaatoo 8:14

ne mullo geecaa, Gibitsee showeexi guuchittinoochee neen kichii deebiti ne Nuggishoo Doono Yeerin ne batteyaachemmoyich ne qelloon ariibe!

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

1 Ximootiyoosi 3:6

Biyoo geeciree daabiloosi toommooch nalleetoommi nalloo bi toommooch bi nalleyaachemmoyich, kashaani kittinnoo tunaaye.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

Yaaꞌoo 17:3

Yeerichi Ayaanee giidoo ta toommooch tunetaa, are maraakoo barahooch taan daammiye; Yeerin naaggiibeeti shigoona ceenniti ceelle cooxon yebbaꞌa beeti ikke ureen beeggeho; ebi cooxo shabaatte qellechonaa aashire qarechonane.

Yaaꞌoo 18:7

Bi qelloon bi oogiitoommonaa mashaamiti beemon bi beetoommonon xuuxoonaa muushenoonon bi toommooch shakkiibote. Bi mulloona ‘Taatee tunaꞌa qeenooch koteti taane; xuumee toonee taane; ciroona muusheneyaache’ itine.