Hiziqeeli 27:12 - Kafa Linguistics Project

¹² “ ‘Ne gaannee woddoochee tiyitona, Tarisheshee asheenaꞌo neenna tookkii giixee beeheete; birewoonaa xuuroonon, shombeqoonaa budoonon deebii bare qiicoona shaddii beeheete.

Hiziqeeli 27:12 ပူးပေါင်းရင်းမြစ်များ

Halloo 10:4

Yawaani bushiishoo: Elishi, Tarisheshi, Kitiiminaa Rodaniiminane.

1 Taateenaꞌo 10:22

Taatoyich Kiraamichi markabeenaꞌona tookkii baharee toommona tegiibee Tarisheshee showooch hammiibeeti giixee markabeenaꞌo beetinaꞌone. Ebi markabeenaꞌoo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.

1 Taateenaꞌo 22:48

Yoshafaaxi aachoon deeboyich, Ofiir hammemmi, Tarisheshee markabeenaꞌon shuuniihe. Ebi markabeenaꞌo Etsiyoon Geberaa boonoshi tiishetoyich, hamaaneenaꞌone.

2 Kiinoo 9:21

Taatoyich Kiraamichi asheenaꞌona tookkii Tarisheshee showooch hammiibeeti markabeenaꞌo beetinaꞌone. Ebi markabeenaꞌo keejj keejje natooch ikke wottoon, aachoon, birewoon, dangeyi gashoon, shakkoonaa sheexxoonon deebii beeheete.

Shoddo 72:10

Tarisheshinaa buure showeenaꞌonochi taateenaꞌo biich gibiroon qoceete; Sheebinaa Arabinochi taateenaꞌo wojjoon deebeete.

Isiyaasi 2:16

Tarisheshi markabeenaꞌo bullinaa mallet gaawe aachi gooneenaꞌo bullinon bi aalliyemmi aabo beetone.

Isiyaasi 23:10

Tarisheshi asheenaꞌote, ittoshich bajjemmo aallo bi tunetoyich, Abbaayi aacochoommon ittoshi showooch tahee bullebote.

Isiyaasi 23:14

Tarisheshi markabeenaꞌote, ittoshi mishigo happaa aalletoyich woowo, geti eefebote.

Isiyaasi 23:6

Buure showooch beetinaꞌote, woowo geti eefote; Tarisheshoo kimbote.

Isiyaasi 60:9

Tarisheshinaa woheexi buure showee gashoonoochee tiyii ne asheenaꞌon deebiibeeti markabeenaꞌone. Aageteenaꞌo bulli bi asheenaꞌon oogiyemmoyich tuniiti, Israꞌeeleenaꞌochi Yaafoo tuneti Doono Yeerichi shigoon oogiya, birewoonaa aachoonon neech deebii beetinaꞌone.

Erimiyaasi 10:9

Qicceti birewoo Tarisheshee, aachoo Ufaazee waahe. Eboshiyoo shuunee ariyechonaa aachee ukkechonochi shuuneenaꞌone; boonoshi taho shimaayitoonaa dameroonane; bulliyona ariyechochi shuuneenaꞌone.

Hiziqeeli 27:11

Arwaadee asheenaꞌonaa Heleekee asheenaꞌona ne uxeree toommooch guudoona beetinaꞌone; Gamaadee asheenaꞌoo ne dilaalooch beetinaꞌone; boonoshi gaachoonoo ne xaqqee uxeree guudoona kaqqitonaꞌone; neenoo malletechi tuniitinaꞌone.

Hiziqeeli 27:13

“ ‘Yawaanee, Tubaalinaa Mesheekinoochee waatinaꞌo neenna tookkii giixee beeheete; guuninaꞌonaa gooshee qiiceenaꞌonon bare qiicoona neech shaddii beeheete.

Hiziqeeli 27:16

“ ‘Wodde qiico neech bi beetoyich, Sooriyee asheenaꞌo neenna tookkii giixee beeheete; ne qiiceenaꞌonoo maarigidoona, damere tahoona, bi toommooch shashiitaa shippeti qoreddoona, muttee tuppoochee shippeti qoreddoona, dooqoona, wottoo ceelle inqoona shaddii beeheete.

Hiziqeeli 27:18

“ ‘Ne gaannoonaa qiicee woddoonoochee tiyitona, Damaasiqee asheenaꞌo Heliboonee woyinoonaa Zahaaree bagee huushoonon deebona neenna tookkii giixee beeheete.

Hiziqeeli 27:33

Ne giixee qiico baharoochee bi waahooba, meeti asheenaꞌon michiiti neene; ne gaannoona wottoo ne giixee woddoona showee toommeexi taateenaꞌon gaanniiti neene.

Hiziqeeli 28:16

Ne giixee woddoochee tiyitona xuꞌoona ceennehine; axaaxoonoo shuunehine. Ebich eeꞌe mooyochoommon Yeeri ta guudoochee neen yookkehoye; quyechi kiruuboocho, qaaqqee aaxxoommon aaxxeebeeti aaxxe xaqqeenaꞌochi daggoochee neen duppehoye.

Hiziqeeli 28:5

Giixoona oogeti ariyecho ne tunetoyich, woddii gaanneto neene; ne gaannee naboona ne mullo geecitone.

Hiziqeeli 38:13

Sheebinaa Dedaanina, Tarisheshee giixechinaꞌonaa bi gafeenaꞌo bullina neech ishichemminaꞌone: “Kecoon daamma waanne? Bogoon ne boggemmoyich, birewoonaa aachoonon daamoyich, gaare gijjoonaa qiicoonon wodde kecoon daamoyich, meeti ne asheenaꞌon kicinne?” gettemminaꞌone, itone’ gete.

Yoonaasi 1:3

Tunebaani Yoonaasi Doono Yeeri aafoochee maxxeya iꞌi, Tarishesh hamma tiyiye. Markaboon qaawiꞌi, baharee gashooch beeti, Yoopphi katemooch hammiye. Tarishesh hammiibeeti markaboon danehe. Doono Yeeri aafoochee maxxeya iꞌi, markabechinaꞌona tookki Tarishesh hamma gijjoon qocciꞌi markabooch giyiye.

Yaaꞌoo 18:12

Boonoshi deebiibeeti qiiceenaꞌo, aachoo, birewoo, aaxxe xaqqeenaꞌo, inqeenaꞌo, muttee tuppoochee cicii yokketaa shippeti taho, damere taho, haaro getteebeeti nire qoreddoo, maddoo, cinnechi mixo bulli, dangichi gashoochee shuuneeti qiico bulli, oogeti aaxxe mixoochee shuuneeti qiico bulli, gooshoochee, xuuroochee, mallet gaawe xaqqoochee shuuneeti qiico bulli,