Hiziqeeli 26:17 - Kafa Linguistics Project

¹⁷ Ishichiree ne toommooch shooshemminaꞌone: “Baharee toommooch giidechi, ne asheenaꞌona ne guudoona beetinaꞌo bullin shatiibeeti, aricheti katemeene, aabichaꞌa baharoochee aallenne!

Hiziqeeli 26:17 ပူးပေါင်းရင်းမြစ်များ

2 Saameeli 1:19

“No iraasheenaꞌo Israꞌeelee geppeenaꞌoochaa koyaa qitiyeete; giidechi no ginee naayinaꞌo qitoo am shaahoon ayinikkitone!

Isiyaasi 14:12

“Haree xojjeno, gaargaaree bushoocho, aabichaꞌa shimaayoochee hollinne! Ebiyee aaf aageteenaꞌon cooniitocho, aabichaꞌa showooch duppenne!

Isiyaasi 23:4

Sidoone, baharee mishigeene, yeellebe. Baharo, “Maaxoo manjeyaano taane; bushoonoo shiyaano taane; anaami woyee maache bushiishoon dichaano taane” itone.

Isiyaasi 23:8

Gubbichoo ukiibeeti katemee toommooch, giixechi bi asheenaꞌo iraasheenaꞌonaa showee toommooch moogeetinaꞌona tuneti ebi Xiroosi toommooch, ebin tuniiya gabito konine?

Erimiyaasi 48:39

“Aabichii tiishehe! Aabichii eeppiye! Aabichii yeelleꞌi gubboon wochiye! Moꞌabi bi guudoona beeto bullina cooneetone; keqqooch tunetone” iye.

Erimiyaasi 50:23

Showoo bullin modooshoochoommon qicciibeeto aabichiꞌi buricehe! Baablooni aageteenaꞌo daggooch aabichiꞌi wuche getteehe!

Erimiyaasi 6:26

Ta asheenaꞌote, dookoon tahebote; tulloochoo gederebote; aalliyecho diqqoona ittoshi toommooch woyemmo bi tunetoyich, ikke mixxe bushoyich eeppeyoommon caame eefon eefote.

Erimiyaasi 7:29

“ ‘Doono Yeeri bi kaaroon boonoshi toommooch bi kinditi shiijjeroon bi duppitoyich, bi qajjitoyichoo, ittoshi qelloon cakkeree qelli eexon kaawi dufote; hulloo tuneti geppeenaꞌoochaa shooshe eefote’ gettemmo neene.

Erimiyaasi 9:20

Genneenaꞌote! Doono Yeerichi qaaroon waayebote! Ittoshi waamo bi noonoochee kechiibeeti qaaroon waayebe: Ittoshi maache bushiishoyich eefon, ittoshi xibeenaꞌoyich shooshoon dojjibote.

Shoosho 1:1

Asho ceenniti katemee, aabichaa shokko echahane! Aagetee daggooch oogee, aabichaa xuumee tunehane! Woraafee daggooch taatee, and aree gonnee tunehan.

Hiziqeeli 19:1

Doono Yeeri Israꞌeelee iraasheenaꞌoyich ishichi hichoon ta caaggemmoyich gettiye:

Hiziqeeli 19:14

Bi giindoochee qaaqqoo kechiye; bi qaakkoonaa bi aafoonon maahe; ebich arooch kupphe ato aallehe; taatee gumbo aroochee dano qajjiye” iye. Ebi eefooba wochi wochaa caaggeyemmi hichoone.

Hiziqeeli 32:16

“Boonoshi shooshemmi shoosho ebine; aagetee maache bushiisheenaꞌo shooshemminaꞌone; Gibitsinaa dofee bi asheenaꞌonoyich shooshemminaꞌone, iye Nuggishoo Doono Yeeri” iye.

Hiziqeeli 32:2

“Ashi bushoocho, Gibitsee taatoo Faroonich shooshebe; biichoo ishichibe: ‘Aageteenaꞌo daggooch neen daaheroo tuniiꞌa ciinnehine; tunebaani baharooch beeti, shattiibeeti cooxoommo neene; aaconoo ne baatoona kobecaꞌa qudiito neene.

Hiziqeeli 32:23

Boonoshi maasho beeto oppee duchoochiye; bi ginee naayinaꞌo beeto bi maashee guudoochiye; kashechinaꞌochi showoon keqqichitinaꞌo bulli, guureetinaꞌone; goraadoona dihitinaꞌone.

Hiziqeeli 32:27

Kashechinaꞌochi showoochaa keqqichiibee boonoshi echetoyich, goraadoon boonoshi qoyooch, gaachoonoo boonoshi toommooch gedaa boonoshi ginee qiicoona tookkii duukketi, wonna dihiti ginee anaaminaꞌochoommi eeppi doyoo boonoshich geddeyaanoone.

Yoꞌeeli 1:18

Boonoshi maayemmi mocoo aalletoyich miiminaꞌo giiqqiyeete; bageenaꞌoo shaaceꞌi shaawshaawimmiyeete.

Abidiyi 1:5

Gaayeenaꞌo woyee bokkeenaꞌo xumoona boonoshi waagaata, boonoshi daammemmo, boonoshi qaawiton baachiye. Woyinee aafoon macii beetinaꞌo, butteyemmon echii beetinaꞌone. Tunebaani am shaahe aallo neen quyeebeete!

Mikiyaasi 2:4

Ebiyooba asheenaꞌo ittoshin coonemminaꞌone; cooqqiribee ishichi shoosheminaꞌone: ‘Ciroona aalleto noone; no asheenaꞌo showoo qoodeetone; Doono Yeeri no showoon no kishoochee deqqiꞌi, noon keccitinaꞌoyich beshii immitone’ gettemminaꞌone” iye.

Sofoniyaasi 2:15

Are katemee asheenaꞌo geecechinaꞌo boonoshi tunetoyich, “No achooch amolla shagaachemmone” ii beetinaꞌone. Boonoshiyoo “Showee toommooch aricheti katemoo, no katemoo baachiye” iꞌi gabii beetinaꞌone. Tunebaani are katemoo happaa aallemmone; kubbi coochi beeyi xaaꞌoo tunemmone. Aroona beshemmi asheenaꞌo bulli boonoshi qelloon qeeqqerebee coonemminaꞌone.