Hiziqeeli 28:16 - Kafa Linguistics Project

¹⁶ Ne giixee woddoochee tiyitona xuꞌoona ceennehine; axaaxoonoo shuunehine. Ebich eeꞌe mooyochoommon Yeeri ta guudoochee neen yookkehoye; quyechi kiruuboocho, qaaqqee aaxxoommon aaxxeebeeti aaxxe xaqqeenaꞌochi daggoochee neen duppehoye.

Hiziqeeli 28:16 ပူးပေါင်းရင်းမြစ်များ

Halloo 3:24

Ashoonoo kichii yookkiye; kashee mixo waan daammiibeeti gommon quyemmi kiruubeenaꞌonaa qaaqqee booddoon taheti, haabuubo guuddiibeeti goraadoonon, Eden beeti mixinaꞌoochaa aabi-keyo waan kotiihe.

Halloo 6:11

Tunebaani showee toommooch beeti asheenaꞌo bulli Yeeri aafooch duubeheete; showoo xuꞌoona ceenniye.

Isiyaasi 22:19

Ne iraashittinoochee neen yookkemmo taane; ne oogoochee kindemmo neene.

Isiyaasi 23:9

Oogoo taane ii geecoon aalliyoyich, showee toommooch beeti, qelloon yeepphii beetinaꞌon giishiyoyich, ebin gabito Beshe Mawe Doono Yeerine.

Hiziqeeli 28:14

Quyechi kiruubo tunaꞌa huutteeto neene; Doono Yeeri ta yaafe guudooch neen kotiihoye; qaaqqee aaxxoommon aaxxeebeeti aaxxe xaqqeenaꞌochi daggoona shaꞌehine.

Hiziqeeli 8:17

Biyoo taach ishichiye: “Ashi bushoocho, ebin beeggaa beetine? Hiniichaa boonoshi tuniibeeti ebi eeꞌe mooyon tuniyoo Yihudee macceenaꞌoyich ebi kette mooyona? Showoon xuꞌoona ceechoona daakkiꞌi taan ippii beetinaꞌone; ebiyoche boonoshi naagoona taan ippiyoyich boonoshi tuniibeeti mooyo bullin beege.

Hosee'i 12:7

Doono Yeeri ishichiye: “Israꞌeeleenaꞌo koote machoona qocciibeeti Kanaanee asheenaꞌon shaahitinaꞌone. Tuushiyoonoo shunniyeete.

Amootsi 3:9

Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!

Abidiyi 1:3

Ne geecoo neen dawushitone. Ne inde katemoo manje xaqqoona uxereetone; ne beeyi xaaꞌoo guudi cullullooch shuuneetone; ebich newoo ne mulloona ‘Hiniichee taan geechi kindiyemmo konine?’ ii gabiibeeto neene.

Mikiyaasi 2:10

Hini, ittoshi kashemmi xaaꞌoo toonoone; hiniichee tiyi hambote. Ittoshi axaaxoo hini xaaꞌoon bi eeꞌitoyich, hini xaaꞌoo aallemmone.

Mikiyaasi 2:2

Ashi budon boonoshi qaatigaata, boggii deqqiyeete; ashi kexon boonoshi qaawigaata, boonoshicho tuniiheete. Ashi yaaphoon, bi kechi asheenaꞌonoo boggii daammiyeete.

Mikiyaasi 6:12

Ittoshi daggooch beeti gaannechinaꞌo girechinaꞌon xuqqii beetinaꞌone; ittoshi bulliyona kootee kexo ittoshine.

Imbaaqoomi 2:17

Libanoosi mixon qeccee ittoshi aalliyoommon qeccetaa aallemmo ittoshine. Arooch beeti cooxinaꞌon wuxii ittoshi aalliitoyich keqqemmo ittoshine. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Imbaaqoomi 2:8

Meeti aageteenaꞌo gijjoon ittoshi boggitoyich, boonoshi daggoochee curo tuneꞌi echetinaꞌo ittoshi gijjoon boggemminaꞌone. Ebiyoo meeti ashi damoon ittoshi ukkitoyich, wotta maaco manjiꞌi showee toommonaa katemoonooch beeti asheenaꞌo toommooch ittoshi tuniiti mooyoyichiye.

Sofoniyaasi 1:9

Ebi arooba, yaafee kechi kelletoochaa caphee beetinaꞌon, ashoon wuxoonaa bogona daneebeeti mooyona boonoshi doono kexon ceechii beetinaꞌonoo naxemmo taane” itone.

Yowannisi 2:16

Uggoon kemmii beetinaꞌon “Ittoshi uggoon hiniichee kichibote! Ta Nihoo kexon giixee kexon tuniyaahote!” iye.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.