Hiziqeeli 28:13 - Kafa Linguistics Project

¹³ Yeerichi bechee xaaꞌoo tuneti Eden beehine; aaxxe xaqqo bulli ne tahoone; saridiyoono, topphaziyoono, almaazo, beruullo, shohaamo, yasphiido, sapiiro, maarigido, wacciibeeti inqoo, aachoo eboshin tahaa beehine; ne halleehooba, eboshi neech qanniyeete.

Hiziqeeli 28:13 ပူးပေါင်းရင်းမြစ်များ

Halloo 13:10

Looxiyoo bi aafoon kaachiꞌi, Yoordaanoosi guudoona beeti naqqe showoo bulli aachechi xaaꞌoo bi tunoon beeggiye. Doono Yeeri Sodoominaa Gomoorinon bi aalliyoyee aaf, ebi xaaꞌoo Tsoꞌar beddaahaa, Doono Yeerichi bechee mixinaꞌo beeti xaaꞌoommo, Gibitsee showeexi Abbaayi aachi guudoona beeti naqqe showoommone.

Halloo 2:8

Nuggishoo Doono Yeeriyoo aabi-keyo waan, Eden, becheenaꞌon bechiye. Ciinoyich emirikkiibeeti, mamoyichoo shaawiibeeti becheenaꞌo bullin showoochee colliihe; wotta ebi becheenaꞌo daggooch bi aafo maataa kashoon immaabeeti mixinaa ashich gondoonaa deꞌoonon arichiibeeti mixinon colliihe. Doono Yeeriyoo bi hachiti ashoon arooch kotiihe.

Iyoobi 28:19

Topphiyee topphaziyoono biinna tateyaache; xalle aachoo biinna tacheyaache.

Isiyaasi 14:11

Ne oogoonaa ne ximbee qaaroona maash kinditone; ne qeyi beeroo pilo, ne tahoo hipperoo tunemmone’ getteminaꞌone.

Isiyaasi 23:16

“Batteeti yahechi ureene, ne ximboon yeshe; katemee daggoona guude. Ne shalligeyemmoyich, ne qaaroon gaawichi shoddebe; woddiireeshoo shoddebe” ii beetone.

Isiyaasi 24:8

Emiree kambo echetone; kashkuxe emiree cookoo neexetone; emirikkiibeeti ooge ximboo echetone.

Isiyaasi 30:32

Doono Yeeri Asooreenaꞌon bi yexximmi haddoona Doono Yeer asheenaꞌo kamboonaa ximboonochi qaaroon waayiiheete; biyoo koyechi bi mochoon tiijjiree boonoshin kochemmone.

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Hiziqeeli 21:30

“ ‘Goraadoon bi gonenooch wochibe! Ne halleeti xaaꞌoochaa, ne shiijjeti showoochaa ne toommooch nallemmo taane.

Hiziqeeli 26:13

Ne duubbi dulloon cicirikkaayemmo taane; ne ooge ximbee qaaro ebiyee bekk waayeyaachemmone.

Hiziqeeli 27:16

“ ‘Wodde qiico neech bi beetoyich, Sooriyee asheenaꞌo neenna tookkii giixee beeheete; ne qiiceenaꞌonoo maarigidoona, damere tahoona, bi toommooch shashiitaa shippeti qoreddoona, muttee tuppoochee shippeti qoreddoona, dooqoona, wottoo ceelle inqoona shaddii beeheete.

Hiziqeeli 27:22

“ ‘Sheebi giixechinaꞌonaa Raꞌiimi giixechinaꞌona neenna tookkii giixee beetinaꞌone; gaawe qimaamo bullin, aaxxe xaqqo bullinaa aachoonon neenna tookkii giixee beeheete.

Hiziqeeli 28:14

Quyechi kiruubo tunaꞌa huutteeto neene; Doono Yeeri ta yaafe guudooch neen kotiihoye; qaaqqee aaxxoommon aaxxeebeeti aaxxe xaqqeenaꞌochi daggoona shaꞌehine.

Hiziqeeli 28:15

Ne halleetoochee tiijjiꞌi gondo ne waanee danemmooch beddaahaa ne shaaddoona xalloo neene.

Hiziqeeli 36:35

Asheenaꞌoo ‘Shokkoon echeti showoo Eden bechee xaaꞌoommon tunetone; happeeti, shokkoon echeti, aalleti katemeenaꞌo mishigechi beeyi xaaꞌoon tunetinaꞌone’ gettemminaꞌone.

Yoꞌeeli 2:3

Boonoshi aaf beeton qaaqqoo maahe; boonoshi gubb beetonoo qaaqqoo michiye. Showoo boonoshi aafaa Edeni beeti bechee mixoommone; tunebaani boonoshi gubbaa amolla aalli barahoon tunehe. Boonoshiyee muriccemmi amee mooyolla aalloone.

Yaaꞌoo 17:4

Damere tahoonaa maddoonon tahee, aachoonaa aaxxe xaqqeenaꞌona, inqeenaꞌonoo shashitine; bi kishoonoo ciigiiti mooyonaa shunee bi mami eeꞌoona ceenniti aachee xoofoon yechetine.

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.