Hiziqeeli 26:16 - Kafa Linguistics Project

¹⁶ Baharee gasheexi taateenaꞌo boonoshi taatee qeenoochee kindemminaꞌone; toommeexi boonoshi tahoonoo shoottemminaꞌone; shashechi boonoshi tahoon kichemminaꞌone; boonoshi qellich keqqoon taheree showooch kotemminaꞌone; kuxaanoon qewebee ne toommooch shaggitona geewemminaꞌone.

Hiziqeeli 26:16 ပူးပေါင်းရင်းမြစ်များ

Iyoobi 8:22

Neen shixxii beetinaꞌo yeelleree ceellemminaꞌone; axaaxeenaꞌo kexo tiishemmone” iye.

Shoddo 109:18

Ufon tahoochoommon tahehe; bi ashittinooch aacochoommon, bi shaawushoochoo zayitoochoommon gibe.

Shoddo 109:29

Taan taggee beetinaꞌo cooneyoon tahebeete; yeelloonoo tahoochoommon xappibeete.

Shoddo 132:18

Bi etteenaꞌoyich yeelloon tajjemmo taane; tunebaani bi uketi gubbichoo waccemmone” iye.

Shoddo 35:26

Ta iriteyoona emirii beetinaꞌo yeellebeete; boonoshichoo tambibe. Ta toommooch kaama ciixee beetinaꞌo yeelle giishebeete.

Keyo 15:15

Edoomee iraasheenaꞌo keqqoona qititinaꞌone; Moꞌabee ukkireenaꞌo qewetinaꞌone; Kanaanee asheenaꞌo keqqoona muujjitinaꞌone.

Isiyaasi 3:26

Yerusaalemi kelleenaꞌo muushenemminaꞌone; eeppemminaꞌone; katemeyoo shokko echaꞌa showooch koteti ureen shaahemmine.

Isiyaasi 41:5

“Buure showooch beetinaꞌo ta tuniiton beeggii shattiyeete; showee tuggooch beetinaꞌoo qeweheete; ikkooch kiceeꞌi waaheete.

Isiyaasi 47:1

Doono Yeeri ishichiye: “Baabloonee gidiideene, kindiree buttooch kotebe. Kalideenaꞌochi busheene, taatee qeenoochee kindiree showooch kotebe. Ebiyee bekk qeddi nire korootee, getaa ceekkeyaachemmi neene.

Isiyaasi 52:2

Kecceti Yerusaaleme, tibe; ne quttoon tebbebe; kecceti Tsiyooni maache busheene, ne cucheti sansalatoon ne qettoochee biishe.

Erimiyaasi 48:39

“Aabichii tiishehe! Aabichii eeppiye! Aabichii yeelleꞌi gubboon wochiye! Moꞌabi bi guudoona beeto bullina cooneetone; keqqooch tunetone” iye.

Shoosho 2:10

Yerusaalemi katemee geeneenaꞌo cikkimmiꞌi shidooch kotetinaꞌone; boonoshi qellooch quttoon shakkitinaꞌone; dookoonoo tahetinaꞌone. Yerusaalemi katemee gidiideenaꞌo boonoshi qelloon showooch yittitinaꞌone.

Hiziqeeli 16:10

Shashe qamisoon neech tajjiyoye; gaawe gooqqoochee shuuneeti caammoon neech geddoye; muttee tuppoochee shippeti shaashoon ne qellooch kaappoye; aaxxe tahoonoo ne toommooch xappiyoye.

Hiziqeeli 26:21

Ne ciiroon keqqichito tuniyemmo taane; ebiyee bekk beetaachemmi neene; qaaweyemmi neene; tunebaani ciroona daneyaachemmi neene, iye Nuggishoo Doono Yeeri’ ” iye.

Hiziqeeli 28:17

Mallet gaawoo ne tunoona ne mullo geecitone; ne oogoyicha iyaꞌa ne ariyoon eeꞌiihine. Ebich showooch neen duppehoye; neenna boonoshi cuuqqemmoyich taateenaꞌo aafooch neen duppehoye.

Hiziqeeli 31:15

“ ‘Nuggishoo Doono Yeeri ishichiye: Ebi mixo maash kindiyooba, ogooge aacinaꞌo biich eeppemmoyich, woce aacinaꞌo kuxemmoyich, wodde aacinaꞌo neexemmoyich tuniito taane; biicha iyaꞌa Libanoosich manderoon tajjiyoye; kubbi mixinaꞌo bulla shuuqqiyeete.

Hiziqeeli 32:10

Meeti asheenaꞌo ne toommooch tuneton beegiree keqqemmoyich tuniyemmo taane; boonoshi aafoochaa ta goraadoon ta tiikkiihooba, boonoshi taateenaꞌo ne naboona shati qewemminaꞌone; ne dihiyooba bi ikkikkoona bi kashoyich shati qewemmone.

Hiziqeeli 7:27

Taatoo eeppemmone; woraaferashoo gibenoon kuxxemmone; showee asheenaꞌochi kishoo keqqoona qewemmone; boonoshi gommi gommoommona boonoshi toommooch tuniyemmo taane; boonoshi nallitoommon boonoshi toommooch nallemmo taane; Doono Yeeri ta tunoon ariyemminaꞌone” iye.

Hiziqeeli 7:8

And kaateree ta neboon ne toommooch woniyemmo taane; ta kaaroon ne toommooch kindiyemmo taane; ne gommoommona ne toommooch nallemmo taane; ciigiiti ne mooyo bullich neen naxemmo taane.

Daaneeli 5:6

Biyoo oogeton keqqiye; bi halloo shaddeehe; bi baatoo qajjiye; bi tingoo qewehe.

Hosee'i 11:10

“Doono Yeeri taan dabbemminaꞌone. Tawoo daaheroochoommon gigemmo taane. Ta gigemmona ta bushiisheenaꞌo aabi-gimo waanee qewebee woyemminaꞌone.

Yoonaasi 3:6

Ebi mooyo Nanawi taatoo waan shagaa, biyoo bi qeenoochee kindiye; bi taatee tahoon shoottiye; dookoon taheꞌi tullee toommooch kotehe.

Haagi 2:22

showee toommooch beeti, taatittinee qeenon guuppa ii beeto taane; aagetee showee taatittinee giidoon aalliiya ii beeto taane; boonoshi gaarinaa gaarin yebbee beetinaꞌonon guuppa ii beeto taane. Boonoshi haresheenaꞌo qitemminaꞌone; yebbee beetinaꞌoo boonoshinaa boonoshina goraadoona qecceeree qitemminaꞌone.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

Yaaꞌoo 18:9

“Biinna tookkii shunoon maati, mashaamiti bi beemoochee tookkii qoodeeti showeexi taateenaꞌo bi micaa kechiibeeti cufoon beegiree, ‘Woowo!’ geti cookemminaꞌone; eefeshoo gettemminaꞌone.