Hiziqeeli 25:13 - Kafa Linguistics Project

¹³ Ebich Nuggishoo Doono Yeeri ta ishichiyoye: Ta mochoon Edoomi toommooch yaggemmo taane; bi daggoochee ashoonaa gijjoonon aalliiree, hulloo echiyemmo taane. Temaani katemoochee tiijji Dedaani katemooch beddaahaa goraadoona dihemminaꞌone.

Hiziqeeli 25:13 ပူးပေါင်းရင်းမြစ်များ

Halloo 36:34

Yobaabi qititoyee gubb, Temaanee asho Hushaami bi xaaꞌooch kereeꞌi taatehe.

Halloo 6:7

Ebich Doono Yeeri “Ta halliti ashoochee tiijji, gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaanoo, showee toommo bulliichee ciroona boonoshin hidi aalliyemmo taane. Boonoshin ta hallitoyich ayinito taane” iye.

Shoddo 138:7

Xuuxo taan giishi gaatoona, ne ta kasheen wodiihine. Ta etteenaꞌochi kaaree toommooch ne mochoon tiijjihine; ne hakkoona taan wodiihine.

Erimiyaasi 25:23

Dedaanich, Teemich, Buuzich, boonoshi qelloon qebbeeti asheenaꞌo bullich,

Erimiyaasi 49:13

Botsiri wuche getteyemmo, naaggeyemmo, qixeyemmonaa ufo tunemmona bi tunoon taanna wogehoye, iye Doono Yeeri. Bi katemeenaꞌoo bulli aaboon shokkoon echemminaꞌone” iye.

Erimiyaasi 49:20

Ebich Doono Yeeri ta, Edoomi toommooch tuniiya ta itonaa Temaani katemooch beetinaꞌo toommooch ta gabiti gaboonon waayebote: Gijjeenaꞌoochee bagee gaggereenaꞌolla geecheyemminaꞌone; boonoshi dogo shokkoon echemmone.

Erimiyaasi 7:20

Ebich Nuggishoo Doono Yeeri ishichiye: Ebiyoche ta kaaroonaa ta neboona hini xaaꞌooch, ashoonaa kubbeexi cooxonochi toommooch, mixinaꞌonaa showee toommeexi maayi aafeenaꞌonochi toommooch wonemmone; aaxxemmone; tahishoo getaachemmone” iye.

Hiziqeeli 14:13

“Ashi bushoocho, ikke showee asheenaꞌo taach gibeneyaache ii axaaxoon boonoshi shuunetaa, tawoo ta mochoon boonoshi toommooch tiijjaꞌa boonoshi maayi woretoon ta kuxigaata, shaacoon deebaa ashoonaa gijjoonon ta wuxigaata,

Hiziqeeli 14:17

“Woyee ‘Goraado showoona beshebe’ iyaꞌa are showooch ginoon ta deejjaa, ashoonaa gijjoonon bi aalliigaata,

Hiziqeeli 14:8

Are uro toommooch ta aafoon maggiyemmo taane; cooqqireyechonaa sheeree malletoonon biin tuniyemmo taane; ta asheenaꞌo daggoochee biin waaxxemmo taane. Aroochee Doono Yeeri ta tunoon ariyemmo ittoshine.

Hiziqeeli 25:16

ebich Nuggishoo Doono Yeeri ishichiye: Filsixeemeenaꞌochi toommooch ta mochoon tiijjemmo taane; Kereeteenaꞌonoo aalliyemmo taane; baharee gashooch echetinaꞌonoo aalliyemmo taane.

Hiziqeeli 25:7

Ebich ittoshi toommooch ta mochoon tiijjemmo taane; ittoshi bosheyemmoyich aageteenaꞌoyich ittoshin beshii immemmo taane; asheenaꞌo daggoochee ittoshin aalliyemmo taane; showoochee ittoshin ciroona aalliyemmo taane; ittoshin ciichemmo taane; aroochee Doono Yeeri ta tunoon ariyemmo ittoshine’ iye.

Hiziqeeli 27:15

“ ‘Dedaanee asheenaꞌo neenna tookkii giixee beeheete; baharee gasheexi showeenaꞌo ne gabiyee godeenaꞌone; boonoshiyoo ne waanee qiicoon kemoyich dangeyi gashoonaa aaꞌi kupphe mixonon deebii beeheete.

Hiziqeeli 27:20

“ ‘Dedaanee asheenaꞌo koree gilaashoon deebona neenna tookkii giixee beeheete.

Hiziqeeli 29:8

“ ‘Ebich Nuggishoo Doono Yeeri ishichiye: Goraadoon ittoshi toommooch deebemmo taane; ashoonaa gijjoonon ittoshi daggoochee aalliyemmo taane.

Hiziqeeli 32:29

“Edoomee showee, bi taateenaꞌo bullinaa bi iraasheenaꞌo bullina arooch beetinaꞌone; hakkechinaꞌo boonoshi tunetaanoona, goraadoona qititinaꞌona tookkii dech qappooch qeyitinaꞌone; maash kindiibeeti dokireyaaneenaꞌona tookkii yangeetinaꞌone.

Hiziqeeli 35:3

Nuggishoo Doono Yeeri ta gettaa beeton ishichi gete: ‘Seyiri guudoocho, ne toommooch tiyeto taane; ta mochoon ne toommooch tiijjemmo taane; shokkaachoonaa amaalloonon neen tuniyemmo taane.

Hiziqeeli 35:9

Bulli aabooch shokkoon neen echiyemmo taane; ne katemeenaꞌo asho beetaachemminaꞌon tunemminaꞌone; aroochee ta, Doono Yeeri ta tunoon ariyemmo ittoshine.

Hiziqeeli 38:13

Sheebinaa Dedaanina, Tarisheshee giixechinaꞌonaa bi gafeenaꞌo bullina neech ishichemminaꞌone: “Kecoon daamma waanne? Bogoon ne boggemmoyich, birewoonaa aachoonon daamoyich, gaare gijjoonaa qiicoonon wodde kecoon daamoyich, meeti ne asheenaꞌon kicinne?” gettemminaꞌone, itone’ gete.

Amootsi 1:12

Ebich Temaani katemooch qaaqqoon geddemmo taane; Botsira beeti taatee kexinaꞌonoo michi aalliyemmone” iye.

Abidiyi 1:9

Temaani katemeexi ginee anaaminaꞌo keqqemminaꞌone; asho bulli Esayichi guudi toommoochee wuxaa aallemmone.

Imbaaqoomi 3:3

Yeeri wochinnoon Temaanee showoochee, Yaafe Yeeri, Faraani geppoochee waa beetone. Bi oogee yiiroo shimaayoon kaappitone; biin naadoo showoo bulliich ceennitone.