Hiziqeeli 24:21 - Kafa Linguistics Project

²¹ ‘Israꞌeelee macceenaꞌoyich, Nuggishoo Doono Yeeri ishichiye: Ittoshi yebeneebeeti, kashkuxoon ittoshi shunniibeeti, wottoo ittoshi mullee emiroo tuneti ta yaafee kexo eeꞌemmoyich tuniyemmo taane; Yerusaalem echeti ittoshi anaami bushiisheenaꞌonaa maache bushiisheenaꞌona goraadoona dihemminaꞌone.

Hiziqeeli 24:21 ပူးပေါင်းရင်းမြစ်များ

1 Taateenaꞌo 9:7

Israꞌeeleenaꞌon boonoshich ta immeti showoochee aalliyemmo taane; ta shigo arooch bi beeyemmoyich ta yaafiti, hini yaafee kexon duppemmo taane; Israꞌeeleenaꞌo asho bulli daggooch cooqqiree tocheyemminaꞌone.

Shoddo 105:4

Doono Yeerin, bi kupphiyoonoo qaawibote; bulli aaboon biin qaawibote.

Shoddo 132:8

Doono Yeero, tibe! Ne giidee malletoo tuneti ne taabootoona tookki ne kashee xaaꞌooch gibe.

Shoddo 27:4

Doono Yeerin ikke mooyon qollehoye; aroonoo qaawiyoye; ebiyoo, ta kashee yemeeno bullin Doono Yeerichi kexooch beemon, Doono Yeerichi gaawoon ciinnii worganoon, bi yaafee kexoochaanoo corootooniye.

Shoddo 74:7

Ne yaafee kexon michii aalliiheete; ne shigo ceekketi xaaꞌoon eeꞌiiheete.

Shoddo 79:1

Yeero, aagetee asheenaꞌo ne iristoon kochii yechiyeete; ne yaafee kexonoo eeꞌiiheete; Yerusaaleminoo happii aalliiheete.

Shoddo 84:1

Beshe Mawe Doono Yeero, ne yaafee kexo am shaahoon macecikkitone.

Shoddo 84:3

Ta Taatoo, ta Nuggishoo, Beshe Mawe Doono Yeero, ne deejjee gudee gaꞌooch gaashikafee kexon haggahane; gishiishi kafeenaꞌoo boonoshi qellich, boonoshi bushiishoon boonoshi geddemmoyichoo, kexon daneheete.

Shoddo 96:6

Oogoonaa oogee yiiroona bi guudoona bekkee beetone; giidoonaa oogoona bi yaafee kexooch beetone.

Isiyaasi 65:11

“Tunebaani Doono Yeeri taan qajjiti ittoshin, yaafeeti ta guudon batteti ittoshin, Gaadi getteeti nuggishoyich madoo qanniiti ittoshin, Meni getteeti nuggishoyich bacceeti woyinee xoofoon qanniiti ittoshin,

Erimiyaasi 6:11

Ebich Doono Yeeri ippoommon ippeto taane; haaꞌii maac yeshon womiito taane. Aroochee Doono Yeeri taach ishichiye “Gommooch beeti bushiisheenaꞌo toommooch, wottoo kiceeꞌi beeti gurimaasheenaꞌo toommooch, ebi kaaroon kindiibe; kenoonaa mecheena, geenetinaꞌonaa baayetinaꞌona yeshaa hammemminaꞌone.

Erimiyaasi 7:14

Shiloohi katemooch ta tuniitoommon ta shigo ceekketi, ittoshiyoo gibeneebeeti kexooch ittoshinaa ittoshi qaabbechinaꞌonoyich ta immeti xaaꞌooch tuniyemmo taane.

Erimiyaasi 9:21

Gaggereenaꞌon gommoochee, gurimaasheenaꞌon addibaaboochee aalliyoyich qitoo no mallee kellooch shaggitone; no taatee kexinaꞌoochoo giyitone.

Shoosho 1:10

Aaxxe bi qiico bullin, etto hokkii daammiye; ne iitee daggooch boonoshi giyaachemmoyich ne bajjeti aageteenaꞌo, bi yaafee duukkaanooch boonoshi giyaa, beeggahan.

