Hiziqeeli 24:3 - Kafa Linguistics Project

³ Hukkechi Israꞌeelee macceenaꞌoyich shaahiyoon gete: Nuggishoo Doono Yeeri ishichiye gete: ‘Shexxoon gemmooch ne kotiitoye gubb; aacon arooch hakkebe;

Hiziqeeli 24:3 ပူးပေါင်းရင်းမြစ်များ

2 Taateenaꞌo 4:38

Elisayi wochinnoon Galigali hammiye. Are showooch shaacoo giyitone. Ikke guuphi keemechinaꞌo bi aafooch koteꞌi beetaa, bi aafee bushoyich, “Ooge shexxoon gemmooch kotiiree, ebi asheenaꞌoyich woxoon woxebe” iye.

Shoddo 78:2

Ta yibbaatoon shaahiyoona wonnemmo taane; wonnee tiijjiꞌi aacheeti mooyon gaxxemmo taane.

Isiyaasi 1:2

Shimaayeenaꞌote, waayebote; showeene, ellebe. Doono Yeeri ishichiye: “Bushiishoon shiimaa dichiyoye; tunebaani boonoshi ta toommooch hukkoon tiijjiyeete.

Isiyaasi 29:2

Tunebaani Arelin xuuxiyemmo taane; aroochoo ayinoonaa tuumona tunemmone; ebi katemee damoona wooreti deejjee gudoommon tunemmine.

Isiyaasi 30:1

Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Isiyaasi 30:9

Ebiyoo hukkechi asheenaꞌo, koote bushiisheenaꞌo, Doono Yeerichi qociyoon waayo qaawaaneenaꞌo boonoshi tunetoyichiye.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Erimiyaasi 1:13

Doono Yeeri wochinnoon taach, “Amooniye ne ciinnaabeeto?” iye. Tawoo “Qondooch gufiibeeti mooyoniye ta ciinnaabeeto; ebiyoo dambi-waanee hach wottee gaꞌetone” iyo.

Erimiyaasi 1:14

Doono Yeeri taach ishichiye: “Dambi-waanee gonde mooyo hini showee toommooch koteto bulli toommooch woyemmone.

Hiziqeeli 11:11

Hini katemoo ittoshich qondoo tuneyaachemmone; ittoshiyoo bi daggoochaa meeno tuneyaachemmo ittoshine; tawoo Israꞌeelee daaroochaa ittoshi toommooch nallemmo taane.

Hiziqeeli 11:3

‘Kexon wochi no haggemmi aabo katino toone? Hini katemee qondeene; nowoo meeno noone’ itinaꞌone.

Hiziqeeli 11:7

“Ebich Nuggishoo Doono Yeeri ishichiye: Qondooch beeti meeno, hini katemee daggoochaa ittoshi wuxiti asheenaꞌochi dubenoone; hini katemoo qondoone; tunebaani bi daggoochee ittoshin yoohi kichemmo taane.

Hiziqeeli 12:2

“Ashi bushoocho, hukkechi macceenaꞌo daggooch koteto neene; ciinoyich aafoo beetaa ciinaacheete; waayoyich waamo beetaa waayeyaacheete; ebiyoo hukkechi yareenaꞌo boonoshi tunetoyichiye.

Hiziqeeli 12:25

Tunebaani Doono Yeeri ta gettemmo taane; ta gettemmi qaaroo tatoona ceennemmone; hini hukkechi macceenaꞌote, ta gettemmo bullin ittoshi yemeenooch ceechemmo taane, iye Nuggishoo Doono Yeeri’ gete” iye.

Hiziqeeli 17:12

“Hukkechi macceenaꞌoyich ishichibe: ‘Ebi moochi biisho amo gaata ariyaachote? Ebiyoche, Baabloonee taatoo Yerusaalem waaꞌi bi taatoonaa bi iraasheenaꞌonon Baabloonee showooch bi waan daammitone.

Hiziqeeli 17:2

“Ashi bushoocho, turitebe; Israꞌeelee macceenaꞌoyich shaahiyoona yibbaatebe.

Hiziqeeli 2:2

Taach bi yibbaatemmona Ayaano ta maac giyiꞌi ta baatoona taan neechiye; taach bi yibbaatee beetonoo waayeho.

Hiziqeeli 2:3

Aroochee taach ishichiye: “Ashi bushoocho, Israꞌeelee asheenaꞌo waan, ta toommooch tiyiti hukkechi macceenaꞌo waan, neen daachiyemmo taane; boonoshiyoo boonoshi qaabbechinaꞌochoommon hanaach beddaahaa ta toommooch tiyii beetinaꞌone.

Hiziqeeli 2:5

Hukkechinaꞌo boonoshi tunetoyich boonoshi waayetaa woyee waayo qajjitaa keemecho boonoshi daggooch bi beemon ariyemminaꞌone.

Hiziqeeli 2:6

“Ashi bushoocho, boonoshich tuneba boonoshi qaaroyich shattaahine; guccinonaa angixona ne guudoona bi beetaa, barahee macheenaꞌo daggooch ne kotetaa, shattaahine; hukkechi asheenaꞌo boonoshi tunetoyich boonoshi qaaroon woyee sheexon shati keqqiyaahine.

Hiziqeeli 2:8

“Ashi bushoocho, ta gettaa beeton waayebe; ebi hukkechi asheenaꞌochoommon hukkechon tuneyaahine; ne kookkoon gaxxibe; ta immaa beeton mame” iye.

Hiziqeeli 20:49

Tawoo “Nuggishoo Doono Yeero, asheenaꞌo ‘Ebi uro cikkii nooch turiteeniye bi beeto’ ii ta mooyon yibbaatee beetinaꞌone” iyo.

Hiziqeeli 24:6

Ebich Nuggishoo Doono Yeeri ishichiye: “Ebi shexxoochoommon bi oshero maac beeti, bi oshero gawukkaani, damee katemoyich woowo! Ixoo dufaanoon meechi tumoon bi ikkikkoona kichibe.

Hiziqeeli 3:9

Ta neen shiishe xaqqoyee beshoon kuppho tuniito taane; hukkechinaꞌo boonoshi tunetaanoona boonoshich shattaahine; boonoshi sheexoyichoo keqqiyaahine” iye.

Mikiyaasi 2:4

Ebiyooba asheenaꞌo ittoshin coonemminaꞌone; cooqqiribee ishichi shoosheminaꞌone: ‘Ciroona aalleto noone; no asheenaꞌo showoo qoodeetone; Doono Yeeri no showoon no kishoochee deqqiꞌi, noon keccitinaꞌoyich beshii immitone’ gettemminaꞌone” iye.

Maariqoosi 12:12

Ayihudee iraasheenaꞌo ebi shaahiyoona bi gettiibeeto boonoshin bi tunoon ariiꞌi Yesuusin yecha qaawiyeete; tunebaani asheenaꞌon shattiꞌi qajjii hammiyeete.

Luqaasi 8:10

Yesuusiyoo ishichiye: “Yeeri bi taatittinee maacee mooyon ittoshich arichiitone; tunebaani bareenaꞌoyich bulli mooyo bi getteebeeto shaahiyoonane. Ebiyoo, ciinibee boonoshi beegaachemmoyich, waayebee boonoshi shalligaachemmoyichiye” iye.

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.