Hiziqeeli 28:12 - Kafa Linguistics Project

¹² “Ashi bushoocho, Xiroosi taatoyich shooshebe: Nuggishoo Doono Yeeri ta gettaa beeton ishichi biich gete: ‘Ariyoona ceenneto, malleteechi gaawe shaahiyoo neene.

Hiziqeeli 28:12 ပူးပေါင်းရင်းမြစ်များ

Halloo 3:5

Yeeri bi ishichito, aroochee ittoshi maahooba, biin shaahemmo ittoshi tunoon, ittoshi aafo qecheetaa, gondoonaa deꞌoonon ariyemmo ittoshi tunoonoo bi arii beetoyichiye” iye.

2 Kiinoo 35:25

Erimiyaasiyoo Yosiyaasich shooshehe. Shoosheebeeti anaaminaꞌo bullinaa maacheenaꞌo bullina hanaach beddaahaa ebi shooshoon shoosheebee Yosiyaasin shalligii beetinaꞌone. Ebiyoo Israꞌeeleenaꞌoyich doyoo tuneꞌi, Shooshee macaafooch kooreetone.

Shaahiyoo 21:30

Asho bi shalligoona, bi gaboona, bi ariyoonoo, Doono Yeeri toommooch timon hakkaache.

Isiyaasi 10:13

Asooree taatoo ishichitone: “Ebin ta tuniito, gabecho ta tunetoyich, ta mochee kupphoonaa ta shalligoonane; aageteenaꞌo daggooch beeti showee daaroon happiyoye; boonoshi gaannoonoo boggoye; taateenaꞌon gattoo koyoommon kochaꞌa giishiihoye.

Isiyaasi 14:4

Baabloonee taatoo toommooch ishichibee coonemmo neene: “Neexxii hajjito aabichiꞌi kashehe! Ebiyee gubb koninolla hajjaachemmone.

Erimiyaasi 9:23

Doono Yeeri ishichiye: “Ariyecho bi ariyoona yebenaaye; hakkecho bi hakkoona yebenaaye; gaannecho bi gaannoona yebenaaye;

Hiziqeeli 19:1

Doono Yeeri Israꞌeelee iraasheenaꞌoyich ishichi hichoon ta caaggemmoyich gettiye:

Hiziqeeli 19:14

Bi giindoochee qaaqqoo kechiye; bi qaakkoonaa bi aafoonon maahe; ebich arooch kupphe ato aallehe; taatee gumbo aroochee dano qajjiye” iye. Ebi eefooba wochi wochaa caaggeyemmi hichoone.

Hiziqeeli 26:17

Ishichiree ne toommooch shooshemminaꞌone: “Baharee toommooch giidechi, ne asheenaꞌona ne guudoona beetinaꞌo bullin shatiibeeti, aricheti katemeene, aabichaꞌa baharoochee aallenne!

Hiziqeeli 27:32

Neech ayini eefibee, ishichi neech shooshemminaꞌone: “Baharee daggooch aallee echeti, Xiroosiyoommo koni beete?” gettemminaꞌone.

Hiziqeeli 28:11

Doono Yeeri daakkiꞌi taach ishichiye:

Hiziqeeli 28:15

Ne halleetoochee tiijjiꞌi gondo ne waanee danemmooch beddaahaa ne shaaddoona xalloo neene.

Hiziqeeli 32:16

“Boonoshi shooshemmi shoosho ebine; aagetee maache bushiisheenaꞌo shooshemminaꞌone; Gibitsinaa dofee bi asheenaꞌonoyich shooshemminaꞌone, iye Nuggishoo Doono Yeeri” iye.

Hiziqeeli 32:2

“Ashi bushoocho, Gibitsee taatoo Faroonich shooshebe; biichoo ishichibe: ‘Aageteenaꞌo daggooch neen daaheroo tuniiꞌa ciinnehine; tunebaani baharooch beeti, shattiibeeti cooxoommo neene; aaconoo ne baatoona kobecaꞌa qudiito neene.

Hiziqeeli 43:10

Aroochee Doono Yeeri taach daakkiꞌi ishichiye: “Ashi bushoocho, boonoshi axaaxoona boonoshi yeellemmoyich, Israꞌeelee asheenaꞌoyich yaafee kexon, bi malletoonaa bi shuunee yamoonon bekkiibe.

Zakaariyaasi 9:2

Ebi nalloo Hadiraaki danooch beeti Hamaati katemee toommooch, wotta ariyechi asheenaꞌochi katemeenaꞌo tuneti Xiroosinaa Sidooninochi toommoochoo kindemmone.

Luqaasi 2:40

Aroochaa gaggeroo dicciye; ariyoo ceenniti mullecho tuneꞌi kupphehe; Yeerichi wojjoo bi toommooch beehe.

Mishiraachechinaꞌo 6:3

Ebich no maneenaꞌote, ittoshi daggoochee shabaatte asheenaꞌon kaacote. Ebi ittoshi kaaccemmi asheenaꞌo ‘Yaafe Ayaanoonaa shalligoona ceenniti asheenaꞌone’ getaa miixeetinaꞌo tunebeete; hini shuunoyich boonoshin ukkiriibone.

Roomi 15:28

Illa ebi boonoshi immiti wojjoon daami shakkii imiichi ebin ta ceechitoyee gubb, ittoshi waanina besheree Isipaanee showooch hammemmo taane.

1 Qorontoosi 3:19

Hini alemeexi asho shalligoone iꞌi bi gabiibeeti mooyo Yeeri aafoochaa tuushittinoone. Ebiyoo “Yeeri shalligechinaꞌo getteetinaꞌon boonoshi acona boonoshin yechii beetone” getaa bi kooreetoommoniye.

2 Qorontoosi 1:22

Wotta biicho no tunee xiishee malletoon no toommooch geddito, gubb nooch bi immemmi wojjoonoo bekkiibeeti Yaafe Ayaanoon yechiyoo tuniiꞌi no mullooch kotiitoo, biine.

Qolaasiyaasi 1:9

Ebich no wotta ishin no waayeti aaboochee tiijjaꞌa, Yeeri bi Ayaanoochee daneebeeti ariyoonaa shalligoo bullinon ittoshich ceenoona imiree bi daaggoon ittoshich bi arichiyemmoyich, qollaabee ittoshich corootoon kuxaano noone.

Qolaasiyaasi 2:3

Shalligee gaannoonaa ariyee gaannoona bulli aacheeꞌi bi beeto bi waaniye.