Shoosho 2:1

Doono Tsiyoonin bi kaaroona am shaahoon qubo shiixxoommon shiixxiye! Israꞌeelichi oogoon shimaayoochee showooch ceqqehe; Tsiyooni bi baatee neexi xaaꞌee bi tunoon bi kaaree aabooba gabaanoone.

Shoosho 2:21

“Gurimaashoonaa geenoona gommeexi buttooch dihiyeete; gurimaashe maacheenaꞌonaa anaaminaꞌona, goraadoona dihitinaꞌone; ne kaaree aabooba boonoshin wuxihine; boonoshich ariqqeyaanoon guurihine.

Hiziqeeli 23:25

Ta qanaatoona neen ta kaaretoyich boonoshiyoo oogeti kaaroona tiyemminaꞌone; ne muddoonaa ne waamonon kuxxemminaꞌone; ne daggoochee echeto goraadoona dihemmone; ne anaami bushiishoonaa maache bushiishoonon keci daammemminaꞌone; ne daggoochee echeton qaaqqoo maayemmone.

Hiziqeeli 23:47

Ebi dofee asheenaꞌo xaqqoona boonoshin qiceete; goraadoonoo qeccebeete; boonoshi anaami bushiishoonaa maache bushiishoonon wuxibeete; boonoshi kexinaꞌon qaaqqoona michibeete.

Hiziqeeli 24:16

“Ashi bushoocho, kashkuxoon ne shunnaabeeti mooyon naxoona daammemmo taane; newoo muushene eeppaahine; ne acimoonoo ukkiyaahine.

Hiziqeeli 24:20

Tawoo boonoshich ishichiyo: “Doono Yeeri taach ishichitone:

Hiziqeeli 24:22

Ebiyooba ittoshiyoo ta tuniitoommon tuniyemmo ittoshine; ittoshi noonoon oppeyaachemmo ittoshine; aakkee maayoon maataachemmo ittoshine.

Hiziqeeli 24:25

Doono Yeeri ishichiye: “Ashi bushoocho, boonoshi emiroonaa oogoonon tuneti, kashkuxoon boonoshi shunnii beetonaa boonoshi mullee emiroona tuneti, boonoshi gibeneebeeti yaafee kexon, boonoshi anaami bushiishoonaa maache bushiishoononoo ta tiijjiyooba,

Hiziqeeli 33:28

Showoon shokkaachoonaa amolla aalloonon tuniyemmo taane; bi geeciibeeti bi giidoo niremmone; Israꞌeelee guudinaꞌon shokkoon echiyemmo taane; koniyoona aroona besheyaachemmone.

Hiziqeeli 7:24

Aageteenaꞌo daggoochee oogeti gondeenaꞌon deebiree boonoshi kexon bogi boonoshi deqqemmoyich tuniyemmo taane. Giidechinaꞌochi geecoon shoottemmo taane; boonoshi yaafe xaaꞌeenaꞌoo eeꞌemminaꞌone.

Hiziqeeli 9:7

Biyoo boonoshich “Hamiree yaafee kexon eeꞌiibote; addibaabooch dubenoon ceechibote; tiyi hambote” iye. Ebich hammiꞌi katemeexinaꞌon wuxooch giyiyeete.

Daaneeli 11:31

“Bi ginee naayinaꞌoo yaafee kexonaa bi xaqqee uxeroonon eeꞌiyemminaꞌone. Yeerich qemi qemona giddeebeeti deejjoon echiyemminaꞌone. Aalloon deebemmi eeꞌoon Yaafe Xaaꞌooch neechemminaꞌone.

Hosee'i 9:16

Efreemi hosheeꞌi bi cammo shuuqqiti, aafoonoo aafeyaani mixoommon tunehe. Bushiishoon boonoshi shiyitaanona aaxxe boonoshi bushiishoon wuxemmo taane” iye.

Leweenaꞌo 26:19

Ittoshi geeciibeeti ooge geecoon aalliyemmo taane. Ittoshiyee damba beeti shimaayoochee amiyo aalletaa, ittoshi showoo gooshoo wogoommon wogemmone.

Milikiyaasi 2:12

Ebin tuniibeeti asho, Beshe Mawe Doono Yeerich deejjoon bi giddiiteenolla Doono Yeeri Yaaqobichi shiijjereenaꞌo daggoochee biin kichi yoohe.