Hiziqeeli 25:14 - Kafa Linguistics Project

¹⁴ Ta asheenaꞌo tuneti Israꞌeeleenaꞌochi kishoona Edoomi toommooch nichoon kichemmo taane; boonoshiyoo ta kaaroommonaa ta neboommona Edoomi toommooch tuniyemminaꞌone; aroochee Edoomeenaꞌo boonoshi toommooch nichoon kichito ta tunoon ariyemminaꞌone; ebin getteto Nuggishoo Doono Yeeri taane’ iye.

Hiziqeeli 25:14 ပူးပေါင်းရင်းမြစ်များ

Halloo 27:29

Aageteenaꞌo neech hajjeebeete; aagetee asheenaꞌo neech goyinnebeete. Ne maneenaꞌo toommooch doonon tunebe. Ne indee shiyetinaꞌo neech yiti goyinnebeete. Neen uppimmo koniyoona uppeto tunebe; neen diirimmo koniyoona diireeto tunebe” iye.

Isiyaasi 11:14

Boonoshiyoo ikkotteree, aabi-gimo waan beeti Filsixeemin kochemminaꞌone; aabi-keyo waan beeti asheenaꞌon boggemminaꞌone; Edoominaa Moꞌabinochi toommooch boonoshi mochoon yaggemminaꞌone; Amooneenaꞌoo boonoshich hajjeyemminaꞌone.

Erimiyaasi 49:2

Ebich Amoonee asheenaꞌochi katemoo tuneti Raabi toommooch kokkoree qaaroon ta waayiyemmi aabo woyemmone” iye Doono Yeeri. “Buriceechi gutoo tunemmone; bi gafeenaꞌoo qaaqqoona miccemminaꞌone; Israꞌeeliyoo biin woraashitinaꞌon woraashemmone” iye Doono Yeeri.

Erimiyaasi 51:36

Ebich Doono Yeeri ishichiye: “Ta ittoshi qoodoon taggemmo taane; ittoshi nichoonoo gaaccemmo taane; bi baharoon shuuꞌiyemmo taane; bi aachi xuupheenaꞌo shuuqqemmoyichoo tuniyemmo taane.

Hiziqeeli 25:17

Oogeti nichoon boonoshi toommooch gaaccemmo taane; neboonoo boonoshi toommooch kindiyemmo taane; boonoshi toommooch nichoon ta gaaciyooba Doono Yeeri ta tunoon ariyemminaꞌone’ itone gete” iye.

Hiziqeeli 35:11

Ebich Nuggishoo Doono Yeeri ta, beeyecho ta tunetoyich, ne kaaroommona, boonoshin shixxaꞌa ne qanaatetoommona ne toommooch tuniyemmo taane; ne toommooch ta nalliyooba, boonoshi daggooch arichemmo taane.

Yibbaatoo 32:41

Aaxxeebeeti ta goraadoon gayiremmo taane; nalloon kindiyoyich yechemmo taane. Ta etteenaꞌo toommooch nichoon kichemmo taane; taan shixxii beetinaꞌon sheeremmo taane.

Yibbaatoo 32:43

“Aageteenaꞌote, Doono Yeerichi asheenaꞌona tookki emiroona cookibote. Bi guuninaꞌochi damee nichoon kichii beetone; bi etteenaꞌo toommoochoo nichoon kichii beetone; boonoshi axaaxee naboona duubeti bi asheenaꞌo showoon xallii beetone” iye.