Hiziqeeli 24:12 - Kafa Linguistics Project

¹² Tummeeti bi oshero qaaqqoonolla gawukkaano bi tunetoyich, aayo bulli duubo tunetone.

Hiziqeeli 24:12 ပူးပေါင်းရင်းမြစ်များ

Halloo 8:21

Doono Yeeriyoo ebi deejjee cinnoona emiriye. Biyoo bi mulloona ishichiye: “Bi bushittinoochee tiijjiꞌi ashi mullee gaboo gondo bi tunetoyich, showoon ashi naboona wochinnoon ufaache; wotta ebi and ta tuniitoommon, kashechi halleenaꞌo bullin wochinnoon aalliyaache.

Isiyaasi 1:5

Hukkoon andoo daakkii shuunoona, wochinnoon ittoshi sheereebeeto amoyichiye? Ittoshi ikkikkoona ittoshi qello mayetone; ittoshi mulloo baallitone.

Isiyaasi 47:13

Meeti ciicoon waayoona nireti neene; agenee keyi baarooba xojjenoon ciinnii beetinaꞌo, xojjenee hiddechinaꞌo, ne toommooch tunemmon geteete; eke tiyiree neen wodiibeete.

Erimiyaasi 13:27

Geppeenaꞌonaa gaddeenaꞌonoochaa ne shuuneti ciigiiti shuunoon, shunee ne mamon, ne kaahonaa ne yahoonon beeggeto taane. Yerusaaleme, neech woowo! Ne xalleyaachemmo aati wottooniye?” iye.

Erimiyaasi 2:13

“Ta asheenaꞌo gutte gonde mooyon tuniitinaꞌone; ebiyoo, kashee aachi tunoo tuneti taan qajjitinaꞌone; aacon yesho hakkaani, hote oppeenaꞌonoo boonoshi qellich iijjitinaꞌone.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Erimiyaasi 51:58

Beshe Mawe Doono Yeeri ishichiye: “Baabloonichi tagge uxeroo happeyemmone; bi genje kelleenaꞌo qaaqqoona miccemminaꞌone, asheenaꞌochi aayo duubemmone; aageteenaꞌochi shuunoo qaaqqooch tunemmone” iye.

Erimiyaasi 6:29

Wonaafoona qaaqqoo hukkehe; tunebaani gondecho birewoochee woccii ufeyaanoone; ebiyoommon gonde mooyo ta asheenaꞌo waanee baraano bi tunetoyich, boonoshin birewoon ukkoommon ukkiya aayo gaacaalloone.

Erimiyaasi 9:5

Asho bulli bi xiboon dawushiye; iberoon yibbaateebeeto koniyoona aalle; kootee yibbaatoon boonoshi heciyooch dojjitinaꞌone; gonde mooyon tuniyoona aajjiyeete.

Hiziqeeli 24:13

“Yerusaaleme, shunee mamona eeꞌeti neene; neen xalliiya ta qaawitaanona ne xalleyaane neene; ta kaaree shiixxoo kindii beshemmi wottoon ne eeꞌoochee xalleyaachemmi neene.

Hiziqeeli 24:6

Ebich Nuggishoo Doono Yeeri ishichiye: “Ebi shexxoochoommon bi oshero maac beeti, bi oshero gawukkaani, damee katemoyich woowo! Ixoo dufaanoon meechi tumoon bi ikkikkoona kichibe.

Hosee'i 12:1

“Efreemi tuniibeeto, heeyo bullin aabi-keyo waanee waabeeti yongoon yecha yookkii dabboommi, gaacaalli mooyone. Kootoonaa hukkoonon woddiihe. Asooreenaꞌona tookkii wogoon giyiye; Gibitsoo zayitoon daachiihe” iye.

Imbaaqoomi 2:13

Ittoshi kochii yechiti aageteenaꞌo haggito bullin qaaqqoo maa aalliyemmoyich, boonoshi aajjito bulliyoo gaacaallo bi tunemmoyich tuniito, Beshe Mawe Doono Yeeri toone?