Hiziqeeli 28:17 - Kafa Linguistics Project

¹⁷ Mallet gaawoo ne tunoona ne mullo geecitone; ne oogoyicha iyaꞌa ne ariyoon eeꞌiihine. Ebich showooch neen duppehoye; neenna boonoshi cuuqqemmoyich taateenaꞌo aafooch neen duppehoye.

Hiziqeeli 28:17 ပူးပေါင်းရင်းမြစ်များ

Shoddo 147:6

Boonoshi qelloon giishiitinaꞌon Doono Yeeri damba tiijjiye; tunebaani gondeenaꞌon showooch dichiye.

Shoddo 73:18

Boonoshin giinniibeeti xaaꞌooch kotiihine; dihi boonoshi aallemmoyich tuniihine.

Shaahiyoo 11:2

Geecoo waagaata, cooneyoo woyemmone; tunebaani boonoshi qelloon giishii beetinaꞌo waan shalligoo beetone.

Shaahiyoo 16:18

Geecoo aallooch bechiye; bi qelloon yeephoo dihooch yaabiye.

Isiyaasi 25:12

Moꞌabichi mishigeenaꞌon genje bi uxeroona tookki happemmone; tiishiree buttoon tuniyemmone.

Isiyaasi 26:5

Geecechinaꞌon giishiyemmone; coonniti katemoon cooniyemmone; happiree, buttoon tuniyemmone;

Erimiyaasi 8:9

Ariyechinaꞌo Doono Yeeri ta qaaroon qajjitinaꞌone; illa amee ariyoo boonoshich beete? Ebich boonoshiyoo yeelle keqqemminaꞌone; kecaanoo hammemminaꞌone.

Hiziqeeli 16:41

Ne kexinaꞌon qaaqqoona michemminaꞌone; meeti maacheenaꞌo aafoochaa ne toommooch nallemminaꞌone; yahoon ne neechemmoyich tuniyemmo taane; ebiyee bekk ne shunechinaꞌoyich gatiyoon qocaachemmi neene.

Hiziqeeli 19:12

Tunebaani ebi woyino kaaroona waachehe; showoochoo duppehe. Aabi-keyo waani yongoona shuuqqiye; bi aafoo shekirehe; kupphe bi ateenaꞌoo shuuqqiyeete; qaaqqoo boonoshin maahe.

Hiziqeeli 23:48

“Ebi gutte maneenaꞌochoommon maacheenaꞌo bulli qocoo gondeyaachemmonaa cuuqqemmonoyich qocee gondoon showee toommoochee aalliyemmo taane.

Hiziqeeli 26:16

Baharee gasheexi taateenaꞌo boonoshi taatee qeenoochee kindemminaꞌone; toommeexi boonoshi tahoonoo shoottemminaꞌone; shashechi boonoshi tahoon kichemminaꞌone; boonoshi qellich keqqoon taheree showooch kotemminaꞌone; kuxaanoon qewebee ne toommooch shaggitona geewemminaꞌone.

Hiziqeeli 27:3

Baharee gashooch beeti meeti asheenaꞌona tookkii giixeebeeti, baharee gimooch koteti Xiroosich, Nuggishoo Doono Yeeri ishichiye, gete: ‘Xiroose, “Oogeti malletechi taane” iti neene.

Hiziqeeli 27:4

Ne daaro baharee daggoochiye; neen shuunetinaꞌo neen malletiiꞌi shuunetinaꞌone.

Hiziqeeli 28:15

Ne halleetoochee tiijjiꞌi gondo ne waanee danemmooch beddaahaa ne shaaddoona xalloo neene.

Hiziqeeli 28:2

“Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Hiziqeeli 28:5

Giixoona oogeti ariyecho ne tunetoyich, woddii gaanneto neene; ne gaannee naboona ne mullo geecitone.

Hiziqeeli 28:7

ebiyoche aagetee asheenaꞌoochee oogeti maacmanje etteenaꞌon ne toommooch deebemmo taane; boonoshiyoo ne toommooch goraadoon kaaci gaawe ne ariyoon aalliyemminaꞌone; ne oogoonoo giishiyemminaꞌone.

Hiziqeeli 31:10

“ ‘Ebich Nuggishoo Doono Yeeri ishichiye: Bi neexo bi genjetoyich, bi cilloonoo gumee daggooch bi gedditoyich,

Hiziqeeli 32:10

Meeti asheenaꞌo ne toommooch tuneton beegiree keqqemmoyich tuniyemmo taane; boonoshi aafoochaa ta goraadoon ta tiikkiihooba, boonoshi taateenaꞌo ne naboona shati qewemminaꞌone; ne dihiyooba bi ikkikkoona bi kashoyich shati qewemmone.

Daaneeli 11:12

Eboshin kochii bi wochitonaa dofee ginee naayinaꞌon bi wuxitonoyich, oogeton geecemmone. Tunebaani kochii wochoona manjiree beetaachemmone.

Luqaasi 14:11

Illa bi qelloon oogiibeeto bulli giishemmone; bi qelloon giishiibeeto wotta oogemmone” iye.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.