2 “Ashi bushoocho, Xiroosich shooshebe.
Ebich Nuggishoo Doono Yeeri ishichiye: Ebiyoche ta kaaroonaa ta neboona hini xaaꞌooch, ashoonaa kubbeexi cooxonochi toommooch, mixinaꞌonaa showee toommeexi maayi aafeenaꞌonochi toommooch wonemmone; aaxxemmone; tahishoo getaachemmone” iye.
Guudinaꞌoyich eeppemmo taane; baraheexi gaddeenaꞌoyichoo shooshemmo taane; aroona asho besheyaani shokkaachoo tunetinaꞌone; miinji qaadoo waayeyaanoone; cooxinaꞌonaa shimaajji kafeenaꞌona goojjii hammitinaꞌone.
boonoshinaa boonoshi qaabbechinaꞌona ariyaani aageteenaꞌo daggooch boonoshin shaccemmo taane; boonoshin ta aalliimmi wottoon boonoshi hillooch goraadoon daachiyemmo taane” iye.
Doono Yeeri Israꞌeelee iraasheenaꞌoyich ishichi hichoon ta caaggemmoyich gettiye:
Ishichiree ne toommooch shooshemminaꞌone: “Baharee toommooch giidechi, ne asheenaꞌona ne guudoona beetinaꞌo bullin shatiibeeti, aricheti katemeene, aabichaꞌa baharoochee aallenne!
Doono Yeeri taach ishichiye:
Neech ayini eefibee, ishichi neech shooshemminaꞌone: “Baharee daggooch aallee echeti, Xiroosiyoommo koni beete?” gettemminaꞌone.
“Ashi bushoocho, Xiroosi taatoyich shooshebe: Nuggishoo Doono Yeeri ta gettaa beeton ishichi biich gete: ‘Ariyoona ceenneto, malleteechi gaawe shaahiyoo neene.
“Ashi bushoocho, Gibitsee taatoo Faroonich shooshebe; biichoo ishichibe: ‘Aageteenaꞌo daggooch neen daaheroo tuniiꞌa ciinnehine; tunebaani baharooch beeti, shattiibeeti cooxoommo neene; aaconoo ne baatoona kobecaꞌa qudiito neene.
Israꞌeeleenaꞌote, ittoshi toommooch ta caaggaabeeti hichoon waayebote!
Illa ebich Beshe Mawe Nuggishoo Doono Yeeri ishichiye: “Addibaaboo bulliichaa eefo eeppeyemmone; gommi gashoochaa asheenaꞌo ‘Woowo!’ getibee eeppemminaꞌone. Gochechinaꞌoo eefooch ceegaa woyemminaꞌone; hichee caaggechinaꞌona tookki eeppemminaꞌone.