Hiziqeeli 24:6 - Kafa Linguistics Project

⁶ Ebich Nuggishoo Doono Yeeri ishichiye: “Ebi shexxoochoommon bi oshero maac beeti, bi oshero gawukkaani, damee katemoyich woowo! Ixoo dufaanoon meechi tumoon bi ikkikkoona kichibe.

Hiziqeeli 24:6 ပူးပေါင်းရင်းမြစ်များ

2 Saameeli 8:2

Ebiyoommon wotta Moꞌabeenaꞌon kochii wochiye. Boonoshinoo showooch qeejjiichii, woderoona qellayiye. Ebi qellayeetinaꞌoochee gutte beeroon wuxiichii, ikke beeroon wuxaanoon echiihe. Ebina Moꞌabee asheenaꞌo Daawitich hajjeeꞌi biich gibiroon qocciyeete.

2 Taateenaꞌo 21:16

Minaasi Yihudee asheenaꞌon axaaxoo bi shuuniitaa Doono Yeeri aafooch gonde mooyon boonoshi shuunetoyee baroo wotta, dofee xalle ashi damoon ukkoona Yerusaalemin hachi gocoochee okki gocooch beddaahaa, tajjitone.

2 Taateenaꞌo 24:3

Ebi bulli tuneto, taatoo Minaasi shuuneti axaaxoonaa bi tuniiti mooyo bullinochi naboona Yihudee asheenaꞌon bi aafoochee wokkiyoyich Doono Yeeri gettitoommoniye.

2 Taateenaꞌo 24:4

Ebiyee baroo wotta, Minaasi xalle ashi damoon bi ukkee naboonane; Yerusaalemin xalle ashi damoona tajjitone. Ebich Doono Yeeri biin maaroyich daaggaanoone.

Erimiyaasi 2:22

Yingaamona ne machetaanona, ne qellich saamunoon ne woddiitaanona, ne axaaxee kiino and beddaahaa ta aafoochiye” iye Doono Yeeri.

Erimiyaasi 6:29

Wonaafoona qaaqqoo hukkehe; tunebaani gondecho birewoochee woccii ufeyaanoone; ebiyoommon gonde mooyo ta asheenaꞌo waanee baraano bi tunetoyich, boonoshin birewoon ukkoommon ukkiya aayo gaacaalloone.

Hiziqeeli 11:11

Hini katemoo ittoshich qondoo tuneyaachemmone; ittoshiyoo bi daggoochaa meeno tuneyaachemmo ittoshine; tawoo Israꞌeelee daaroochaa ittoshi toommooch nallemmo taane.

Hiziqeeli 11:3

‘Kexon wochi no haggemmi aabo katino toone? Hini katemee qondeene; nowoo meeno noone’ itinaꞌone.

Hiziqeeli 22:12

Ne daggoochaa damoon ukkoyich xucco maaheete; newoo shimonaa koyitoonon deqqeti neene; ne xibeenaꞌo waanee daboona gaacoon daneti neene; taanoo batteti neene, iye Nuggishoo Doono Yeeri.

Hiziqeeli 22:2

“Ashi bushoocho, nalloyich qannitine? Damoon ukkiibeeti katemee toommooch nalloyich qannitine? Bi shuuneti ciigiiti shuunoo bullin bi toommooch awaajjibe.

Hiziqeeli 22:27

Bi daggooch beeti iraasheenaꞌo bi wuxiton yangixxiibeeti okeroomminaꞌone. Tateyaani gommona gaace danoyich ashi damoon ukkii beetinaꞌone.

Hiziqeeli 22:3

Ishichiree gete: ‘Nuggishoo Doono Yeeri ishichiye: Ne aabo shaggemmoyich ne daggoochaa damoo ufeebeeti, shahalloon shuunoona ne qelloon eeꞌiiti katemeene!

Hiziqeeli 24:3

Hukkechi Israꞌeelee macceenaꞌoyich shaahiyoon gete: Nuggishoo Doono Yeeri ishichiye gete: ‘Shexxoon gemmooch ne kotiitoye gubb; aacon arooch hakkebe;

Hiziqeeli 24:9

Ebich Nuggishoo Doono Yeeri ishichiye: “Damoon ukkiti katemeyich woowo! Ta, mixon woddiiree shookkemmo taane.

Yoꞌeeli 3:3

Ta asheenaꞌon qoodeyoyich ixoon duppiyeete; yahechinaꞌon qemoyich, anaami bushiisheenaꞌon immiyeete; woyinee uyoon uyoyichoo maache bushiisheenaꞌon kemmiyeete.

Abidiyi 1:11

Etteenaꞌo boonoshi kelloon tiichiꞌi giyiyooba, Yerusaalemi gaannoon ixoona boonoshi qoodeehooba, ebi arooba wokkaꞌa neexeto neene; newoo boonoshi etteenaꞌoochee ikkoon tuneto neene.

Yoonaasi 1:7

Aroochee markabechinaꞌo boonoshinaa boonoshina, “Hini gonde mooyo no toommooch bi waato, konichi naboona gaata no ariyemmoyich, ittoshi waataa ixoon dufone” iyeete. Ixoonoo duppiyeete; ixoo Yoonaasin yechiye.

Mikiyaasi 7:2

Yeer asho showee toommooch aalletone; ashi daggoochoo kaamoo tuneti asho aalloone. Asho bulli ashi damoon ukkoyich ottii quyee beetone; bi manoon dabboona dabbe yecha ii beetone.

Naahoomi 3:1

Damoon ukkoonaa kootona ceenneti, bogona aricheti, kecceti wodde qiicoona ceenneti, katemeyich woowo!

Naahoomi 3:10

Tunebaani Tebeesee asheenaꞌo kecaa hammiyeete; boonoshi showoochee kechiyeete; gommi addibaaboochaa, boonoshi gaggereenaꞌo ceqqetaa qitiyeete; aricheti boonoshi asheenaꞌo qoqqaannoona cucheheete; woraafa getteeti boonoshi asheenaꞌon ixoona qoodeeheete.

Maatiyoosi 23:35

Ebich cadiqo tuneti Abeelichi damoochee tiijjiꞌi, yaafee kexonaa deejjee gudee gutte daggoonoochaa ittoshi wuxiti Baraakiyichi bushoo Zakaariyaasichi damooch beddaahaa, showee toommooch ufeti cadiqeenaꞌo bullichi damee naboona echeyemmo ittoshine.

Yibbaatoo 23:13

Ne ginee qiicoona tookki kootteroon yeshe. Ebiyoo oppoon iiyiree arooch qashoon ne qashemmonaa qashoonoo aroona ne shiccemmonoyichiye.

Yaasi 10:22

Yaasiyoo “Gofee kelloon qechiree, ebi uuche taateenaꞌon kichi taach deebote” iye.

Yaaꞌoo 17:6

Ureyoo yaafeenaꞌochi damoona, Yesuusichon miixeti asheenaꞌochi damoona mashetin beeggeho. Biin ta beeggehooba, oogeton worganeho.

Yaaꞌoo 18:24

Are Baablooni katemee daggoochoo keemechinaꞌonaa yaafeenaꞌonochi damoo, showoochaanoo guuraa qititi asheenaꞌo bullichi damoo danetone.