Hiziqeeli 24:13 - Kafa Linguistics Project

¹³ “Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Hiziqeeli 24:13 ပူးပေါင်းရင်းမြစ်များ

Isiyaasi 22:14

Beshe Mawe Doono Yeeri bi qelloona taach ishichiye: “Ebi ittoshi axaaxoo ittoshi qitimmi wottoon ittoshich maareyaachemmone” iye Beshe Mawe Nuggishoo Doono Yeeri.

Erimiyaasi 13:27

Geppeenaꞌonaa gaddeenaꞌonoochaa ne shuuneti ciigiiti shuunoon, shunee ne mamon, ne kaahonaa ne yahoonon beeggeto taane. Yerusaaleme, neech woowo! Ne xalleyaachemmo aati wottooniye?” iye.

Erimiyaasi 31:18

“Efreemi ayinoona ishichoon waayehoye: ‘Yookkeyaani bariyoochoommon taan sheerihine; tawoo sheerehoye; Doono Yeeri ne, ta Nuggishoo ne tunetoyich taan wochibe; tawoo wottemmo taane.

Shoosho 1:9

Bi eeꞌo bi qamisee toommooch bekkehe; bi ciiro amo gaata ariyaaneene; ebich gonde dihoon dihiyan; biin goggiyemmonoo muccahan. Biyoo “Doono Yeero, ta duꞌoon beege! Etto taan kochii wochitone” iyan.

Shoosho 5:22

Ebi tuno qayigaata, noon ciiroona duppetine, no toommoochoo oogichaa kaaretine, getone.

Hiziqeeli 16:42

Ebina ne toommooch ta ippeti ippo aqqemmone; ta qanaato ne waanee wokkemmone; cikkiyemmo taane, wochinnoonoo kaareyaachemmo taane.

Hiziqeeli 22:24

“Ashi bushoocho, Israꞌeelee showoon ‘Hini xalleyaaneene, ta kaaree aabooba amiyo ne toommooch dihaachemmine’ gete.

Hiziqeeli 24:11

Aroochee ebi xuuree shexxoon gecheti qaaqqooch ne kotiitaa gaamiree bi xuuroo ceellebe; ebina bi kiino woccemmo, bi oshero miccemmo tunemmone.

Hiziqeeli 5:12

Ittoshiichee keejj beereexi ikkoo ittoshi daggoochaa biiyoona, shaacoonoo ciiremmone; wotta keejj beereexi ikkoo katemoyee maachaa goraadoona dihemmone; bare keejj beereexi ikkoon yongo bulliich shaccemmo taane; goraadoonoo yookkemmo taane.

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Hiziqeeli 8:18

Ebich ta, kaaroona boonoshi waan woyemmo taane; boonoshich ayini ariqqeyaachemmo taane; qaaroon oogichiꞌi ta waan boonoshi cookitaa waayeyaachemmo taane” iye.

Hosee'i 7:1

“Ta asheenaꞌon kecoochee wochiya ta iyooba, Israꞌeeleenaꞌon wodiiya ta iyooba, Efreemichi axaaxoo, Shamaari katemee asheenaꞌochi gonde shuunoo bekkehe. Boonoshinaa boonoshina kootoon yibbaateheete; kexon tiichii giyiꞌi gaajjiyeete; bokkoo tuneꞌinoo gommoochaa boggiyeete.

Leweenaꞌo 13:55

Bi machetoyee gubb, ebi qiicoon wochinnoon manjii ciine. Burbuꞌo gamino bi qajjitaanona, bi shaahoon shaddaano bi tunegaata, eeꞌoone. Ebi qiico burbuqqito maacaa tuneba maachaa, qiico qaaqqoona miccemmoyich tuniibe.

Leweenaꞌo 14:43

“Xaqqo waaxaa bacheechaa, dufo oppheꞌi wochinnoon bare dengo duppetoyee gubb, ebi bukketi mooyo wochinnoon bi bekkegaata,

Sofoniyaasi 3:2

Ebi asheenaꞌo getaa giyaaneenaꞌo, kaaree ciicenoo waayeyaaneenaꞌone. Doono Yeerin gibeneyaacheete; boonoshi Nuggishoo waanoo giddeyaacheete.

Sofoniyaasi 3:7

Ebi bullin tuniyoona ‘Ta asheenaꞌo taan shattemminaꞌone; ta sheeroyichoo deꞌa gettemminaꞌone; ta sheeriti sheeroon ciroona batteyaachemminaꞌone’ iyaꞌa gabiyoye. Tunebaani boonoshi aafichoommon gonde mooyo bullin kuxaanoon shuunooch giyiyeete” iye.

Zakaariyaasi 6:8

Ebiyee gubb maraakoo “Dambi-waani showooch hammiti haresheenaꞌo Doono Yeeri kaaro aqqemmoyich tuniitinaꞌone” iꞌi ta waan cookiye.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Yaaꞌoo 22:11

Hukkecho hukkoon andoo shuune beebe; tiyaariibeeti shuunoon shuuneebeeto andoo shuune beebe; cadiqe asho andoo cadiqee shuunoon shuune beebe; yaafoo andoo bi yaafittinoona beebe” iye.