Hiziqeeli 27:22 - Kafa Linguistics Project

²² “ ‘Sheebi giixechinaꞌonaa Raꞌiimi giixechinaꞌona neenna tookkii giixee beetinaꞌone; gaawe qimaamo bullin, aaxxe xaqqo bullinaa aachoonon neenna tookkii giixee beeheete.

Hiziqeeli 27:22 ပူးပေါင်းရင်းမြစ်များ

Halloo 10:7

Kushi bushiishoo: Seebi, Hawili, Sabiti, Raꞌiiminaa Sabitekinane. Raꞌiimi bushiishoo: Sheebinaa Dedaaninane.

Halloo 43:11

Arooba boonoshi nihoo Israꞌeeli boonoshich ishichiye: “Mooyo ebi tunegaata, ebin tuniibote; hini showooch daneebeeti, beshe gaawe mooyoochee giisheche huuteebeeti attoon, giisheche eeyon, shittoon, hareboonaa hini showooch daneebeeti michi aafoonoochee ittoshi mollexxooch gedote. Mattaayoon tuniiree are uroyich daami imbote.

1 Kiinoo 1:9

Kushichi anaami bushiisheenaꞌo: Seebi, Hawili, Sabiti, Raꞌiiminaa Sabitekinane. Raꞌiimichi anaami bushiisheenaꞌo: Sheebinaa Dedaaninane.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Shoddo 72:15

Taatoo meeti yemeenoon beebe; Sheebee aachoo biich ichebe. Bulli aaboon corooto biich corooteebe; heeyo bullin Yeerichi diiroo biich tunebe.

Isiyaasi 60:6

Miidiyaminaa Efaahinoochee waati, bushe dofee gaaleenaꞌo ne showooch ceennemminaꞌone; bulliyona Sheebee woyemminaꞌone; aachoonaa ixaanoonon deebemminaꞌone; Doono Yeerichi galletoon awaajjemminaꞌone.

Hiziqeeli 23:42

“Buraaqiibeeti asheenaꞌochi qaaro boonoshi guudoona beetone; barahoochee waati mashechinaꞌo boonoshina tookkii beetinaꞌone; ebi mashechinaꞌo boonoshi kishooch shagaamoon, boonoshi qelloochoo gaawe gubbichoon geddiyeete.

Hiziqeeli 28:13

Yeerichi bechee xaaꞌoo tuneti Eden beehine; aaxxe xaqqo bulli ne tahoone; saridiyoono, topphaziyoono, almaazo, beruullo, shohaamo, yasphiido, sapiiro, maarigido, wacciibeeti inqoo, aachoo eboshin tahaa beehine; ne halleehooba, eboshi neech qanniyeete.

Hiziqeeli 38:13

Sheebinaa Dedaanina, Tarisheshee giixechinaꞌonaa bi gafeenaꞌo bullina neech ishichemminaꞌone: “Kecoon daamma waanne? Bogoon ne boggemmoyich, birewoonaa aachoonon daamoyich, gaare gijjoonaa qiicoonon wodde kecoon daamoyich, meeti ne asheenaꞌon kicinne?” gettemminaꞌone, itone’ gete.