Hiziqeeli 24:24 - Kafa Linguistics Project

²⁴ Ebina Hiziqeeli ittoshich malletoo tunemmone; bi tuniito bulliyoommon ittoshiyoo tuniyemmo ittoshine; ebi tunehooba ta, Nuggishoo Doono Yeeri ta tunoon ariyemmo ittoshine’ itone” iyo.

Hiziqeeli 24:24 ပူးပေါင်းရင်းမြစ်များ

Isiyaasi 20:3

Aroochee Doono Yeeri ishichiye: “Ta guuno Isiyaasi Gibitsinaa Topphiyoonoyich malletoonaa worganikkiti mooyona bi tunemmoyich, keejje naton shokke qeddoonaa shokke baatoona bi shaꞌoommon,

Isiyaasi 8:18

Ebiyoche taannaa Doono Yeeri taach immiti ta bushiisheenaꞌona, Tsiyooni guudi toommeexi Beshe Mawe Doono Yeer waanee Israꞌeeleenaꞌoyich malletoonaa worganikkiti mooyona noone.

Erimiyaasi 17:15

Boonoshiyoo taach “Doono Yeerichi qaaro aaye? Eke and ceene” iyeete.

Hiziqeeli 12:11

Ebi ne tuniibeeti mooyo bulli boonoshi toommooch tunemmi mooyoyich malletoo bi tunoon boonoshich arichiibe; boonoshiyoo kecaa hammemminaꞌone.

Hiziqeeli 12:6

Boonoshi ciini beetaa qiicoon tiijji ne gogooch shaagi, showoon ne ciinaachemmoyich ne aafoon ufiree manderoona keyi hambe; tawoo Israꞌeelee macceenaꞌoyich malletoo neen tuniito taane” iye.

Hiziqeeli 17:24

Kubbeexi mixinaꞌo bulli, genje mixinaꞌon qamichito, qamini mixinaꞌon genjiito, gaare mixon shuuꞌiito, shuuqqiti mixinaꞌonoo gaariito, Doono Yeeri ta tunoon ariyemminaꞌone. Doono Yeeri ta, ebin getteto taane; ebinoo tuniyemmo taane’ itone gete” iye.

Hiziqeeli 20:44

Israꞌeelee macceenaꞌote, ittoshi gonde goomoommonaa shuunoommona tuneyaanoon, ta shigoyicha getiree ittoshich ta tuniyemmi mooyona Doono Yeeri ta tunoon ariyemmo ittoshine, iye Nuggishoo Doono Yeeri’ itone gete” iye.

Hiziqeeli 25:11

Moꞌabi toommooch nallemmo taane; ebina boonoshiyoo Doono Yeeri ta tunoon ariyemminaꞌone’ iye.

Hiziqeeli 25:14

Ta asheenaꞌo tuneti Israꞌeeleenaꞌochi kishoona Edoomi toommooch nichoon kichemmo taane; boonoshiyoo ta kaaroommonaa ta neboommona Edoomi toommooch tuniyemminaꞌone; aroochee Edoomeenaꞌo boonoshi toommooch nichoon kichito ta tunoon ariyemminaꞌone; ebin getteto Nuggishoo Doono Yeeri taane’ iye.

Hiziqeeli 25:17

Oogeti nichoon boonoshi toommooch gaaccemmo taane; neboonoo boonoshi toommooch kindiyemmo taane; boonoshi toommooch nichoon ta gaaciyooba Doono Yeeri ta tunoon ariyemminaꞌone’ itone gete” iye.

Hiziqeeli 25:5

Raabi katemoon, gaaleenaꞌochi gaddoon, Amooneenaꞌochi showoonoo bageenaꞌochi gaddoon tuniyemmo taane. Ebina Doono Yeeri ta tunoon ariyemmo ittoshine’ iye.

Hiziqeeli 25:7

Ebich ittoshi toommooch ta mochoon tiijjemmo taane; ittoshi bosheyemmoyich aageteenaꞌoyich ittoshin beshii immemmo taane; asheenaꞌo daggoochee ittoshin aalliyemmo taane; showoochee ittoshin ciroona aalliyemmo taane; ittoshin ciichemmo taane; aroochee Doono Yeeri ta tunoon ariyemmo ittoshine’ iye.

Hiziqeeli 4:3

Xuuree midaadoon daamiree neennaa katemoonochi daggooch xuuree uxeroon tuniiree neechibe; ne aafoon aroo waan wochibe; giicheetin tunemmine; newoo biin giichemmo neene; ebiyoo Israꞌeelee macceenaꞌoyich malletoon tunemmone.

Hiziqeeli 6:7

Wuxeetinaꞌo ittoshi daggooch dihemminaꞌone; ittoshiyoo Doono Yeeri ta tunoon ariyemmo ittoshine.

Hiziqeeli 7:27

Taatoo eeppemmone; woraaferashoo gibenoon kuxxemmone; showee asheenaꞌochi kishoo keqqoona qewemmone; boonoshi gommi gommoommona boonoshi toommooch tuniyemmo taane; boonoshi nallitoommon boonoshi toommooch nallemmo taane; Doono Yeeri ta tunoon ariyemminaꞌone” iye.

Hiziqeeli 7:9

Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee neen naxaabeeto Doono Yeeri ta tunoon ariyemmi neene.

Luqaasi 21:13

Ebiyoo ta mishiraachee qaaroon ittoshi miixemmoyich gommon qechemmone.

Yowannisi 13:19

“Ebi tunehooba aroo ta tunoon ariiree ittoshi iberiyemmoyich hanaach mooyo waataan beetaa ittoshich getteto taane.

Yowannisi 14:29

Ebi mooyo bi tunehooba taan ittoshi iberiyemmoyich, waataan bi beetaa, and ittoshich getteto taane.

Yowannisi 16:4

Ebin boonoshi tuniyemmi aabo waahooba, ittoshich ta getteton ittoshi shalligemmoyich, ebin ittoshich getteto taane” iye. “Ittoshina tookkaa batt ta beetoyich, shiichaꞌa ittoshich ebin getaano taane.