Hiziqeeli 25:6 - Kafa Linguistics Project

⁶ “Ebich Nuggishoo Doono Yeeri ishichiye: ‘Ittoshi kishoona koppee, ittoshi baatoona capphii Israꞌeelee dihoona emiriibee boonoshin qallayito ittoshine.

Hiziqeeli 25:6 ပူးပေါင်းရင်းမြစ်များ

Iyoobi 27:23

Are yongo bi kishoon koppemmone; bi hillooch dabbiree bi toommooch shokkemmone.

Iyoobi 34:37

No bulli aafoochaa, cooqqirii koppeebee, Yeeri toommooch woddoon yibbaatoona, bi axaaxee toommooch hukkoon daakkitone” iye.

Shaahiyoo 24:17

Ne etto dihoona emiriyaahine; bi tepheyoonoo ne mullo oogichi emiraaye.

Erimiyaasi 48:27

Israꞌeeli neenna hoxeyaanoone? Biichon ne yibbaatemmi haddoona ne qelloon qeeqqeraa ne beeto gaayeenaꞌo daggoochee bi yechetenane?

Shoosho 1:7

Yerusaalemi bi xuuxee aabooba, bi yallyallimee aabooboo, wonnee bi oogoon gabiyan. Yerusaalemi bi etteenaꞌo kishooch dihiyooba, biin gaachemmo aallehooba, bi etteenaꞌo bi dihoon beeggiꞌi diigii cooneheete.

Shoosho 2:15

Gommon beshee beetinaꞌo bulli ittoshi toommooch kishoon koppeheete; Yerusaalemi asheenaꞌochi toommooch shokkeheete; “Malletee balli, showoo bulli emiriibeeti katemee, ebine?” iibee qelloon qeeqqereheete.

Hiziqeeli 25:15

“Nuggishoo Doono Yeeri ishichiye: ‘Filsixeemeenaꞌo mullooch mooyon yeshona Yihudee macceenaꞌochi toommooch nichoon boonoshi gaaccitoyich, bulli aaboon ettoon tuneꞌi aalliyoyich boonoshi qaawitoyich,

Hiziqeeli 25:3

Amooneenaꞌoyich, Nuggishoo Doono Yeerichi qaaroon waayebote: Nuggishoo Doono Yeeri ishichiye: ‘Ta yaafee kexo eeꞌehooba, Israꞌeelee showoo shokkoon echehooba, Yihudee macceenaꞌo kecaa hamiyooba, usha ittoshi itoyich,

Hiziqeeli 35:15

Israꞌeelee macceenaꞌochi iristo shokko echetaa ne emiritoyich tawoo ebiyoommon ne toommooch tuniyemmo taane. Seyiri guudoocho, neennaa Edoomina bulla shokkoon echemmo ittoshine; ebina boonoshiyoo Doono Yeeri ta tunoon ariyemminaꞌone’ itone gete” iye.

Hiziqeeli 36:5

Ebich Nuggishoo Doono Yeeri ishichiye: Hoxoona tiyiꞌi oogeton emiriibee ta showoon bogona boonoshi hajjoon boono tuniitoyich, eche aageteenaꞌo bullinaa Edoomee asheenaꞌo bullinochi toommooch oogeti ta qanaatee qaaqqoon kindiyoona yibbaatemmo taane.’

Hiziqeeli 6:11

Nuggishoo Doono Yeeri ishichiye: “Israꞌeelee macceenaꞌo boonoshi tuniiti ciigiiti gonde mooyo bulliichee tiyitona, ginoona, shaacoona, biiyoonoo dihemminaꞌo boonoshi tunetoyich, ne kishoon koppebee, ne baatoonoo showoon qafibee woowo, geti cookibe.

Abidiyi 1:12

Gonde mooyo ne maneenaꞌo toommooch shagiyooba, diiga bedaano neene; boonoshi aallee aabooba, Yihudee asheenaꞌo toommooch emira bedaano neene; boonoshi duꞌee aabooba geeca bedaano neene.

Naahoomi 3:19

Ne mayo wodaachemmone; oogeti tiishoon tiisheto neene; ashi toommooch ne tuniiti kuxeyaani gonde mooyoochee, muriccito koniyoona aallo bi tunetoyich, ne aallee woroon waayemmo bulli, emiroona kishoon koppemmone.

Sofoniyaasi 2:10

Beshe Mawe Doono Yeerichi asheenaꞌon hoxee boonoshi coonetoyich, boonoshi geecee naboona ebi mooyo boonoshi toommooch shaggemmone.

Sofoniyaasi 2:15

Are katemee asheenaꞌo geecechinaꞌo boonoshi tunetoyich, “No achooch amolla shagaachemmone” ii beetinaꞌone. Boonoshiyoo “Showee toommooch aricheti katemoo, no katemoo baachiye” iꞌi gabii beetinaꞌone. Tunebaani are katemoo happaa aallemmone; kubbi coochi beeyi xaaꞌoo tunemmone. Aroona beshemmi asheenaꞌo bulli boonoshi qelloon qeeqqerebee coonemminaꞌone.

Sofoniyaasi 2:8

Beshe Mawe Doono Yeeri ishichiye: “Moꞌabee asheenaꞌonaa Amoonee asheenaꞌona ta asheenaꞌon coonee naageebee, boonoshi showoon yecha boonoshi miichoon waayeto taane.