Hiziqeeli 28:14 - Kafa Linguistics Project

¹⁴ Quyechi kiruubo tunaꞌa huutteeto neene; Doono Yeeri ta yaafe guudooch neen kotiihoye; qaaqqee aaxxoommon aaxxeebeeti aaxxe xaqqeenaꞌochi daggoona shaꞌehine.

Hiziqeeli 28:14 ပူးပေါင်းရင်းမြစ်များ

Keyo 30:26

Aroochee danee duukkaanoon, miixee taabootoon,

Keyo 40:9

“Aree hillooch huutee zayitoon daamiree, yaafee duukkaanoonaa bi daggooch beeti qiico bullinon huuti yaafibe. Yaafeetonoo tunemmone.

Keyo 9:16

tunebaani kashoona ne beeyemmoyich ta tuniito, ta giidoon neech ta bekkiyemmonaa ta shigo showee toommo bulliich bi arichemmonoyichiye.

Isiyaasi 10:15

Qofiyo, biinna qecceebeeti ashi toommooch geecii beete? Magaazo, biinna maacciibeeto toommooch ciixee beete? Ebin tuniyoo, gumbo biin gumbee beeton yeshi shuurikkiya, yaaboo ashoon kaama tiijjiya qiiccoommone.

Isiyaasi 10:6

Boonoshi gaannoon bi boggemmoyich, kecoon hohi bi daammemmoyich, gommeexi dengoochoommon boonoshin bi neexxemmoyich, Yeerich qeyaani asheenaꞌo toommooch biin daachiito taane; ta kaaremmoyich tuniiti asheenaꞌo toommooch biin wocheto taane.

Shoosho 2:1

Doono Tsiyoonin bi kaaroona am shaahoon qubo shiixxoommon shiixxiye! Israꞌeelichi oogoon shimaayoochee showooch ceqqehe; Tsiyooni bi baatee neexi xaaꞌee bi tunoon bi kaaree aabooba gabaanoone.

Hiziqeeli 10:18

Doono Yeerichi oogee yiiroo yaafee kechi kelloochee tiyiꞌi, kiruubeenaꞌo tookk neexehe.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 28:13

Yeerichi bechee xaaꞌoo tuneti Eden beehine; aaxxe xaqqo bulli ne tahoone; saridiyoono, topphaziyoono, almaazo, beruullo, shohaamo, yasphiido, sapiiro, maarigido, wacciibeeti inqoo, aachoo eboshin tahaa beehine; ne halleehooba, eboshi neech qanniyeete.

Hiziqeeli 28:2

“Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Daaneeli 4:35

Showooch beeti asheenaꞌo bulli bi aafoochaa am bedaaneenaꞌone; shimaayooch beeti maraakeenaꞌo toommooch, showooch beeti asheenaꞌo toommoochoo bi shunnimmon tuniihe. Biin bajjemmo, woyee “Ebi ne tuniibeeto, amoone?” gettemmo aalloone.

Yowannisi 11:51

Ishin bi gettito, bi qelloona ariiꞌi toonoone; tunebaani aroobee natooba qeeshee guudo bi tunetoyich, Yesuusi Ayihudeenaꞌochi keroyich bi qitemmon keemmiye.

2 Tasaloonqi 2:4

Hini are hukkecho nuggisheenaꞌo getteetinaꞌo bulliyee, asheenaꞌo goyinneebeeti mooyo bulliyee bi qelloon besho tuniiree, boonoshin qeexxee kiin bechaachemmone. Yaafee kexooch giyi koteree, “Taane Yeeri” getooch beddaahaa beddemmone.

Yaaꞌoo 9:17

Ebiyoommon yaaꞌoona ta beeggeti haresheenaꞌonaa boonoshin yebbetinaꞌona getee ginee tahoommi tahechinaꞌone; are tahoochi shaahoo qaaqqoommi ceello, yaakintoommi shimaayito, waageroommi keelleshoone; haresheenaꞌochi qello daaheree qelloommone; boonoshi kookkoocheenoo qaaqqoo, cufoonaa waageroona kechiye.