Hiziqeeli 27:13 - Kafa Linguistics Project

¹³ “ ‘Yawaanee, Tubaalinaa Mesheekinoochee waatinaꞌo neenna tookkii giixee beeheete; guuninaꞌonaa gooshee qiiceenaꞌonon bare qiicoona neech shaddii beeheete.

Hiziqeeli 27:13 ပူးပေါင်းရင်းမြစ်များ

Halloo 10:2

Yafeeti bushiishoo: Gomeeri, Magoogi, Madaayi, Yawaani, Tubaali, Mesheekinaa Tiraasinane.

Halloo 10:4

Yawaani bushiishoo: Elishi, Tarisheshi, Kitiiminaa Rodaniiminane.

1 Kiinoo 1:5

Yafeetichi anaami bushiisheenaꞌo: Gomeeri, Magoogi, Madaayi, Yawaani, Tubaali, Mesheekinaa Tiraasinane.

1 Kiinoo 1:7

Yawaanichi anaami bushiisheenaꞌo: Elishi, Tarisheshi, Kitiiminaa Rodaniiminane.

Shoddo 120:5

Mesheek ta beetoyich, Qedaari duukkaanee daggooch ta kotetoyich, taach woowo!

Isiyaasi 66:19

boonoshi daggooch malletoon geddemmo taane; boonoshi daggoochee muriccitinaꞌon, ta mooyon waayeyaani, ta oogoon beegaani, aageteenaꞌo waan, Tarishesh, Fuux, shangoon awureebeeti Luudi asheenaꞌo waan, Tubaal, Yawaan, wohooch beeti buure showoochoo daachiyemmo taane; boonoshiyoo aageteenaꞌo daggooch ta oogoon awaajjemminaꞌone.

Hiziqeeli 27:12

“ ‘Ne gaannee woddoochee tiyitona, Tarisheshee asheenaꞌo neenna tookkii giixee beeheete; birewoonaa xuuroonon, shombeqoonaa budoonon deebii bare qiicoona shaddii beeheete.

Hiziqeeli 27:19

“ ‘Wedaanee asheenaꞌonaa Yawaanee asheenaꞌona Uzaalee waaꞌi neenna tookkii giixee beeheete; ukkaa shuuneeti xuuroon, gaawe cinnechi michi goroon, qimaamoon qiicoona shaddii beeheete.

Hiziqeeli 32:26

“Mesheekee showoonaa Tubaalee showoona arooch beetone; dofee boonoshi asheenaꞌochi maasho boonoshi guudoona beetone; bulliyona dokireyaaneenaꞌo, goraadoonoo qititinaꞌone; ebiyoo kashechinaꞌochi showoochaa keqqichiibee boonoshi echetoyichiye.

Hiziqeeli 39:1

“Andoo ashi bushoocho, Googi toommooch keemoon ishichi keembe: ‘Nuggishoo Doono Yeeri ishichiye: Mesheekinaa Tubaalinochi iraashoo tuneti Googo, ta ne toommooch tiyeto taane.

Daaneeli 10:20

Biyoo ishichiye: “Ne waan aakkiya ta waato gaata arii beetine? Ebiyoo Iberee Macaafooch kooreeton neech bekkiyoyichiye. And wotta hamiree Faariisee showoon quyeebeeti maraakoona tookki koyemmo taane. Aroyee gubb, Giriikee showoon quyeebeeti maraakoo woyemmone. Eboshina tookkii ta koyee beetaa, taan gaacheebeeto, ittoshin quyeebeeti maraakoo Mikaꞌeeliyee damba baroo koniyoona aalloone.

Daaneeli 11:2

Andoo neech ta arichiyemmo iberoone. “Bare keejje taateenaꞌo Faariisee showooch taatemminaꞌone. Awuddinnoo bareenaꞌo bulliyee beshoon gaannechon tunemmone. Gaannoochee tiyitona giidoon bi danetoyee gubb, bareenaꞌo bullin Giriikee taatee showee toommooch tiijjemmone.

Daaneeli 8:21

Emmisho bi bekkiibeeto, Giriikee taatoon tunehona, bi aafee gutte daggooch beeti ooge qaro bi bekkiibeeto, shiichi taatemmi taatooniye.

Yoꞌeeli 3:3

Ta asheenaꞌon qoodeyoyich ixoon duppiyeete; yahechinaꞌon qemoyich, anaami bushiisheenaꞌon immiyeete; woyinee uyoon uyoyichoo maache bushiisheenaꞌon kemmiyeete.

Yoꞌeeli 3:6

Yihudee showeexi asheenaꞌonaa Yerusaalemi asheenaꞌonon boonoshi showoochee wokkii daammiꞌi Giriikee asheenaꞌoyich kemmito ittoshine.

Yaaꞌoo 18:13

qarefoo, qimaamo, ixaano, cinnechi huuto, hareboo, woyinee uyo, zayito, qacini buddino, teepphoo, miimo, bago, hareshoo, gaari, guuninaꞌonaa ginoona kecceti asheenaꞌona, eboshine.