Hiziqeeli 26:12 - Kafa Linguistics Project

¹² Ne gaannoon keccemminaꞌone; ne giixee qiicoon boggemminaꞌone; ne xaqqee uxeroon dichemminaꞌone; ne emiriibeeti ne kexinaꞌon happemminaꞌone; ne xaqqeenaꞌon, ne mixinaꞌonaa ne buriceenaꞌonon baharee daggooch duppemminaꞌone.

Hiziqeeli 26:12 ပူးပေါင်းရင်းမြစ်များ

2 Kiinoo 32:27

Hiziqiyaasich wodde gaannoonaa oogoona beetone. Birewoonaa aachoonon, aaxxe xaqqoonaa qimaamoonon, gaachoonaa aaxxe qiico bullinon bi kotiyemmi qiicee kexinaꞌon shuunehe.

2 Kiinoo 36:10

Naawooba taatoo Nabukadinatsori Baabloonee showooch biin cuchiꞌi daammiye; Doono Yeerichi yaafee kexeexi aaxxi qiicoonoo biinna tookkii daammiye. Bi manoo Sedeqiyaasin Yihudee showoonaa Yerusaaleminooch taatiihe.

Isiyaasi 23:11

Doono Yeeri baharee toommooch bi kishoon yaggiꞌi, taatittineenaꞌon shuurikkiye; Kanaaneenaꞌochi mishigeenaꞌo happeyemmoyich gettiye.

Isiyaasi 23:8

Gubbichoo ukiibeeti katemee toommooch, giixechi bi asheenaꞌo iraasheenaꞌonaa showee toommooch moogeetinaꞌona tuneti ebi Xiroosi toommooch, ebin tuniiya gabito konine?

Isiyaasi 32:12

Emirikkiibeeti qeemi showoonaa woyinee budo bullinoyich, ittoshi getoon qici eefote.

Erimiyaasi 25:34

Qiddeenaꞌote, eefote; cookishoo getote; hini bageenaꞌochi dooninaꞌote, tullooch gederebote; ebiyoo ittoshi guureyemmi aabo bi shaggitoyich, macecikkiti nuuqqee qiico buricoommon dihi buricemmo ittoshi tunetoyichiye.

Erimiyaasi 52:14

Taatoo quyee naayinaꞌochi iraashoona tookkii beeti, Baabloonee ginee naayinaꞌo bulli Yerusaalemi guudoona beeti uxeroon happiyeete.

Hiziqeeli 26:5

Asheenaꞌo boonoshi dabboon shuuꞌiibeeti, baharee daggooch beeti xaaꞌoon tunemmine; Nuggishoo Doono Yeeri ta ebin getteto taane. Aageteenaꞌo biin boggemminaꞌone.

Hiziqeeli 28:8

Neen maash daachiyemminaꞌone; baharee daggooch gonde qitoon qitemmo neene.

Daaneeli 11:8

Boonoshi nuggisheenaꞌochi misileenaꞌonaa aachoonaa birewoonoochee shuuneeti boonoshi qiiceenaꞌonon keciree, Gibits daammemmone; giisheche nati wottoon Sooriyee taatoon koyaanoon kotemmone.

Hosee'i 13:15

Bi maneenaꞌo daggoochaa bi gaannetaanona aabi-keyo waanee yongo barahoochee yongebee Doono Yeeri ta waanee waaree, bi aachi xuuphoon takkemmone; bi aachi oppoonoo shuuꞌiyemmone; bi ginjabeetoochee aaxxe bi qiico bullin tiijji daammemmone.

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Naahoomi 2:9

Birewoon bogote; aachoon bogote! Ebi katemoyich beeti aaxxe qiico, bi gaanno haddee ciyaanoone.

Zakaariyaasi 7:14

Boonoshi ariyaani aageteenaꞌo bulli daggooch yubee yongoona boonoshin shaccehoye. Showoo ashaalli shokkoon tunehe. Koniyoona arooch okk hach shaꞌemmo aallehe; ebina gaawe showoon shokko echiiheete” iye.