Hiziqeeli 27:26 - Kafa Linguistics Project

²⁶ Ne markaboon gasheebeetinaꞌo ooge baharooch neen deebiyeete; aabi-keyo waani yongo neen baharee daggooch tiichiye.

Hiziqeeli 27:26 ပူးပေါင်းရင်းမြစ်များ

Shoddo 48:7

Aabi-keyo waanee yongoona Tarisheshi markabo tiishoommon, boonoshin tiichehine.

Shoddo 48:8

Beshe Mawe Doono Yeerichi katemeechaa no Nuggishoochi katemeechaa, Yeeri tuniiton, no waayetoommon beeggehone; Yeeri are katemeen bulli yemeenoon manjiyemmone.

Isiyaasi 23:14

Tarisheshi markabeenaꞌote, ittoshi mishigo happaa aalletoyich woowo, geti eefebote.

Isiyaasi 33:23

No etteenaꞌochi markabee wodereenaꞌo muriccitinaꞌone; giimbeenaꞌoo manjaaneenaꞌone; toommooch beeti sharo yaggeyaanoone. Boonoshi gaanno bullin boggemmo noone; baata sheqqooch beddaahaa hohi daammemmone.

Erimiyaasi 18:17

Boonoshi etteenaꞌo aafooch, aabi-keyo waanee yongoochoommon, boonoshin shaccemmo taane; aallo boonoshi toommooch shaggimmi aabooba ta gubboonalli ta aafoon boonoshich bekkiyaachemmo taane” iye.

Hiziqeeli 26:19

“Nuggishoo Doono Yeeri ishichiye: ‘Ashaalli shokkaache katemoommon neen ta tuniihooba, ooge aacon ne toommooch ta deebiyooboo aaco neen guuppemmone.

Hiziqeeli 27:27

Ne gaanno, ne qiico, ne giixo, ne markabechinaꞌo, markabee maddechinaꞌo, markaboon shuunechinaꞌo, ne giixechinaꞌo, ne daggooch beeti ne ginee naayinaꞌo bulli, ne daggooch beeti ne asheenaꞌo bulli, ne aallehooba, baharee daggooch qoochemminaꞌone.

Hiziqeeli 27:34

Tunebaani and baharee daggooch tiisheti neene; baharee daggooch qoocheti neene; ne giixee qiicoonaa ne asheenaꞌona, neenna tookkii qoochetinaꞌone.

Hiziqeeli 28:8

Neen maash daachiyemminaꞌone; baharee daggooch gonde qitoon qitemmo neene.

Mishiraachechinaꞌo 27:14

Tunetaa woddii boonoshi hamaan beetaa, aabi-kechaa dambi-waani qatoochee tiyiti giidechi yongo boonoshi toommooch kindiye.

Mishiraachechinaꞌo 27:41

Tunebaani markabo gutte bahareenaꞌo daneebeeti xaaꞌooch beeti qacee gutoona qiceeꞌi aafaa yechee shuuraache iye. Wotta giidechi aayo xuqqimmona gubbaa tiishehe.

Yaaꞌoo 17:15

Aree hillooch maraakoo taach ishichiye: “Yahechi ure boonoshi toommooch kotaꞌa bi beetaa ne beeggeti aacinaꞌo, ashi yoodi yoodeenaꞌonaa dofee asheenaꞌona, aageteenaꞌonaa baribare noonoona yibbaateebeeti asheenaꞌonochi shaahiyeenaꞌone.